أتمنى من كل رجل متزوج الاجابة على هذا السؤال ..

49 thoughts on “أتمنى من كل رجل متزوج الاجابة على هذا السؤال ..”

1. حبيت انقل رساله لوحده قرات ردي واقولها الغالية ترى ردي واضح اقريه مره ثانيه وبتعرفين شو قصدت لاني قلت الشي الي انا احس انه صح ولازم يستوي وما يخصه اني معرسه او لا وذكرت في ردي لو انا كنت معرسه بسوي جذيه

   اتمنى وضحت لج الفكره الغالية

2. السلام عليكم ورحمة الله وبركاته

   بسم الله الرحمن الرحيم
   
   او شي حبيت اشكرج على طرح ها الموضوع الي يمكن من خلاله يستفيد منه شريحه كبيره من الناس سواء كانوا ريايل او حريم متزوجين او لا
   
   وادري الموضوع يخص المتزوجين مثل ما تفضلتي ولكني حابه اقول رايي من خلال ما اشوفه من حولي

   اول شي الاسباب كثيره ال تخلي الريال يشوف وحده غير زوجته او انه الزوجة تفكر بشخص غير زوجها
   

   منها انعدام الثقة والصراحة
   التقصير في بعض الامور سواء كانت زوجية او شخصية او غيره
   الاهمال في الامور البسيطه
   حب التغير

   وغيرها من الاسباب
   
   الغالية الريال اكيد يوم فكر انه يعرس حط في باله الاستقرار النفسي والمعنوني والجسدي وقال بالحلال ابغي اجمع كل شي مع انه كان بامكانه يبقى بدون عرس وبيحلص كل شي يباه وتعرفين انه البنات وايدين والله يكرم الاعضاء من هاي النوعيات
   
   يعني لو يبغي يرتاح جسدينا بيحصل يبغي وحده ادلع بيرمس بنات وبيحلص الي يباه دلع وظهرات وغيره
   
   بس دامه قال بعرس معناته انه يبغي الحلال وهنيه الصح
   
   في بداية كل زواج بيحصل الدلع وغيره بس مع الوقت يتغير كل شي بالتدريج بعد انجاب العيال والشغل وغيره من الامور الي كلنا نعرفها يعني نادر تشوفين حرم وريال عايشين كانهم توهم متزوجين بسبب ظروف الحياة والي تلعب دور رئيسي في كل علاقة
   
   هنيه ايي دور الطرفين علشان ما يوصلون لهاي المرحله من الملل الزوجي وهو بالتغير في حياتهم ورتينهم اليومي او بالاصح تجديد زواجهم من كل النواحي نقول مثلا يسافرون لقضاء شهر عسل او انهم ياخذون اجازه من كل شي ويبقون بروحهم وغيره
   
   حتى ما يحسون بالملل صحيح انه الوقت كله يكون ضدهم بس واجب عليهم انهم يفكرون في الطرف الثاني
   
   بقولج امثله صار ت جدامي
   
   1- وحده دوم ضرابه ويا ريلها على اتفه الاشياء مع انهم متزوجين عن حب وقناعه وكان زواجهم مثالي بس بعدها بدت الامور تتغير
   
   البنت تمت تهمل ريلها وتفكر بالظهرات وغيره وهو في شغله وربعه وعيالهم في وايد وكلهم العايله في وادي
   
   ومخلين البيت شرات الفندق

   2- ريال وحرمته كل الي يستوي في بيتهم اهلهم يعرفونه وحتى ربعهم سواء مشاكلهم وزعلهم وغيرهم يعني حياتهم الزوجية صارت شرات الجريدة كل حد ايي يقراها .
   
   3- زوج مخلي كل وقت للدوام على باله هم حرمته وعياله بس البيزات ومب مقصر وياهم في الحالة المادية مقصر وياهم في العاطفة والامور الثاني يعني نادر ما ايلس وياهم في البيت على غدا او مناسبه كله مشغول.
   
   4- حرمه على بالها هم ريلها الاكل وتربية العيال وغيره مما ادى الى اهمال نفسها في لبسها ودلعها لريالها وغيره يعني اكل وعيال ورقاد روتين يومي.
   
