أمانينا تسبق تهانينا
وفرحتنا تسبق ليالينا
ومبارك الشهر عليكم وعلينا
مطبخ مكتوب الشعبي يرحب بالطباخين والطبخات
المهره في فن الطبخ
يفتح المطبخ أبوابه طيلة شهر رمضان المبارك
للي يعرفون
يطبخون فقط (انا خارج الحسبه)
كل تجاربكم الناجحه والفاشله 
مقبوله !!
مقبوله !!الاطباق الرئيسيه والشعبيه … المقبلات …
الحلويات … المشروبات …
كل مايخطر على بالكم
ويدخل في شؤون ادارة المنتدى اقصد المطبخ
اقصد المطبخ اما اللي ما يعرفون يطبخون ………….. يتفرجون
ويتهلعون ويتحسرون 
وهذا الشهر هو شهر عبادة وتقرب إلى الله
عز وجل وليس بشهر الموائد والاسراف في تناول
الطعام
فالأعتدال افضل الامور
ومرحبا بكم
اذا مارقوني من المطبخ باجر بحطلكم طريقة اكله عجيبه وممكن استوي —– وحط صوره بس من غير طريقه
انتي قولي كم يستاهل
صح عن اللقيمات ,, هيه كانت مقرمشه و لذيييذه هع
نغمسها في الدبس و فعسل يعني الاثنين بس هني عسل
تراني فالخدمه فديتج
فالج طيب يا ديره ,,, بحطلج اللي تبينه بس المهم انج تدخلين المطبح
طبعا التوست سهل وااايد و مايخذ وقت
اول شي اتحطين توست فصينيه الفرن .. و ماتخلين فراغات ,,
الحين المقادير :
تونه
فليفله
ذره
مايونيز
روب
لبنه
زيتون
جبنه موزاريلا
الطريقه ,,
يطولي بعمرج , اول شي تخلطين التونه ويا مايونيز و ذره و فليفله ..
و اتحطينه عالتوست .. و عقب اتحطين طبقه من توست فوقه ,,
عقب تخطلين الروب و شويه مايونيز ويا بعض و اتصبين عالتوست
و اتحطين زيتون فوقه و آخر شي جبنة موزاريلا و حطيه فالفرن تقريبا ربع ساعه و كان الله غفور رحيما ^^
الحين دووور خليه نحل .. ترا مب انا اللي مسويتنها اختي التوام مسويتنها ..
المقادير
المجموعة الأولى
2 كوب ماء دافئ
2 كوب طحين
2 ملعقة خميرة
1 فنجان سكر
ملعقه صغيره باكنج باودر
المجموعة الثانية
3 أكواب طحين
1/2 نص كوب زيت
طبعا نخلط كل المقادير ويا بعض لين ماتستوي العجينه متماسكه
و عقب اتخلينها ربع ساعه تقريبا و عقب نفرد العجين ع شكل دائره صغيره
و انحط الحشوه و انلفها ع شكل كوووره ,,
ان شاءالله فهمتي خخخخخخ