السلام عليكم
اشحالكم وعلومكم
بغيت حل ارجع لمنو للي عنده خبره
اشتريت فيلا في مشروع اسكيب عجمان من 7 أشهر
مريت كم مرة على المشروع ما جفت أي شي للحين
وفوقه إنه المشروع موقعه مغلق بالكامل
سؤالي:
حد عنده خبر على المشروع إلتغا أو لا
لو بغيت أرد فلوسي كيف أقدر أردهن
للعلم المشروع في عجمان
والبائع شركة موجودة في دبي
والدفوع 10% من المبلغ الاجمالي 1.395.180
أفيدوني يزاكم الله ألف خير
الله يعينك وإن شاء الله يرجع لك المبلغ الي دفعته
وكلام الأخ البورصة ممتاز جدا وحاول انك تقوم فيه
بعدين يا خوي عندي لك نصيحة واتقبلها من أخ ما يبغيلك إلا كل خير
كيف يا خوي تشتري شي مب موجود أساسا
يعني الي أقصده أن من شروط البيع وجود السلعة ورؤيتها فكيف إنت دفعت مبلغ لشيء غير موجود أساسا وما تعلم أن هذا الشي بيستوي او لا
وتقبل مني التحية
الله يعينك وشكلك بتتريا وايد !!
اعتقد يبالهم سنين لين ما يخلصون المشاريع
بتطول يعني هذا اذا ما كنسلوا .. والله يصبرك
الله يفرجها عليك يارب وان شاء الله تلقى حل ..
الله يعينك يا اخوي
سبحان الله وبحمده سبحان الله العظيم