http://www.moe.gov.ae/images/images_2006/drr.jpg
لأنه يحمل الكثير الكثير من عبق أولئك الذين رحلوا
لأنه عزم أن يعلّم هذا الجيل والأجيال القادمة أبجديات حب الوطن
لأنه عزم أن يكمل مسير الركب الذي مضى
وينثر بذور الخير أينما حل وارتحل
أطال الله في عمره وحفظه ورعاه
شمس الضحى
اللهم اطل في عمره وبارك في عمله وارزقه البطانة الصالحة
فخر الأجيال
على وصف الرجال اللي تسمّى بالفعال رجال
لفت بيض العلوم وبيّض الله وجه راعيها
لفت ما كنّها الاّ سبّق الخيل ان بدت تختال
نواصيها النعوت وفي مناكبها.. قوافيها
قصايد والقصايد ما نساومها بجاه وْمال
نعبّ بحورها وان هاج مزملها نرسّيها
إذا امتدّ الفكر وامتدّ ليلي والقصيد وطال
توشّحت الشوارد ولبست الاشعار غاليها
كذب من قال ساعَفني عليها الجن يوم تقال
أنا البس جنّها واصدر مواردها واروّيها
أنا وْلا فخر نجل الشامخ المتمرّس الريبال
على وصفه تجاريني القصايد قبل اجاريها
على (محمد بن راشد بن مكتوم) طاب الفال
وطابت لي قبل لا الزم قوافيها.. معانيها
متى قالوا صواريها المعاني.. ما هناك اشكال
حرام انّي لمدّ شراعها لأكبر صواريها
على اكبر منبر ارميها ثنا وْعز وْفخر واجلال
ما دام ان الثنا لأهله.. على اكبر منبر ارميها
لاجل قرمٍ غرس حلمه لشعبه واثمرت الآمال
حقايق نبصر اوّلها.. ونتباشر بتاليها
حقايق واضحه من دون بو راشد صعب تنطال
تباركها القلوب وتبهر الناظر مغانيها
مغانيها تراود كل عطرٍ ما خطر ع البال
واراضيها يراود كل عاشق فوع ناديها
أراضيها الخزاما والنفل والبختري والهال
وما يخطر على بال العطر يزخر باراضيها
ولي فيها محب أسرف على قلبي وحط وشال
طلب روحي وروحي منه فيها اللي يكفّيها
من اوّل ما عرفته والضلوع تجرّ له موّال
ولا ادري نيّته بضلوع صدري وش تواليها
أنا محتار ما بينه وبين (دبي) بالمثقال
يا أمّا (دبي) له تحلا أو انّه لي محلّيها
أو انّ (دبي) تحلا لان أبو راشد لها خيّال
نعم والله وتسبق خيلها من سبق واليها
(دبي) العِز من طيب النسايم عودها ميّال
تمسّي صاحب القدر ونحن باسمه نمسّيها
صدى داره بشرق وغرب وجنوب التقى وشمال
قبض الاربع جهات يلين داره ذاع طاريها
طغى عزمه على وعر الدروب وله غدت مسيال
تسيل الأرض لاقدامه وتفخر من مواطيها
لو ان المجد سهل كان كلٍ طال منه وْنال
دروب المجد ودروب العلا صعبه مراقيها
طويل العمر ما جيت اعتزي في وصفك الأمثال
ولكن المثايل تعتزيني بك.. والبّيها
يابوي ابشر ترى شبلك توارت عن مداه اشبال
وثب فوق الدروب وسابقت رجله خطاويها
ورث عزمك وحزمك والخصال تجرّ طيب خصال
مواثيقه على طرق المكارم بك يجدّيها
إذا شدّ الفخر لاجلك رحاله قمت اشدّ رحال
على نهجك.. عشان افرد رحاله وارجع اطويها
واذا قالوا: من ادرى بالحصابي والوزون ثقال
عرفت ان الوزون ثقال وانت ادرى بْحصابيها
على الدنيا جدال الاّ انت والله ما عليك جدال
مع ان إيدك يجادل كل وادي سيل واديها
لو ان السحب تنشا من كفوف امست عليك ظلال
وخرّت ساجده لاهل الثرى من جود منشيها
مكارمك المكارم والعطايا من بحرك جزال
لو ان السفن تجري في يمينك ضاع شاطيها
يمينك كم لاحت وابرقت وابطت وهي تنهال
ولا والله تدري عن يسارك كم معاطيها
وكم رجلٍ بصدره حاجه وجاك وقبل لا يسال
عطيته.. كنّك ادرى بالصدور وْسرّ خافيها
وكم حلمٍ سبقته.. كان في عين الزمان محال
تقول المقبلات افضل عليك اسرار باريها
يقولون اختصرت اجيال واقول انته فخر الاجيال
إذا الأجيال بك ما تفتخر.. من يفتخر فيها؟!
