~*¤®§ (*§ وظيفه خلال ثلاث اشهر §*) §®¤*~

19 thoughts on “~*¤®§ (*§ وظيفه خلال ثلاث اشهر §*) §®¤*~”

1. حبيبي منو يقول أن ما في شغل في الإمارات أو أن الإمارات تفضل الأجنبي…. حبيبي الدولة مب مقصرة ويا عيالها

   أول شي أنا برمس عن محيطي لأني ما أعرف عن الناس الباقين

   أنا الله يسلمك تخرجت بتاريخ 23 يونيو 2008 من كليات التقنية دبلوم وقدمت في كم مكان المهم أنقبلت في أدنوك وقبل لا أوقع العقد وياهم أنقبلت في الصحة وداومت عندهم فتره عقب أنقبلت في الماء والكهرباء والحمدلله بعدني أداوم عندهم طبعا هذي المواقع إلي وصلت لين العقود وياهم أما المكانات إلي أنقبلت فيها مبدئيا ولكني ما تابعت الموضوع وياهم فهي كالتالي :
   وزارة الخارجية
   شركة الدار العقارية
   ترانسكو
   الإتحاد للطيران > أنا ما قدمت عندهم هم أتصلوا
   شركة شلامبرجر> أنا ما قدمت عندهم هم أتصلوا

   طبعا أنا ما كتبت الموضوع علشان أتخقق أنا الحمدلله أول ما خذيت الشهادة توكلت على الله وفوضت أمري له ….وأنعرضت علي الواسطات رفضتها لأني مؤمن أن الموضوع بيد الله سبحانه وتعالى ….طبعا في مكانات أنا ما قدمت فيها مع أني متأكد من قبولي فيها بأذن الله مثل الجيش والشرطة لأني أعرف هالمكانات صعب أوصل لطموحي

   وفي ناس أعرفهم وصلت لهم الوضايف لين بيوتهم ورفضوها للأسف لأنها على قولتهم ما تليق أبهم مع أنهم ما عندهم شهايد – اللهم لا شماته

   حبيبي في ناس تحصلهم أول شي يدورون الواسطة عقب يقدمون نسو أن الموضوع بيد الله سبحانه وأن إلي يعتمد على الله ما يخيب وأن إلي يعتمد على الناس يخيب والنبي عليه أفضل الصلاة والسلام قال : ” قل لو أجتمعت الأمة على أن ينفعوك بشيء ما نفعوك بشيء إلا وقد كتبه الله لك وقل لو أجتمعوا على أن يظروك بشيء ما ظروك بشيء إلا وقد كتبه الله عليك رفعت الأقلام وجفت الصحف ” صدق رسول الله (ص)
   وعنا مثل يقول إلي يبا الصلاة ما تفوته

   والصلاة والسلام النبي الأمي محمد بن عبدالله

   والحمدلله رب العالمين

   تحياتي أخوك الصغير Mr Ahmed

   كلام الله على عيني وراسي

   ولكن الله سبحانه وتعالى امر بالعدل

   فهل العدل اننا نييب من برا ونخلي عيال البلاد ؟

   بعض المرات الشخص ما يطلب واسطه للتعيين في المكان الفلاني لأن اسم ابوه يكفيه كواسطه
   وانت انعرضت عليك الواسطات ورفضتها وفي نفس الوقت الشركات تتصل بك بدون لا تقدم عندهم فيا ترى من وين يابوا رقمك ولا اسمك ؟
   اذا كنت ولد فلان الفلاني هذا شي لكن اذا تبا ببادلك بإسمي وسير قدم على وظيفه واذا انقبلت كطباع خير وبركه

   لا تعمم حالتك على الجميع وياما ناس تموا سنين وهم ينتظرون الوظيفه ومب محصلين

   أقسم لك بالله ان واحد من عائلة معروفه بأبوظبي متزوج وعنده عيال ويبا يشتغل وراضي انه يشتغل حتى لو فراش او كناس بس اهم شي يشتغل والقهر حاطين موضوعه بجريدة الامارات اليوم ومحد سوا له سالفة

2. لاتعليق——-

3. أنت شو تقول

   هذا أجنبي

   يعني من بيته هناك يسوي اتصال واحد في أي مكان يبا

   بيلاقي له وظيفه

   بقولك شئ ـــ

   الأجانب هاييل مابيتغربوا عن بلادهم الا إذا بلادهم ماتباهم ــ لنهم مافيهم خير وماشئ استفاده من وراهم

   والا حد يدرّس في جامعة بثانويه عامه !! هيه الأجانب

   يدرس بجامعة وهو عنده ثانويه عامة ؟؟؟

   وين هذا ؟؟؟

   أي جامعه ؟؟؟

4. السبب الي مافيه ون وتوو

   الوافد عقب مايستقر اهني ،، ولد عمه وهو فبلادهم يطرشله

   السيفي ماله

   ووهو يرتبله وظيفة

   وبعدين هاليديد يرتب لولد خالته

   وولد خالته يرتب لبنت اخته

   وبنت اخته اتيب ربيعتها

   لين تحصل القبيلة كلها اهني

   وماله داعي يصيفون فبلادهم

   يصيفون فبلاد ثانية خخخ

   وكان الله غفور رحيم

   عيل ليش نحن كعيال البلاد ما نرتب لجماعتنا واهلنا بدل لا نسوي للشقر والحمر ترتوبيشن ؟؟؟

   واحد من الشباب يشتكي لي ويقول ابوي منصبه عالي ومرموق على مستوى الدوله ولكن مايبا يساعدني حتى اتوظف والسبب ما يبا احد يرمس عنه ويقول والله فلان وظف ولده وفي نفس الوقت اذا ياه غريب ما يقصر وياه ويسوي له الف واسطه

   شو السبب يا ترى ؟؟؟

5. الله يكون في العون ..

   اخوي أنا بخبرك شي و هو واقع ..

   مسؤولينا “الموااااطنين” ما عندهم ثقه فينا نحن أنه نقدر ننجز و عشان جي تشوفهم طايحين في المستشارين من برع الدوله …

   وين تبي مسؤول وافد في اي دائرة يعطيك انته ثقه دامك مواطن و ما عندك خبره صعب انك تحصل وظيفه, معليك ترا معارض التوظيف هذا كلام فاضي بس عشان يجمعون سيفيات و يزقرونك حق المقابله هذا اذا كان حظك ضارب السما, ويسوون مقابله معاك في نفس اليوم مع ولد عمهم “طوني” عشان يقولون انه المواطن ما يبي الوظيفه بس و ياخذون ولد عمهم.

   بالنسبة لمعارض التوظيف بصراحه انا مريت عليهم اكثر من مره وبالنهاية يجمعون السي في ويحطونها بالداتا بيس مالهم واذا احد تخبرهم يقولون والله اتصلنا بس ما يبون
   اكيد مابا اذا كنت خريج جامعة وراتبي 7000 وهذاك اشقر وعيونه زرق خريج ثانوية عامه وراتبه 40 الف

   ولا شو رايك ؟؟؟

Comments are closed.