س1

م1

قبل أكثر من ساعه كنت أتصفح النت وبما انه مافيني حيل أقرا أو أكتب كنت أمارس

هوايتي المفضله وهي اني أتفرج على الصور بقوقل .. <<أمحق من هوايه

وكتبت بالبحث (غرف نوم أظفال ) وطبعا ماقصر الشيخ قوقل طال عمره وفتح لي

البومه القديم والحديث والابيض والاسود << لايكثر وأخلصي علينا ..

وقعدت أتصفح وأنا منسجمه مع غرف الأطفال الكيوووتيه إلا نقزت لي نافذة

شات بوسط الصفحه

ومسميني فيها (صدى المشاعر ) ههههه

وبكل روح رياضيه قفلت النافذه وعينك ماتشوف إلا النور إلا أشوف صفحات

شات تتطامر بصفحتي

وسويت برنت سكرين لصفحتي عشان تشوفون الهنا اللي انا فيه ..
ولا تفوتكم النكات اللي مدخليني فيها

عذابي عذاب .. <<مسكين حالي أكسر الخاطر

واحد مايدري وش يبي .. << طيب وشوله داخل شات

صبوحه ..

منسق خخخ .. هالنك مادري شيعني بس يلا نك والسلام
….

تساءلت لو كانت مكاني فتاه مراهقه أو شاب مراهق أو حتى أشخاص ناضجين وواعين

راح يكون عندهم فضول لدخول هالشات لو لمجرد الفضول أو التسليه أو أنه كلمه

تشدهم باأحد هالنوافذ..

وربما تكون بدايه لشخص دخل عالم الأنترت لسنين ولم يفكر بدخول الشات أبدا ..

وانا أعتبر الشات بداية الطريق للتخبط ونقطة الانطلاق للمجهول ..

ومهما كانت التربيه والمباديء والقناعات فالشات يجر الأنسان للخطأ حتى لو حاول

أن يعصم نفسه منها..

مع أحترامي لجميع مرتادي الشات ..فهذا رأيي وهذه قناعتي ..

…
كل الود
أختكم

صبوحه

19 thoughts on “εïз شات بالغصب εïз”



  1. اختي روعة : كيف عصمتي نفسج من الدخول اذا كان العاقل والناضج والواعي والمراهق والغير مراهق وكل الشرائح عندهم فضول والتربية والمبادئ لا تحد الانسان من الخطأ لدخول الشات حتى لو بالغصب ؟

    صبحك الله بالخير اختي أنثى المطر

    أختي كلامي واضح وبالبدايه كان عن النوافذ اللي تطلع وقلت ممكن يكون عند الأنسان فضول أو يدخلها بهدف التسليه وذكرت بالبدايه المراهقين لكن هل الفضول مقتصر على المراهقين !!.. وهل كل الناس بنفس الفضول ؟؟!!

    يختلف التفكير وتختلف الطباع فهل كل المراهقين فضوولين..وهل كل الناضجين والواعين ليس عندهم فضول !!

    ….

    وعندما ذكرت أن الأنسان غير معصوم من الخطأ لم أقصد العصمه من دخول هذه النوافذ ..

    ولكني قصدت من يدخلون الشات فعليا ويعتقدون أن التزامهم وتربيتهم ومبادئهم

    تكون لهم حرز من الوقوع بالخطأ..

    ..
    أتمنى أكون وضحت فكرتي

    ولو تعيدين قراءة كلامي بتمعن وتفصلين الجملتين عن بعض

    بتفهمينها أكثر أختي

    …

    والسموحه من اللي ماردت عليهم قبل

    لكن وجب التوضيح

    ولي عوده

  2. تساءلت لو كانت مكاني فتاه مراهقه أو شاب مراهق أو حتى أشخاص ناضجين وواعين

    راح يكون عندهم فضول لدخول هالشات لو لمجرد الفضول أو التسليه أو أنه كلمه

    تشدهم باأحد هالنوافذ..


    اقتباس:

    ومهما كانت التربيه والمباديء والقناعات فالشات يجر الأنسان للخطأ حتى لو حاول


    أن يعصم نفسه منها..




    اختي روعة : كيف عصمتي نفسج من الدخول اذا كان العاقل والناضج والواعي والمراهق والغير مراهق وكل الشرائح عندهم فضول والتربية والمبادئ لا تحد الانسان من الخطأ لدخول الشات حتى لو بالغصب ؟

  3. وع حلمت إني بنت ..
    شو رأيك بهالنك نيم … ؟؟؟

    قسم بالله النكات بالشات .. تموت تضحك ..

    اعترفي كم ساعة قعدتي تدردشي معهم …

    تسلم يمينك يا صبوحة … عفواً أقصدّّّ ~~ Rw3ah ~~

    على هالموضوع الظريف ..

  4. مبروك المولود و يستاهل غرفة النوم

    الولد بيدخل الروضه وأنت توك تبارك

    يلا مايخالف مقبوله منك .. الله يبارك فيك وعقبالك عندكم ..

Comments are closed.