السلام عليكم ورحمه الله وبركاته
خواني وخواتي الي عنده واسطه او يشتغل في بلديه العين او وزاره التخطيط في العين يساعدني واكون شاكره له طووول عمري وما انسى معروفه لي ويسويلي خير لآني مليت والله من كثر ما اقدم وكملت سنه يالسه في البيت عند أمي بدون شغل وغير متزوجه …
عندي بكالريوس (gis ) قسم نظم المعلومات الجغرافيه يعني ينفع قسم التخطيط او نظم المعلومات او اي شي يخص الكمبيوترات وعندي شهاده Icdl وشهاده معتمده Ielts
والله مليت من كثر ما اتصل واراكض بدون فايده … وابا أعيل امي وما حد ساكن عندي غيرها لانه كل اخواني يشتغلون الا انا …
ان شاء الله حد يرحمنا من عباده ويسويلنا واسطه…
السلام عليكم ،، الله يوفق الجميع ،، اختي الكريمة اذا تبين شغل في دبي في شركة نخيل التابعة لموانئ دبي فالج طيب .
الله يعينج اختيه..وان شاء الله تحصلين الوظيفه الي تبغينها…
واما عن بلديه العين الحين يالسين يسوون اعاده هيكله يعني ان شاء الله قريب بتتوظفين…
الله يعينج ويوفقج وفعلاً وقوفج مع امج واعانتها في الكبر لهي أكبر من اي أجر تتمنين الحصول عليه
وبما ان اخوانج كلهم يشتغلون فبديهي انهم يصرفون عليج وعلى امج
وانا مقدرة ظروفج انج درستي وما تبين تيلسين في البيت فما عليج الا القيام وقراءة سورة البقرة
وكثرتهم مب مهمه كثر التدبر فيهم
تدبري وتأملي كثيراً ليجعل الله لك من كل كرب فرجاً ومخرجاً
وفقك الله الى ما يحب ويرضى
ما ادري اذا يناسبج مدني فى الجيش..لان البنات اللى عندي فى الكلاس قدموا والحين يسوون عندهم مقابلات…طبعا فى العين
ما عندي تفاصيل وايد عن الموضوع …بس انتي اسالي وان شالله تتوفقين
اذا بغيتي تستفسرين حياج ع الخاص ^_^
ما عليج منه اختي يروم وما بيقصر
اختي تخصصج هذا بينفع في البلدية او دايرة التخطيط والمساحه او اتصالات او هيئة الكهرباء
الله يسهل عليج ويعينج