أبناء المواطنات…

55 thoughts on “أبناء المواطنات…”

1. السلام عليكم

   المواطنه حاليا ما تتزوج من (غير مواطن) الا بموافقة الجهات العليا(ديوان حاكم الدوله) يعني حقوقها وحقوق عيالها محفوظه .

   والزواج من خليجي ما يحتاج موافقه والعيال في كلا الحالات يحصلون على جواز وجنسيه في مقابل التنازل عن الجواز الاصلي(بعد استخراجه طبعا ).وتحصل على بيت او ارض منحه .
   المشكله الحاليه في زواج البدون يعني المواطنه الي تتزوج بدون يواجهون هذي المشاكل.

2. يا جماعه صدق استغرب من تسمية أبناء المواطنات المتزوجات من أجانب بــ ” ظاهرة ”

   لا هي ظاهره ولا شي …

   الحرمه من البدايه تزوجت الأجنبي وهي تعرف اللي بيكون لعيالها واللي عليهم .. وان هالعيال بيحملون جنسية أبوهم وهذا شي طبيعي … يعني مافي مشكلة …

   المواطنة نفسها اوك على العين والراس من حقها على الدولة ان يصرف لها الشؤون وان وان وان .. لكن عيالها وكما قال الشاعر قديما :

   بنونا بنو أبنائنا وبنو .. بناتنا هم أبناء الرجال الأباعد

   ممكن هالبيت فيه شدة شوي لكنه هذا الواقع …

   

3. الله يعينهم بس الغاليه عندي ملاحظه كل شي له قضيه

   ابناء المواطنات لهم قضيه و البدون لهم قضيه فمثل

   ماانتي لج مطلق الحريه ادافعين عن قضيه ابناء المواطنات

   في ناس تؤمن بقضيه البدون!

   تسلم يا خوي ..

   الصراحه هايله ظاهرتين شائعتين في البلاد و كل ظاهرة لها اسبابه و عوامل مترتبه عليه بس كل ظاهرة مختلفه عن الثانيه و ما نقدر نقول منو منهم احق بالانتماء من الثاني ..

   ابناء المواظنه على العين و الراس امهم راعية الدار و هم انولدوا و عاشوا في البلاد ما يعرفون غير هالبلد انتمائهم لهاي الارض و بهذا يستاهلون ان هذا الانتماء ما يكون بس شعور يحتاجون لاوراق و مستندات رسميه تاكد الانتماء و تدعمهم

   و الامر نفسه بالنسبه للبدون .. بدون معناته بدون اوراق رسميه تثبت هويتهم .. منهم اللي يعرف عن البلد اكثر عن عيال العرب و القبايل .. اللي عاش في هاي الارض و خدم فيها لو تساله منوين انت يقولك بكل فخر انا اماراتي .. بس عدم وجود ورقه رسميه تثبت انتماءه خلته مثل الورقه في مهب الريح .. عليه اللي على الكل بس في الاخير يبقى بدون ماله من الحقوق ادناها ..

   انا اريد اسال منو الاحق بالجنسية و الجواز …

   المغني اللي ينتمي لدولة و هدر انتماءه لمجرد ان دولة ثانيه شرته بمبلغ اعلى … اللاعب اللي تسديدته رفعت رصيد الدولة من النقاط في مبارة و لا اثنين وباجر لم يحصل عرض احسن بيلبس هاي الدوله و ما فيها مثل ما لبس بلاده ..

   و لا عيال البلاد اللي انولدوا و ربوا و كبروا في هاي البلاد ما يعرفون غير هاي الارض و يفكرون كيف يرفعون راس اهلها و شيوخها بس عكاز الجواز و الجنسية مخلنهم مش قادرين يوصلون للي يبونه ..

   الله المستعان ..