   وامثله وايد بس قلت بقول شي بسيط منه
   
   الحين الي يخلي الطرفين يفكرون بطرف ثالث هو
   
   ان احد الاطراف فقد الطرف الثاني يعني ما صار يحبه او يدلع شرات قبل مما ادى إلى تكون نقص داخلي وفقد شي كان متعود عليه يمكن الطرف الثاني ما كان يقصد ها الشي بسبب انشغاله بامور الحياة ويمكن اسباب غير
   
   انعدام الثقة بين الطرفين والغيرة القاتله تودي الى تدمير الحياة الزوجية وتفكير الطرف الثاني بطرف ثالث علشان يحس بالثقة والحب وغيره
   
   المشاكل اليوميية الي بسبب وبدون سبب جدام الناس وغيره مما يودي الى تشتت الحياة الزوجية
   
   اهمال الطرف في نفسه وعدم اعطاء نفسه حق من الراحه والدلع سواء باللبس او تغير الشكل

   الحين لو انا كنت متزوجه بامكاني اخلي ريلي يشوفني انا بس او ينظر لغيري كيف بيكون هذا
   
   بقولج

   اول شي واجب على الحرمة تسويه انه اي شي يصير بينها وبين زوجها ما تخلي غيرهم يعرف بالي يستوي بينهم حتى لو كانوا ساكنيين في بيت بروحهم او مع اهله يعني يخلون غرفة النوم تحفظ اسرارهم ومن يظهرون من الغرفة يخلون كل شي داخل ولا يظهرون لبرع لانه لو ظهر بتتولد المشاكل ورى بعض واجب عليهم انه محد يعرف اذا كانوا اليوم زعلانيين او راضين واجب انهم يكونون على طبيعتهم جدام الناس ومن يدخلون عالمهم الخاص الي هو الغرفة هناك يقدرون يزعلون ويرضون بكيفهم.

   الثقة والصراحه بين الزوجين واجبه يعني لو شفتي شي عليه لا تسيرين وتقولين انا شفتك وغيره لا شوفي انتي كيف تعاملينه شو الي قصرتي فيه وخلى ريلج يشوف غيرج حاولي تصلحين نفسج بنفسج بعدها قوليلها زوجي الغالي انا شو قصرت وياك بس بالطيب مب بالزعل او انا شفتك ويا فلانه او علانه او انت ترمس هاي او هاي لانه بهاي الطريقة بتخسرينه صدق ادري بتكونيين من داخلج تفورين من الغيرة والقهر بس خلي عقلج وقلبج معاج وفكري قبل ما تسوين اي خطوه وهنيه ايي دور الحرمه الشاطره الي بامكانها تخليه وياها او يسير عند غيرها

   حاولي تجددين من نفسج بين فترة وفترة ولا تبقين على شكل واحد ترى الريال يحب يشوف حرمته متمزه عن غيرها باناقتها ودلعها حاولي بين فترة وفترة تكونيين بلوك يديد سوي الاشياء الي يحبها دلعيه وخلي يحس بانه كل شي في حياتج

   شاركينه في شغله يعني قوليله تعال اشتغل اليوم في البيت وانا بكون وياك يعني وفري له الجو المناسب وتمي قدميله الاكل والشرب مع بعض الكلام الحلو وصدقيني لو سويتي ها الشي بيعرف قيمته عندج ومنها بتعرفين قيمتج عنده
   
   لا تتذمرين من كل شي ولا تقارنيين ريلج بزوج اربيعتج او حد من اهلج خليه هو يكون غير عنهم
   
   كوني له الاخت والام والصديقة وكل شي
   
   حاولي قد ما تقدرين تكسبينه ترى الريال يوم يفكر يسير لغيرج بيكون شاف عليج شي ولازم تشوفين نفسج وتيلسين تراجعين تصارفاتج
   
   اكتبي في ورقة شو السبليات الي تشوفينها في ريلج والايجابيات وحتى الزوج يكتب ها الشي ويحاولون يقللون من السلبيات في الطرف الثاني
   
