متى سوف تنتهي معانات أبناء المواطنات..

اللذين يجدون صعوبه في إكمال دراستهم العليا ..

وصعوبه إيجاد فرصه عمل ..

أو حتى إستخراج رخصه قياده مركبه ..

من الأولي هم ( أبناء المواطنات ) أم البدون ( اللذين لا يحملون أوراق ثبوتيه )

إلى متى إلى متى

55 thoughts on “أبناء المواطنات…”


  1. ونفس الشي بالنسبة للمواطن اذا تزوج وافدة او اي شي ثاني العيال ينسبونهم لابوهم وحرمتة تنكتب في اخر ورقة في خلاصة القيد انه فلانه متزوج فلان لا بتحصل جواز ولا غيرة



    غلطان اخوي

    منو اللي قالك مابتحصل جواز ؟

  2. والله الموضوع غريب

    دامها رضت تاخذ اجنبي او خليجي او بدون او عربي

    هي عارفة الوضع من الاول عارفة انه عيالها ما بياخذون الجواز او الجنسية الاماراتية ولا بيكون لعيالها صلاحية الابن الاماراتي

    ليش اطالب بشي هي من الاول تنازلت عنه (يعني تزوجت واحد غير جنسية الامارات وهي عارفة نتائج هذا الزواج )

    ونفس الشي امطبق على الرياييل اذا تزوجوا من وافدة تراه بيضيع حقوق عياله وبيتفنش من دوامه وحرمته ما تتسجل في خلاصة القيد

    يعني عارفين الوضع والنتائج وشو اللي بيترتب على هذا الزواج

    ونفس ماقال احد الاخوان الولد ينلحق بخلاصة قيد ابوه شو ماكانت جنسية

    ونفس الشي بالنسبة للمواطن اذا تزوج وافدة او اي شي ثاني العيال ينسبونهم لابوهم وحرمتة تنكتب في اخر ورقة في خلاصة القيد انه فلانه متزوج فلان لا بتحصل جواز ولا غيرة

  3. انا ويا مضارب مغامر

    ليش الاماراتية لازم تجنس عيالها بجنسية الامارات اذا كان زوجها اجنبي ؟

    في البداية لازم نعرف الأجنبي المقصود من هو ؟

    اذا البدون : فهم مهتمين بمشكلتهم وجاري حلها

    اذا من الخليج : فمميزاتهم تقارب مميزات المواطنين واذا لا فهم يقدرون يتنازلون عن جنسيتهم ( اليمنية / السعودية / الكويتية ) في سبيل الحصول على الاماراتية

    والأجنبي الأخير هو الوافد ( ايراني / باكستاني / مصري / سوري )وسياسة هالدول ان الأبناء يجملون جنسية والدهم وهذا واضح ولا يحتاج جدال

    فتحت أي فئة هو الأجنبي اللي تقصدونه واللي ترغمون الدولة انها تعطي ابناءه جنسيتها بحكم الام الاماراتية ؟

  4. مضارب مغامر …….الظاهر إنك وايد شايل عليهم .

    أحسن أني ما أعلق على كلامك لان جذي راح نطلع من صلب الموضوع.

    وإن شاء الله راح ينحل الموضوع بطريقة أم بأخرى.

    وبالتوفيق لجميع من هم مستفيدون من هذا الموضوع.

    سيدي الفاضل .. لا والله لا شايل عليهم ولا شي ولا بيني وبينهم شي .. لكن الواحد لما يتكلم بالحق خلاص صار شايل على الناس؟

    أنا سألتك سؤال اخوي وما جاوبتني عليه .. من الملزوم بالنفقه شرعا؟ الزوج أم الزوجة؟ ليش نحمل الدولة نفقة هي غير ملزمه بها ونتهمها بالتقصير؟؟

    هل في كلامي شي غلط عشان تقول اني شايل عليهم؟؟

    من الغلط ان تخلينا العاطفه نظلم الناس .. وعلق على الموضوع لان ردك دامه عن ابناء المتزوجات من اجانب فما راح نطلع عن الموضوع لان هذا هو الموضوع الرئيسي …

    تحياتي لك أستاذي الكريم والاختلاف في الرأي لا يفسد للود قضية

  5. مضارب مغامر …….الظاهر إنك وايد شايل عليهم .

    أحسن أني ما أعلق على كلامك لان جذي راح نطلع من صلب الموضوع.

    وإن شاء الله راح ينحل الموضوع بطريقة أم بأخرى.

    وبالتوفيق لجميع من هم مستفيدون من هذا الموضوع.

Comments are closed.