اخواني صار معاي موقفين وحبيت اني احطهم في هالموضوع للعبره … حق بعض الناس الي يعرضون أرقامهم للبيع .. وللأسف غير جادين فالعروض الي يعرضونها …..
اثنينه من الإخوان الي ويانا فالمنتدى دون ذكر أسماء كانوا عارضين ارقام للبيع ……. وبعدهم يعرضون أرقام للبيع
1- اتصلت فالريال و سألته كم يبا و اذا في مجال فالسعر …. قالي نهايتي هالسعر فالرقم , و قلت له خلاص شريت يعني اتفقنا .. المهم يوم قلت له متى نتلاقى أنا و انته علاشان نخلص يقولي ما أوعدك ؟؟؟؟؟!!!!!!!!
كييييييييف يعني ما أوعدك ؟؟!! نحن يالسن نرمس عالتيلفون ساعه و نتفاهم عالسعر ويوم خلاص اتفقنا تقولي ما أوعدك ؟؟؟!!!!
شي يضحك و الله …. بعد ما اتفقنا وهو يفاوض ويقول دفعولي ودفعولي أخر شي ما أوعدك 
((مع العلم انه ما نزّلي ولا درهم عن السعر الي كان طالبه بلسانه..=..يعني عطيته السعر الي يباه))
ياخي خلّك ريال وقد كلامك ولا لا تعرض الرقم للبيع من البدايه
2- و الثاني اتصلت له و اتفقت معاه عالسعر … وقالي بكره نتلاقى فالمرور الساعه 1 …. قبل لا اطلع من البيت قلت بتصله علاشان أأكد عالموعد يمكن الريال صار له ظرف أو اي شي … يوم اتصلت له ما يرد ؟؟؟؟!!!!!!
قلت يمكن صار عنده ظرف … بيرد يتصل … ولين يومكم ما اتصل و لا طرش مسج … انقطعت علوم الريال…. ؟؟؟؟!!!!!! 
يا جماعة الخير أتمنى الجديّه من الإخوان الي يعرضون الأرقام للبيع ….. و أنا اطري الناس الي موب جادين الي كل لحظه لهم راي ….
يعني انا اخذت منك كلمه وعقب لا حس ولا خبر ؟؟؟!!!
ولو حد صار وياه ظرف ولا شي .. و لا هوّن ياخي لا تتصل ((يمكن مستحي)) طرش مسج اتعذر فيه وخلاص بس موب حلوه تلبس الأوادم …. نحن نتعامل ويا رياييل موب يهال ….
أكرر اتمنى الجدّيه يا جماعه من بعض الإخوان
وربي يوفق الجميع
و السموحه منكم اخواني
خبرنا من هاييل الفلس.. عشان ما نضيع وقتنا معاهم..
انا نفس الحاله ….
عارضه ارقام للبيع و توصلني رسايل خاصه تقهر مثل انا شراي ويحط سعر اقل من نص السعر المعروض…
ولا انا ابا هالرقم بهاسعر (دسكاونت ع كيفه) و مبروك عليه و شو الاوراق المطلوبه!!!!!<<<لخظه ماوافقت السعر ماناسبني!!
وانا شراي هالارقام <<<<<واختفى في ضروف غامضه !!!
اما انا العكس
عارض ارقام للبيع ويتصلي الجمعة وبعد ما نتفاهم ع السعر يقولي خلاص الرقم حقي
وانا ما اخذ عربون فيوم الاحد اتصله ما يرد مع ان فيه ناس تتصل واقولهم الرقم للبيع
هذه استوت لي اكثر عن مرة ودائما يحجز الرقم وفي الاخير ما يتصل يقول ما اريد ارقم
كان عندي الثلاثي الفئة الخامسة واتصلي وجادلني حتى والله حسيت نفسي ببيعه بخسارة اقوله اخوي ما اقدر هذا النهائي ويسار ويمين وانتقص والله مش من الخاطر وفي النهاية نتواعد في وقت معين واخر شيء يخلف الميعاد
ومن بعدها اي انسان يريد الرقم اقوله ادفع عربون غير قابل للرد
بس فيه ناس صدق شرايه وفيه ناس صدق تبخس الاسعار وفي الاخير ما يشتري
امس مطرشلي واحد مسج يقولي بتبيع 85777 ب 7000 درهم طرشتله بعته بضع سعرك وفعلا انا بعته تقريبا بضعف سعره
و ليش لأ ؟؟ هل تتريا حد ثاني تستويله نفس الحركه ؟؟