أمانينا تسبق تهانينا
وفرحتنا تسبق ليالينا
ومبارك الشهر عليكم وعلينا
مطبخ مكتوب الشعبي يرحب بالطباخين والطبخات
المهره في فن الطبخ
يفتح المطبخ أبوابه طيلة شهر رمضان المبارك
للي يعرفون
يطبخون فقط (انا خارج الحسبه)
كل تجاربكم الناجحه والفاشله 
مقبوله !!
مقبوله !!الاطباق الرئيسيه والشعبيه … المقبلات …
الحلويات … المشروبات …
كل مايخطر على بالكم
ويدخل في شؤون ادارة المنتدى اقصد المطبخ
اقصد المطبخ اما اللي ما يعرفون يطبخون ………….. يتفرجون
ويتهلعون ويتحسرون 
وهذا الشهر هو شهر عبادة وتقرب إلى الله
عز وجل وليس بشهر الموائد والاسراف في تناول
الطعام
فالأعتدال افضل الامور
ومرحبا بكم
والله سهلة وما يبالها شي..انتي بس دشي المطبخ واتبعي الخطوات..
ما يحتاي دورة طبخ..
أنا وايد احب البروكلي..صحي وايد..
أكيد العيش الفرنسي غاوي
وعن الفطيرة بيبلكم الطريقة من أختي إن شاء الله..
الله يعافيج اختي العزيزة ديرة..
وإذا طبقتوهم حطيلنا الصورة..
وانتظروا المزيد..
شكراً لك اخويه احساس الشارجه..
لا فالحقيقة احب الطبخ..لكن ما يت الفرصة إني احط شي إلا أمس
وهذا من ذوقك
تقبل تحيتي..
كيف انا ما شفت هالموضوع الرائع !
ما قلتلكم شو نويت هالسنة ,,, أخيرا قررت أني أطبخ .. أول محاولة كانت باستا .. و مشي الحال
و المحاولة اللي بعدها كانت شوربة البصل ,,,, يمي يمي … حبوها في البيت
المقادير :
2 بصل أبيض مفروم
1 ملعقة طحين
نصف قالب زبدة
4 أكواب حليب
ملح و فلفل
الطريقة ،،،
اول شي بنذوب الزبدة و بنحمص معها البصل حتى يصير لونه زهري
بعدين بنضيف الطحين مع التحريك ,,, بس انتبهوا ما يصير لونه بني
الموووهيم ،،، مع التحريك و بعد ما يصير المزيج لونه زهري … بنضيف الحليب و الملح و الفلفل مع التحريك لمدة 5 دقايق حتى يغلي … من بعد الغلي 5 دقايق و لا تنسوا التحريك حتى ما يلصق البصل ،،، و شيلوها من على النار …
بعدين حسب اصولها لازم نجهز توست فرنسي و نرش عليه جبنة قشقوان او موزريلا ،، يحمى الفرن و بنحط التوست فوق الشوربة و بنخليها لتذوب الجبنة ،،،
و صحتين و عافية
و هي صورة ملطوشة لووووول
وين اللي كان بيعطينا دروس فالطبخ بس الظاهر نسيت
انا عن نفسي مووول مادشيت المطبخ لين احين
يالله بنشوف ابداعاتكم