السلام عليكم
حبيت أسأل عن أرائكم الشخصية في السيارة “” طوارق “” لاني ناوي اشتريها ان شاء الله.. بصراحة هي على الشكل ما عليها كلام بس اللي ابي اعرفه اذا فيها عيوب وما هي احسن مميزاتها.. وشو الفرق بين 6 سلندر و8
ولكم خالص الشكر
19 thoughts on “أبي اشتري فولكس واجن “” طوارق “” شو رايكم؟؟”
Comments are closed.
خرابات الدنيا فيها و قطع غيار نار شو تبا بها ؟
ربيعي خذها موديل 2006
وكرها كره من الخرابات و قطع الغيار المبالغ فيها
لا أنصح … عن تجربه …
سياره قطع غيارها غاليه …. المنظره الجانبيه ب 2700 … حشا مناظر بنتلي .. … اخترب الهرن .. محد عرف يصلحه .. وديت الموتر اخر مره عن واحد عشان يركب الهرن ..قالي لازم يبطل البمبر الأمامي.. قلتله خيبه .. مب مسوي حادث انا بتنزل البمبر عشان تغير هرن .!! راواني مكانه طلع صدق مكانه ماتقدر توصل له .. و اخر شي … توصلنا له انه يخلي الهرن الخربان مكانه .. و يسوي توصيلات يديده حق الهرن الجديد .. واخيرا بعد معاناة 4 شهور سمعت صوت الهرن الجديد ..
أخوي ما أنصحك تاخذ طوارق خراباتها واايد
وفوق كل هذا قطع غيارها غااليات
><
يعطيكم العافيه شاكر ردودكم الطيبه والا استفدت منه
وكثر الله خيركم