قصيدة إهداء من الشيخ ناصر بن حمد آل خليفة لزوجته الشيخه
شيخه بنت محمد بن راشد آل مكتوم
لا من ذكرتك يفزّ الشعر والقلب هاض ..
وآجر فيك القصايد وأحكم أوزانها …
لعيون من خلّت الدنيا بياض إفـ بياض …
بنت ٍ تقول الحسن والزين .. عنوانها …
ما هي من أهل الكويت ولا من أهل الرياض …
السر مكتوم .. في قلبي .. على شانها …
قلب ٍ كتم حبّها لين الهوى منه فاض …
وبين الحنايا جداولها ووديانها …
يا مهرة الواقع اللي ما لمسه افتراض …
يا سيرة الحب يا دنياي وأركانها ….
موت ٍ لقيته بعينك وانت عينك حياض …
كن المنايا وسهم العشق باحضانها …
برق ٍ لمع في خدودك يوم شفته وناض ..
كنّه يصوّر حياتي لحظة إيمانها …
بإنك جميل وجمالك ما عليه اعتراض …
وإن القصايد بوصفك يعجز لسانها …
الله يسعدهم ويبارك لهم ويهنيهم
هلا اختي تحدي اشكرج على المشاركه اولا
القصيده هذي كتبها الشيخ ناصر وهذا اللي عرفته من عدة
مصادر … ومب من النت فقط ؟؟
واعتقد القصيده الثانيه مخصصه للحفل
وصح لسانه ومنطوقه شاعرنا
وكل القصايد اللي تم قراءتها في الحفل كانت رائعه
بمعنى الكلمه
الله يسعدهم ويهنيهم
__________________
الله يوفقهم ويسعدهم ويرزقهم الذرية الصالحة ،،، الشيخ حمد شاب متواضع وخلوق جدا حتى يوم العرس من شافنا نش ورحب وسلمنا عليه باليدين بس ماطاع سلم علينا بالخشوم ،،،
الله يوفقهم ويسعدهم ويجمع بينهم بالموده والرحمه ويرزقهم بالذرية الصالحة
البارحه في العرس
اهداها قصيده مسجله بصوته ,بعنوان ((يوسفيه )),,لكن غير اللي منقوله في المنتديات
وكان يصف فيها جميل الشيخه شيخه بانها يوسفية الجمال
نسبه الى الجمال اليوسفي اللذي اشتهر به النبي يوسف عليه السلا م
وهذي لم يتم قرائتها على الضيوف !!
واهداها فزاع بصوته اربع قصايد
كل وحده احلى عن الثانيه