السلام عليكم ورحمة الله وبركاته
من المعروف ان الشباب اسهل بالحركه والخروج والاجتماعات
يعني يقدرون ياخذون راحتهم بالتجاره اكثر من البنات
ولكن اللي نلاحظه بهالزمن ان البنيه تحاول انها تدخل بالتجاره
ويمكن صعوبة العادات والتقاليد تقف في وجهها بعض الاحيان
لهذا السبب بحاول بين فتره وفتره اطرح بعض المشاريع البسيطه برأس مال بسيط
يمكن خواتي يستفيدون منها
يمكن بعض هالمشاريع تعتبر قديمه
ولكنها جديده على البعض الآخر
…
اليوم عندي لكم مشروع تكلفته بسيطه
المشروع عباره عن شراء بضاعة معينه عن طريق الانترنت وتوصلكم هالبضاعه عن طريق البريد
من المعروف ان نسبة كبيره من البنات يهتمون بالملابس الداخلية
من حيث انواعها وخامتها وموديلها
ويدفعون مبالغ قد تصل الى 700 او حتى 1000 درهم للطقم المكون من قطعتين
اليوم بعطيكم ماركة مشهوره مالها اي فرع خارج الولايات المتحدة الأمريكية
الماركة اسمها
فيكتوريا سيكرت
هذه الشركة متخصصه بكل ما تحتاجة المرأة من ملابس داخليه او بيجامات نوم او عطور وكريمات و…..الخ
نحن مقبلين على فترة اعراس وكل عروس تبا تاخذ شي مميز
انصح البنات اللي بيعرسن او صديقاتهم او من نتحب تدخل بالتجارة الدخول الى موقع شركة فيكتوريا سيكرت
وشراء ماترغب به من احدث الموديلات عن طريق الفيزا كارد
واعطائهم العنوان وبيطرشونها لكم في خلال اسبوعين او ثلاثة اسابيع
بإمكانكم شراء كمية بمبلغ 5000 درهم وبيعها بفائده بسيطه للعرايس او المتزوجات او اللي تحب تلبس ماركات
البعض يقول ان ماركة فيكتوريا سيكرت تصنع في مدينة عجمان ويبيعونها ارخص اهنيه
احب اقول لهم بأن الشركة مصنعها في امريكا والمصنع اللي يسوي هالشي في عجمان تراه يصنع تقليد للماركة وهالكلام متأكد منه 100%
البعض يخاف من الشراء عن طريق الانترنت واعطائهم رقم الفيزا كارد
احب اقولهم بأن بعض البنوك تصدر بطائق خاصه للشراء عبر الانترنت بالفيزا كارد بالقيمه اللي تطلبونها
يعني تطلبون فيزا كارد بقيمة 5 آلاف درهم فقط واذا ما وصلت البضاعة البنك وشركة الفيزا كارد تتحمل المسؤولية
وبعدين شركة فيكتوريا سيكرت تستخدم أامن الانظمة بالعالم للحفاظ على سمعتها بالشراء عن طريق الانترنت
اهم شي ان كمبيوتركم مسوين له فورمات وفيه اجهزة الامان مثل الانتي فايروس وفاير وول وهالسوالف
وهذا موقع الشركة
www.victoriasecret.com
والله يوفقكم
اخوكم
ابو شوق
الله يعطيك العافيه
كلامك مميز وفيه الافاده … ولكن في الوقت الحالي الكل يدور على الربح السررريع
وهذه اكبر مشكله … التجاره يبالهاا صبرررررررررررر وتحمل وتهيأة النفس للشين قبل الزين..
للمرة الثانيه انتظر منك التجارة الثانيه
اختي هذا ربح سريع للغاية
مشروع بسيط وتكلفته عاديه والبضاعه بتطير في خلال ساعات والله
جربي وماراح تخسرين
السلام عليكم
اخوي هذه الماركة تضارب عليها التجار في الدولة و صارت حرب شرسة عليها
قالي ابن احد اكبر تجار الاماارات …. لو في مجال كان خذوا الماركة
المشروع رابح ١٢٧٦٤٥٣٧١٥٤١١١٧٦٤٥١٩٢٣٦٧ ٪ بس انت تقدر تجيب الماركة ؟
اذا تقدر تجيب الماركة …. لها كلام ثاني … بس اقولك ياها شبه مستحيل
نحن نفكر انه نلعبها من جانب اخر بتعامل مع شركات امريكية باسمها نسويها … بس السالفة فيها ناس هب هينين . . .
هلا اخوي
انا ما قلت تييب الوكاله
اي شخص يقدر ييب الماركه ويشتري
ادخل على موقعهم
واشتر اللي تباه بالانترنت
وبيطرشونه لك بالبريد
يعني ما يبالها شغل ولا وكاله ولا شي
أضمن وابرك من المقصه اللي بمصانع عجمان :^8:
هلا اخوي
حبيت آعلق علي هذه الجملة
” حب اقولهم بأن بعض البنوك تصدر بطائق خاصه للشراء عبر الانترنت بالفيزا كارد بالقيمه اللي تطلبونها
يعني تطلبون فيزا كارد بقيمة 5 آلاف درهم فقط واذا ما وصلت البضاعة البنك وشركة الفيزا كارد تتحمل المسؤولية
وبعدين شركة فيكتوريا سيكرت تستخدم أامن الانظمة بالعالم للحفاظ على سمعتها بالشراء عن طريق الانترنت
اهم شي ان كمبيوتركم مسوين له فورمات وفيه اجهزة الامان مثل الانتي فايروس وفاير وول وهالسوالف
وهذا موقع الشركة
”
يا اخي فيه البنك البريطاني … يصدر لك بطاقة صفر … لازم تعبيا علي كيفيك
وفي اخري هيه الاقوي من نوعها علي النت البي بال
تقدر تسوي ضمان علي فلوسك بس آتوقع تضمن في حالة تواجدك في امريكا
بس علي العموم الاشتراك فيه اما يطول اكثر من ثواني
و انت تعباها
هذه شركة امريكية تابعه الاي بيه http://www.paypal.com
http://www.cashu.com هذه شركة عربية
الله يعطيك العافيه
كلامك مميز وفيه الافاده … ولكن في الوقت الحالي الكل يدور على الربح السررريع
وهذه اكبر مشكله … التجاره يبالهاا صبرررررررررررر وتحمل وتهيأة النفس للشين قبل الزين..
للمرة الثانيه انتظر منك التجارة الثانيه
السلام عليكم
اخوي هذه الماركة تضارب عليها التجار في الدولة و صارت حرب شرسة عليها
قالي ابن احد اكبر تجار الاماارات …. لو في مجال كان خذوا الماركة
المشروع رابح ١٢٧٦٤٥٣٧١٥٤١١١٧٦٤٥١٩٢٣٦٧ ٪ بس انت تقدر تجيب الماركة ؟
اذا تقدر تجيب الماركة …. لها كلام ثاني … بس اقولك ياها شبه مستحيل
نحن نفكر انه نلعبها من جانب اخر بتعامل مع شركات امريكية باسمها نسويها … بس السالفة فيها ناس هب هينين . . .