آخر أسعار الوكالات (النيسان-المرسدس-الرنج)

السلام عليم و رحمة الله و بركاته

سعر ال جي تي آر

انا البارحة كنت في وكالة النيسان في البريمي..

كنت اريد اشتري الجي تي آر… و وطيتهم 300 الف…بس قالولي ب 330 بنخلص…

قلت لهم اشوفة وايد عليه..من امريكا 2010 واصل هنيه ب 265 الف..

المهم قالولي ممكن بعد ننزل شوي بس لل 300 الف ما نقدر…

و انا طالع جان يقولي واحد من المبيعات.. لو لأنا مكانك بتريا شويه.. الأسعار بتنزل

طبعا الريال يهمه امري لأني دايما اشتري عندة سيارات …

سعر المرسدس S 350 2009

رحت الوكالة اسأل عن ال G55 2009

يوم قلت لة غالي..

حاول وياي على ال GL 500

المهم..سألتة عن ال S 350 فول ابشن 2009

قالي 360 الف..

قلت لة واحد من الربع يبيعهن على 320 وارد الكويت من ضمان سنتين..و فيهن اللون الأحمر…

والله يا جماعه قالي ب 340 ببايعك..

قلت له بعدة غالي.. و بيتغير شكلة..

قالي مع AMG كت ب 360 الف..

قلت له خير انشالله

وانا طالع جان يطلب مني اسمي و رقمي..

قالي إذا يبت لك سعر احسن في ال s350 بتاخذة؟

قلت له غالي.. بشترية من برا عند ربيعي..

قالي قبل ما تشترية مر علي و بييبلك سعر عره ماطلع من عند اي وكاله..!!

و روحت !!!!!!

الرنج…

امس معروض علي رنج 2009 سبورت على الزيرو ب 240 الف ابيض و هيليس…

و اظني كان في مجال بعد..

السبب… تصريف للموديل اليديد…

شكرا
هذا للعلم

والله يوفق الجميع