السلام عليكم خواني وخواتي الطيبين
طبعاً ها موضوع مفتوح للنقاش
من قبل يومين وانا طالعه من الدوام اسمع اذاعة نور دبي طبعاً كل الاحترام للمذيع عبدالله ( بس مرات احس ما يعرف يرمس ) ، وبرنامجه اللي ما اعرف الساعه كم يبدأ بس اسمعه وانا طالعه من الدوام ع الساعه 2:30
المهم ناقش موضوع عن الحب بين الزوجين وكيف تحصل المشاكل ,,, الخ ما عرفت موضوع الحلقه لاني سمعته متأخره
المهم تم يرمس عن الحرمه ،، بعدين قاااااااااااااااااااااال
الحرمه اول ما تعرس اتكون على سنقة عشره واحلى لبس وبعدين اتحصلها بكشتها وريحة الشياط واللبس من السوق الصيني ,,, الخ
انقهرت منه قهر ،، حسيت ابا ازنطه
ليش ها الفكره دايما عن المرأه
ليش ما اسمع مثلاً ( فلان كرش بعد ما عرس ) ( افلان ملابسه متجلوعه شرات ويهه من عرس )
( ما قام يحلق ) … الخ
ليش دايماً تعطون انطباع للرجل الغير متزوج او للغير انه الحرمه تتغير من ناحية اهتمامها بملابسها بشعرها وزينتها وحتى جسمها ،،
بالعكس الانيقه في ملبسها وزينتها من قبل العرس بتم نفس الشيء واللي تبا اتحافظ على مظهر جسمها بعد الولاده بتحافظ
ليش التعميم ،، على الحريم انهم مهملات في كل شيء
ليش ما نسمع انه الحريم ينتقدن على رياييلهم ومظهرهم ،،
خل نبتدي انغير ها الفكره السائده عند الكل ،،،
وننتظر آرائكم ،،،
اختكم الصغيره ، الكبيره
UrSoul
شـكــ وبارك الله فيك ـــرا لك … لك مني أجمل تحية .
يا حبكن يالحريم لــــ قرقرقرقرقرقرقر شو تبن الريال الريال ما عمم قال الله يهدي بعض الحريم والكلام الي قلتيه
موضوع صاير بس مب على الكل
طبعن شي حريم من تعرس خلاص ماتهتم فالجمال
وشي عكس جي من يعرسن يهتمن فعمرهن اكثر وطبعن هذا الشي المطلوب
اما عن الرياييل حليلهم دومهم كاشخين ^_^
بس شي رياييل يوم يكشخون حريمهم يقولون حق منو تكشخون فهم يحااولون يغيرون وجهة نظر الحرمه ومايكشخون
اما بالنسبه لموضووع ( الكـرررشه ) هذي مشكلة اكثر الرياييل بس الواحد يسوي رياضه ويحافظ فالاكل يكون احسن
مافي مانع لو الزوجين يجتمعون ويناقشون هالمواضيع بمساعدة الطرفين
شـكــ وبارك الله فيك ـــرا لك … لك مني أجمل تحية .
مب كل الحريم سوا
ها برنامج يعني كلام ميمع تعال واسمع شغلتهم يرمسون وبس
طبعا هو ما يعمم .. لان لو عمم بيكون ظلم النساء اللي يعتنون بمظهرهم الخارجي ومعتنين برشاقتهم ..
هو اكيد يقصد بعض النساء .. ممكن يكون كلامه صحيح عن بعضهم لان بعض الحريم صج ينسون اعمارهم الله يهديهن ..
ولكن تبقى المرأه المعتنيه بجمالها ملكة المكان دوووما ..
لا تزعلين منه .. يقصد البعض ..
وتقبلي مروري عزيزتي ..
اشكرج انا
هيه نعم كلامج صحيح وماقصرتي …المتعود ع الشي بيتم عليه