4. يا جماعة لا تزعلون مني …

   المواطنات على العين والراس لكن لا منطق ولا شرع يقول ان الولد ينتسب لأمه

   الدولة بتتحمل نفقات عيال الأجانب ليش؟؟

   دامها من البدايه خذته وهي تدري ان عيالها بيحملون أسم وجنسة الأب فخلاص لا تجي تلوم الدولة واطالبها بشي هي غير مطالبه فيه …

   جنسيتها تبقى لها وتقدر تحتفظ بها بشرط انها ما تاخذ جنسية الزوج .. وهذا للاسف من الافكار الخطأ الشايعة عند الناس ان المواطنه لما تتزوج اجنبي تسحب جنسيته …

   تسحب في حالة واحده وهي اذا اخذت جنسيه زوجها .. وهذا مبدأ قانوني متعارف عليه عند الكثير من الدول وهو مبدأ عدم إزدواج الجنسية .. وهالحاله تنطبق أيضا على الرجل اللي ياخذ جنسية دولة أجبيه فانه يخيّر بين جنسية الدولة أو جنسية الدولة الثانيه … يعني مافي فرق بين الرجل والمرأه في هالنقطه

   لكن لعيال فالله يقول ادعوهم لآبائهم

   وادم ابوه ينتمي لدولة ثانيه فدولة الاب هي المفروض توفر الحياة الكريمة لهالعيال …

   أما ما يخص البدون فأنا ما ادفع عنهم لكن البدون حالهم أسوأ من أبناء المواطنات .. لان وايدين منهم ما عنده جنسيه وانولدوا في لبلاد … وبعضهم اصل من هالبلاد

   اتمنى ما تضايقون من راي .. وشكرا

   كلامك سليم 60%

   بس لا تنسى الخلل فالتركيبه السكانيه الي عندك فالامارات

   وأنا أعتقد أنهم في حالة توطين أبناء المواطنات ممكن يعالجوا هالمشكله ولو بالشي البسيط

   سؤال؟
   من أحق أبناء المواطنات ولا لاعب كرة قدم أو مطرب أو أو أو …

   ومشكلة البدون ماتقل أهميه عن أبناء المواطنات بس مشكلة البدون أنحلت تقريبا والله يوفق قياداتنا الرشيده لعمل ماهو خير للدوله وللشعب

   ونهاية كلنا فدا لهذا الوطن المعطاء و قيادته

5. البدون وضعهم مختلف والدفعة اليايه بتكون آخر

   دفعة للحصول على جنسية الدولة وبعدها ملفهم بيغلق واللي ماطلعت لهم الجنسية بيعتبرون مخالفين

   للاقامة هذا بالنسبه للبدون

   نعود لأبناء المواطنة آخر الحقوق التي منحت لهم واللي سمعت وقريت عنها مادري إذا الأخيره أو شيء

   بعد عقبها السماح لابناء المواطنة في إمارة دبي بالالتحاق بالنوادي الرياضية

   هذي الفئة شيء بعضهم تميزوا في دراستهم وشيء منهم تميزوا في وظائف عندج واحد هني من هاي

   الفئة للاسف خلص دراسته وماقدر يكمل سنة 2004 هذا الموضوع إنكتب فمايندرى هل بعده عايش أو

   أنتحر مثل ماكتب في موضوعه إن شاء الله يكون عايش وظروفه إطورت للاحسن وإنحلت مشاكلهم

   أبناء مواطنه متى الله بيفرجها علينا – منتديات دبــي مــون

   وعندج هني موضوع عن برنامج حدث ولاحرج اللي كان يعرض على قناة دبي وتناول مشاكل هذه

   الفئة

   تعليق على برنامج بلاحرج الذي طرح موضوع أبناء المواطنه – منتديات دبــي مــون

   وهذا موضوع بعد إنكتب وحصل عليه وسام الكاتب المميز تعرفون ليش حصل هذا الوسام؟؟؟؟؟

   إقروا وبتعرفون

   أبناء المواطنات يجب أن يعاقبوا على جريمة آباءهم – منتديات دبــي مــون

   إن شاء الله تحصلون معلومات تفيد هذي الفئة من المواضيع وردود الاعضاء عليها

   الاخوان دخلونا في مواضيع ثانيه لانج قارنتيهم بالبدون شيء بدون حصلوا الجنسية وشيء أبناء مواطنة

   حصلوا جوزات سفر وطلع لهم مراسيم بان الجنسية قيد الاصدار يعني تموا معلقين بين السما والارض

   ومنحوا بعض الحقوق .

Comments are closed.