   جددوا زوجكم خذوا عيالكم وخلهم يحسون بقدر حبكم
   
   اختاروا يوم الشهر لو امكن يكون يوم لكم تسون الاشياء الي تحبونها
   
   اعطوا بعض يوم اجازه يعني الريال في ها اليوم يسوي الي يباه ويسير الاماكن الي يباهم والحرمه نفس الشي علشان في نهاية اليوم تردون مشتاقين لبعض
   
   مثل ما هو عليج حق ترى لنفسه له حق وربعه لهم حق واهله لهم حق بعد
   
   اذكروا ربكم لو حسيتوا بظلم او قهر او وساس
   
   والله انه كله بيدنا نحنا سواء كنا حريم او ريايل
   
   يا نخلي الي حولنا لنا وحدنا او نخليه يشوف غيرنا
   

   والسموحة على التطويل اختي بس شدني الموضوع وقلت برد برد بسيط عليه
   والله يوفقج انتي وكل المتزوجين وعقبال الباقين

   تقبلي تقديري واحترامي
   
   اختج

   بنت الامارات

   يا سلااااااااااااااااااام عليج يا بنت الإمارات كلامج منطقي

3. في معلومه لازم تعرفينها .. الرجل يقدر يحب أكثر من مرأه في وقت واحد ..

   بالمختصر المفيد قلبه كبير و واسع

   ( كلامك صح اخوي ملون المعاني وأتفق وياك )

   بس الرجل السوي يكتفي بحرمه واحده شرط أن يكون لها وجود في قلبه
   فاذا قصرت الحرمه بواجباته وتبلدة مشاعرها وانشغلت بامور الحياة
   من طبخ ونفخ ونظافة وتربية أطفال ولم يعد هناك متسع من وقتها لتولي زوجها المزيد من الاهتمام
   وحسب غريزتها تعطي الحب والحنان لأولآدها وهنا
   يغار الوالد حتى من أولآده ودون الاطالة هنا يكون الزوج
   بحاجه للحب والحنان وبما أن قلبه أصبح فارغا ولا تشغله الزوجة وشبه مهجور من هنا تبدأ المشكلة
   فيبدأ الرجل يستلطف ويعجب ويفكر بمن تسعده .

   أما الحب الآخر وهو يصيب بعض الشباب ممن هم في السنين الأولى من زواجهم فهو برأيي مجرد اعجاب الشاب بفتاة جميله يضعف أمامه بسهوله
   ويحوله الى حب حقيقي مع أنه باستطاعته ان يبقيه مجرد اعجاب أوكلما أعجبته فتاة أحبها وتعلق بها وبهذا يكون حاله خاصة ( لا أعرف بما اسميها )

   أما بالنسبة للطرف الثالث في الموضوع فهناك الكثير من البنات لآ تمانع أن تحب أو تتزوج برجل متزوج ولديه أولآد أيظا .

   أخيرا معظم الرجال أو كلهم يأتي عليه يوم يفكر فيه بالزواج من حرمه ثانية والقليل منهم يفعلها .

   عن نفسي متزوج منذ (23)عاما قولوا ما شاء الله
   ولن أسمح في يوم من الأيام أن أشتت شمل أسرتي بسبب أي حرمه في الدنيا .

   والسموحه من الجميع

   ما عجبتني جملة الرجال السوي يكتفي بحرمه واحده ؟؟؟؟؟؟

   هل تقصد أنه اللي متزوج من أكثر من حرمه فهو غير سوي ؟؟؟

   مع إحترامي لرأيك بس هو رأي غير سوي أبدا

4. اختي الريال احيانا ممكن يفكر انه يبني عايلة كبيرة يعني يكون عنده حرمتين وثلاث ويكون عنده عيال ويبا يبني عايلة كبيرة …

   هو التعدد بالكثرة والا بالتربية
   ياما ناس يابوا عيال وايد وعيالهم ضايعين في الشوارع مشتتين ولا يدرون عنهم

   
   __________________

Comments are closed.