أبااااا شي ….. ممكن ؟؟؟؟؟ بس بدون تقطيع….

56 thoughts on “أبااااا شي ….. ممكن ؟؟؟؟؟ بس بدون تقطيع….”

1. انابصراحه ما افهم بسوالف الصكوك وما اعرف عنه شي
   بس احب سوالف التجاره لكن اخاف من التجربه والدخول فيها ولو بشي صغير ..
   بس نصيحه .. لا تعقين فلوسج فمكان ما تثقين فيه ومتردده فيه ..

   واذا ايدينج تحكج يوم تكون عندج فلوس
   حطيهن فالبنك ع شكل “وديعه”وجي ما بتقدرين تاخذين فلوسج الا لما تكتمل المده اللي تقدرين تاخذين منها فلوسج
   او في عندج حركه ثانيه تخليج تحافظين ع فلوسج ..
   وهي تخلي البنك كل شهر ياخذ من راتبج مثلا 5000 ..
   ويحطهن فحساب ثاني لج .. وانتي ما بتقدرين تاخذين من هالفلوس مده مش قصيره اتوقع

   او عندج فكره مثل .. الجمعيه ..
   بينج وبين ربيعاتج او اهلج ..
   تسوون جمعيه وما يكون العدد اقل من 5 او 10 بنات
   وجي رح يروحون عنج فلوسج كل شهر لييييين مايجي دورج ويرجعن عندج ثاني مره وفريهن عقب فالبنك
   واذا حبيتي توفريهن اكثر وتحافضين عليهن حطيهن عقب وديعه

   واذا ما عندج حل احسن من الحلول اللي قلتها لج
   عطيني الفلوس شكلج ماتبينهن انا اباهن >> امزح اختي هههههههههههه ^_*

   بس دوريلج ع فكره واكيد بتحصلين
   وانا والله اروحي عندي مبلغ حلوو وابغي احركه شوي
   لكن للاسف مب عارف كيف والله وخايف
   لو حبيتي نسوي مشروع وانتي تديرين المشروع بنفسج ويكون ففتي – ففتي
   وانا مستعد ادفع والفلوس تكون عندج للثقه ..
   انا ما عندي مانع ..

   واذا ما بغيتي عطيني اسم كم مشروع ممكن اسويهن بروحي واشتغل لنفسي
   ويكون مضمون ومربح وحتى ولو كان الربح قليل
   لكن يكون فيه ربح “القناعه كنز لا يفنى” ^_*

   وبالتوفيييييق ^^

   مشكور اخوي ماقصرت كفيت ووفيت

   انا افكر اني اقتص من راتبي واحطه في حساب توفير كل شهر

   افكارك حلوه طلعت مثلي صاحب حس تجاري

2. الحمدلله والصلاة والسلام على رسول الله وعلى آله وصحبه أجمعين
   بالنسبه لي الصكوك افضل مكان لتوفير فلوسي
   حمدلله قربت على النص مليون وياهم من 4 سنوات وربحت ما مجموعه يقل عن الف درهم ومجموع ارباح سنويه ما يقارب عشرين الف درهم
   كل مابا العب اخذ موتر ولا ابا اسافر اتعايز اسير واسوي اجرائات استرجاع المبالغ واتعايز هههههه فما المسهن
   لو في الحساب من زماااااااااااااان ساحبنهن ههههههههههههه
   انشالله يوصلن المبلغ اللي في بالي وببدا ابني بيتي

   ادعولي

   توكلي على الله و وفري

   مسوين هم جدول اذا توفرين الفين كل شهر لمدة 20 سنه التراكم مع الفواءد يتخطون المليون .. حلوين للتقاعد بس الله يستر يمكن المليون عقب 20 سنه ما يسوى قوطي بيبسي

3. الصكوك

   باب للي لا حيلة لهم

   ومن له باب الحظ مفتوح

   لذلك فكرت ان الأستثمار بالأسهم وليس المضاربه بها هي الأفضل

   و لست بمحلل و لا مضارب

   لكن شراء اسهم مثلا شكة دو او غيرها من الشركات واخر شي تجدين عندك مجموعه اسهم متنوعه والخير فيها ان شاء الله

   خاصه ان دورة العقار انتهت فأيام الأسهم اقتربت ان شاء الله

   والله يوفقك

4. اذا عندج فلوس زايدة عن حاجتج اشتركي بالصكوك وانشالله تربحين المليون ……واسحبيها اذا ما ربحت بعد سنة خخ
   او خذي عقار اذا عندج ربطة افلوس ….الارباح على المدى البعيد….

5. الله يوفقج يأختي ونصيحه إبعدي عن هاطريج لأنه مافيه خير

Comments are closed.