أتمنى من كل رجل متزوج الاجابة على هذا السؤال ..

49 thoughts on “أتمنى من كل رجل متزوج الاجابة على هذا السؤال ..”

1. لا عادي اختي ام غيث بالحل يفداج الموضوع .. وحلو نعرف شوي كيف الطرف الثاني يفكر ..

   واستفدت بصراحه من ردود الاخوان غيرولي فكرتيه عن الرياييل بس ما بقول للاسوأ او للأفضل ..

   بس يمكن تتفاجأين من ردي انا من وجهة نظريه انه الريال اذا حب وحده غير حرمته يتزوجها ولا يلعب

   الحلال زين .. بس مع ذلك نتريا مزيد من مشاركات الاخوان .. وخذي راحتج في الموضوع اعتبريها موضوعج ..

2. اختي ام غيث .. صحيح انه الحرمه ساعات تكون مقصره تجاه بيتها وزوجها .. الله يهدي الجميع ان شاء الله ..

   وممكن ناخذ الموضوع من منظور ثاني يا ترا الريال لو حب فعلا وحده غير زوجته ممكن يتزوجها ؟ ..

   ^__^”

   سمحيلي تراني معسكره ع موضوعج

   انا بعد خاطري اعرف اكثر عن تفكير الرجل المتزوج

   بخصوص سؤالج الغاليه

   هي عادي يتزوج اللي يحبها .. اذا شاف فيها كل المواصفات اللي ما لقاها في حرمته <<< عاد الريال بعد غير مايعيبه شي ( السموحه منكم شبابينوا )

   واللي اعرفه انه الريال يوم يكلم غير حرمته .. اممم ماعرف كيف اوصلها

   مب معناتها انه يحبها .. بس هو يدور بديل

   يعني حد يهتم فيه ويفضفض عن مشاكله اللي ما يقدر يقولها لحرمته

   حتى ساعات تلقين كل اسرار الزوجين عند الحبيبه .. طبعا الريال الله يعلم شو قايللها

   خلاص الحبيبه بتحط في بالها انه مب متهني فحياته .. فهي بتاخذه وبتعوضه عن كل شي

   بس ماعليج .. يمكن تطلع اخس وكل اللي تقوله خرطي

   الله المستعان

3. اختي ام غيث .. صحيح انه الحرمه ساعات تكون مقصره تجاه بيتها وزوجها .. الله يهدي الجميع ان شاء الله ..

   وممكن ناخذ الموضوع من منظور ثاني يا ترا الريال لو حب فعلا وحده غير زوجته ممكن يتزوجها ؟ ..

4. اشكر لج ردج العقلاني جدا اختي .. ولا هزبه ولا يهم يحزنون بس بالعكس انا ارحب بالردود الراقية والعقلانيه بس الموضوع ما يحتمل مزح او اهزار لانه جدي والبعض من الاخوه والاخوات الله يهديهم يردون بطريقة غير شكل .. فأنا أفضل انه الي مب حاب يعلق يقرأ بدون ما يرد أفضل لنا وله .. واختي انا خصصت الموضوع للرجل لاني اريد افهم كيف يفكر وكيف ممكن يحب وحده غير زوجته .. والموضوع ما يخصني انا مب متزوجه بس حبيت اطرحه عشان وحده من الاهل .. ومشكورة ع ردج ونصايحج ..

   الغاليه انا ماخصيتج انتي بالموضوع .. انا اتكلم عن فئه من البنات

   تراني حتى انا مب متزوجه .. بس كل اللي قلته انا من واقع عشت فيه

   ما يحتاي احدد منو بالضبط اللي كلمني عن هالمشكله .. ( من العايله ) .. بس اول مره اعرف كيف يفكر الريال

   الغاليه مهما سوت الزوجه بتقول انا ما قصرت وما قصرت وهي مناك الله يسامحها لاهيه فدنياها

   وانا لاحظت في فئه من الحريم يجلبن البيت وقت ما يعرفون ان الريال خانهن

   انزين وين انتي من زمان عنه .. ليش تخلينه يلعب من وراج .. وين الاهتمام !!!!!!!!!!!!!!!

   الحين عرفت ريلها يوم طاع الفاس ع الراس

   وجهي السؤال للي طايحه فالمشكله

   شو ناقصنها هي عشان ريلها يروح يحب من برع .. ولا شو مقصره فيه ؟؟؟؟

   خليها تتصرف بعقلانيه .. وان شاء الله بتقدر تحافظ على زوجها

5. اتمنى هالموضوع ينطرح مره ثانيه لكن موجه للمراه
   ونشوف ردود الحريم

   واتمنى انج تحصلين الجواب المقنع ياهيبه حضوري

   لكن بجاوبج على حسب نظرتيه يمكن اني افيدج لو اني هب متزوج بعدني

   1-نعم
   2-جمالها كلامها حسبها نسبها ادبها اخلاقها دينها فلوسها ذكاءها عينه زايغه حرمته هب عايبتنه ريال دوم في المراكز والكوفيات بلا شغله يغازل وطاح على وحده غسلت له مخه سفرات ويا الشباب الى الدول المشبوهه مثل لبنان سوريا المغرب مصر
   3- لا تقعد وياه ولا جنه صاير شي وتقوله شو السبب وتشوف عمرها يمكن مقصره
   4- كيف يعني مافهمت هالسؤال يعني لازم يخبر حرمته انه يحب وحده غيرها
   5-جواب هالسؤال عند الحريم وتختلف من حرمه لين حرمه

   مشكور اخوي على ردك .. سؤال رقم 4 .. هيه هل يصارح زوجته او لا ..

Comments are closed.