يقولون نزلت دفعه لا باس فيها لقروض المساكن في بوظبي،،، وعرفت أنه بعدني بتم في أحلام اليقظه لدهر آخر!! الله يعين اللي ما طلع اسمهم مثلنا!! مواساتي مقدماً لي ولهم !
:s

33 thoughts on “أبسط هموم المواطن الإماراتي!”

  1. السلام عليكم … الرد لأم سيف … شوفي ترى في ها الدنيا – الواحد ما يحصل الا نصيبة …و بلادنا بشيوخها عسى الله يحفظهم ويطول في اعمارهم ما مقصرين في حد ….. صبري واللي فية الخير بيجدمة رب العالمين واتفائلي ترى اللي يتفائل بالخير يحصلة …. وخلي واستطج في الدنيا رب العالمين واللي ايي من الله حياة الله …….(تنبية تراني هب امطوع ) لووووووووول ..

  2. اللهم ارزقني وإياهم سكناً آمناً في الدنيا والآخره..
    المضحك: فلانه من عرفت أنهم من الناس اللي طلع أسمهم هالدفعه سمعت البشاره وهي تسحب من الصراف الآلي بدال ما ترمي الورقه في الزباله رمت البيزات! الله يعوض عليها!!!
    المبكي: ناس حصلوا على القرض وقبل الإعلان كانوا يقولون لربعهم ياااارب ما يطلع اسمنا هالدفعه بيقصون معاشنا ونحن مب في حاجه للبناء لأنهم بنوا في حوش أهلهم على حسابهم ومستقرين!
    انزين عطوني إيااااه وخذوا دوري! :^14:
    تبون بعد شي مبكي أكثر؟؟
    واسطتي من لحمي ودمي الله يعطيه الصحه والعافيه طلع له القرض باركوله ورقم طلبه عقب رقم طلبنا يا احليلنا!!!
    الله يسعدهم ويرزقنا مثلهم يا رب.. ويرزق كل مسلم ولا يحوجنا لحد غيره..

  3. اختي ام سيف
    طابت اوقاتج بالخير ان شاء الله
    بس حبيت ادخل وارحب فيج معانا
    وأطلب منج طلب بعد ماقريت هالموضوع الحلو
    ياريت يا اختي لو تدعين لي وياج.. ترا وضعي اسوأ من وضعج
    انا ما ابي قرض .. يكفيني بيت شعبي يفكني من الاجار السنوي الي قاعده ادفعه

    ما اوصيج .. ادعي لي .. عشان الملائكه ترد وتقول لج .. ولك مثلها …

Comments are closed.