¸·¤»°°°لقيت الدار من بعد الحبايب°°°«¤·¸
لقيت الدار من بعـد الحبايـب =خليه باكيـه وبهـا عجايـب
وقفت ابها وانا حيـران ساعـه=ودمع العين من موقي صبايـب
الايـــادار بالله خبـريـنـي=عن المحبوب قولي وين غايـب
تقول الدار عقبـك غادرونـي =وخلونـي لعيـات الهبـايـب
وسافر من تـود وحـال دونـه=بحر وبرور واخطار ومصايب
رجعت بحسرتي وهموم صدري=وتقلاني مـن العبـره لهايـب
وهاناقد بليـت بـذى المصيبـه=مصيبة حب والدنيـا مصايـب
ونا من قبل لاجي كان ظنـي =على هذا وظني كـان صايـب
الايالله لاتقطـع رجـا اللـي =يسألك عن رجوع محب غايـب
عسى المحبوب يرجع بالسلامه=بحفظ منك ماتصيبـه نوايـب
محبا مالكـا عقلـي وروحـي =وفي حبه رخيص العمر ذايـب
يحلي بلؤلؤ البحريـن صـدره=وحنى العين حطه في الروايب
عسى كل عام ياديـرة حبيبـي=عليك يصب هطـال السحايـب
لقيت الدار من بعـد الحبايـب=خليـه باكيـه وبهـا عجايـب
الشاعر:احمـد علـي الكنـدي
قصيده رائعه
يسلموو يا اوقاااات
رجعت بحسرتي وهموم صدري=وتقلاني مـن العبـره لهايـب
وماأصعبها من رجعه
تسلم اخي الكريم على هالنقل الراااااااائع
قصيد رأعه وانته اروع في اختيارك
…………………………………..
قصيده ولا اروع يسلمووووووا.
الايالله لاتقطـع رجـا اللـي =يسألك عن رجوع محب غايـب
عسى المحبوب يرجع بالسلامه=بحفظ منك ماتصيبـه نوايـب
=======
ما اتعس الغربة … و ما اوحشها ..
خصوصا عندما نزور بيوتا كان يسكنها حبيبا مغترب
تذكرت ميحد حمد يوم يقول :
الدااار من عقبهم ما هي بمرغوبة …
صح لسان الشاعر أحمد الكندي
و يسلمووو ملياااار يالغالي أوقات على النقل الجميل
همسة :064: : انتظر منك خاطرة او قصيدة بنبض قلمك في المرة القادمة
تقبل تحياتي العطرة