كلمات سمو الشيخ : حمدان بن محمد بن راشد آل مكتوم ( فزاع )
http://www.fazza3.com/
اشكر الاخت/شمس الضحى على نقل هالموضوع من شخصيه قياديه رائعه
وهذا من اشعار هذا القائد
***************************
سيرة المجد
*************
سجدت باسمك إلهي عالي الشان يا الواحد الفرد نظره منك تغنيني
وسجد لعزة جلالك جسمي الفاني وخلعت عز الملوك ورجفت إيديني
طال اشتياقي وصوت الحق ناداني وأنا اتبع الصوت في همس يناجيني
لك جيت ساعي إلى مكة بوجداني يا مالك الملك بالرحمة تلاقيني
وكانت مصابيح مكة نور رباني كأن الملايك محيطه بالمصلّيني
طفت وسعيت وبكى في الليل ولهاني قلب إذا يقال الله واكبر إيليني
فيض من النور حيّاني وأحياني يا خالق النورإنته بس تهديني
ووقفت والليل يشهد طول حرماني أنظر لحالي إلهي لا تخلّيني
في مهبط الوحي والتنزيل فاجاني شعور ما ينوصف ما زال يشجيني
كأنه أمامي محمد خير عدناني و حوله الصحابة جنوده والمطيعيني
والآي ينزل بتوحيد وقرآني والناس في ضجّه من الخوف شفجيني
وما زلت أمشي ف مكّة بين الاركاني حتى ظهر في خيالي طيف ماضيني
قال وتوقفت أنظر له وحيّاني يا مرحبا وقلت وين إنته مودّيني
أشر إلى بير زمزم وين لاقاني وقال اشرب وذقت ماء لليوم يرويني
وقال إنتظر منك مع ربع وخلاني انّك من القدس بعد أيّام تسقيني
وفجأة انتبهت ومنادي الحق ناداني ولبّيت داعي إلى ربّي يناديني
وفي سجدتي راجي عفو وغفراني دعيت لاثنين دايم حبّهم ديني
أبويه راشد لذي بالدّين وصّاني وأبويه زايد لذي فضله مغطّيني
وأنا على مدح زايد داعي جاني اسمه المودّة وحبّ في شراييني
وزايد وداده بنى في القلب بنياني وزايد قصيدي وأبياتي وتلحيني
وزايد أبوي الذي ما أرضى معه ثاني وزايد عيوني وشوفي الي يدليني
وزايد أخويه وصديقي وكلّ خلاني وزايد عضيدي وعزمي ومن يجدّيني
وزايد هو الناس والدنيا وما كاني وزايد وزايد وزايد كلّ تكويني
أفديه بالروح وأولادي وأعواني وأفديه بالعمر لي باقي من سنيني
ملاذ للناس من قاصي ومن داني به نتجي من صروف الدّهر لمحيني
لو يوزنون الخلق مع زايد بميزاني زايد على الناس راجح في الموازيني
ومن كان عنده يعيش العمر فرحاني ومن كان ضدّه فقولوا عنه مسكيني
يتلوّن الدهربأشكال وألواني وتتبدّل الناس كجلود الثعابيني
وزايد مثل ما عرفته شهم ما لاني معدنه صافي الذهب ما فيه تلويني
بالصدق والخير والمعروف من كاني والصدق والخير والمعروف هالحيني
يا سيرة المجد هل شاهدتي انساني يزيد زينه ومعروفه على الزيني
ويا سيرة المجد ما تبغين عنواني يكفيك زايد عن كبار العناويني
هو الزعيم المفدّى شيخ الاوطاني وبلادنا به زعيمه ع البلاديني
وهو الموحّد وهو الأوّل الباني شاهر الامارات م المغرب إلى الصيني
وتاريخ زايد فلا يحتاج برهاني له في ذرا المجد رايات ونياشيني
هو الذي للعرب يدعو فلا هاني بيلمّ شمل العرب ضدّ المعاديني
أغلى من النفط عنده دون خسراني دم العرب كل قطره بالملاييني
وزايد يحبّ العداله حطّ ميزاني للعدل والظلم عنده ماله معيني
والاعتصام بكتاب الرّب سبحاني وإلنا بقرآننا قوّه وتحصيني
ما كان عن طاعة الرحمن متواني يمضي على الحق ما يخشى المضلّيني
زايد هديّه من الله وفضل واحساني الله حبانا بزايد منه تمكيني
دومه على الراس تاج فوق تيجاني وفي قلوب أهله وشعبه والمودّيني
شخصيّة العام تكريم وعرفاني تهدى لزايد من افضاله على الدّيني
وهذا اعتراف و تقدير وبرهاني لليّ من الناس ما ظنّ مثله اثنيني
ويا من حفظتوا كتاب الله تبياني أنا لكم يااخوتي قبل المهنيني
اتمسكوا به مدار ومركز ايماني وخلّوه بين الجفن محفوظ والعيني
لكم تهاني الفرح من قلب جذلاني أزفّها في قصيدي وفي تلاحيني
وهني اليوم شعبي أهل واخواني وهني اليوم نفسي والمحبّيني
الله يحفظه لنا و يطول بعمره
:ajeeb1: