السلام عليكم ورحمة الله
أتمنى من الاخوان المتزوجين الاجابة على هذا السؤال .. واتمنى من الاخوة المشرفين بعدم حذف الموضوع نظراً لأهميته الشخصية ..
هل من الممكن انه الرجل المتزوج يحب وحده ثانية غير زوجته ؟
وشو الاسباب الي تخلي واحد متزوج يحب وحده ثانيه غير زوجته ؟
وبرايكم شو الافضل يكون للطرفين .. الزوجه تسكت .. تواجه او تخليه يتزوج الي يحبها .؟؟
والزوج يواجه زوجته بحبه لوحده غيرها .. وشو الافضل يتزوج الي يحبها .. او لا ؟؟
والطرف الثالث الي هي البنت .. هل تقبل هذا الزواج او لا ؟؟
أتمنى الجدية في الردود .. ولكم جزيل الشكر ..
في معلومه لازم تعرفينها .. الرجل يقدر يحب أكثر من مرأه في وقت واحد ..
بالمختصر المفيد قلبه كبير و واسع
( كلامك صح اخوي ملون المعاني وأتفق وياك )
بس الرجل السوي يكتفي بحرمه واحده شرط أن يكون لها وجود في قلبه
فاذا قصرت الحرمه بواجباته وتبلدة مشاعرها وانشغلت بامور الحياة
من طبخ ونفخ ونظافة وتربية أطفال ولم يعد هناك متسع من وقتها لتولي زوجها المزيد من الاهتمام
وحسب غريزتها تعطي الحب والحنان لأولآدها وهنا
يغار الوالد حتى من أولآده ودون الاطالة هنا يكون الزوج
بحاجه للحب والحنان وبما أن قلبه أصبح فارغا ولا تشغله الزوجة وشبه مهجور من هنا تبدأ المشكلة
فيبدأ الرجل يستلطف ويعجب ويفكر بمن تسعده .
أما الحب الآخر وهو يصيب بعض الشباب ممن هم في السنين الأولى من زواجهم فهو برأيي مجرد اعجاب الشاب بفتاة جميله يضعف أمامه بسهوله
ويحوله الى حب حقيقي مع أنه باستطاعته ان يبقيه مجرد اعجاب أوكلما أعجبته فتاة أحبها وتعلق بها وبهذا يكون حاله خاصة ( لا أعرف بما اسميها )
أما بالنسبة للطرف الثالث في الموضوع فهناك الكثير من البنات لآ تمانع أن تحب أو تتزوج برجل متزوج ولديه أولآد أيظا .
أخيرا معظم الرجال أو كلهم يأتي عليه يوم يفكر فيه بالزواج من حرمه ثانية والقليل منهم يفعلها .
عن نفسي متزوج منذ (23)عاما قولوا ما شاء الله
ولن أسمح في يوم من الأيام أن أشتت شمل أسرتي بسبب أي حرمه في الدنيا .
والسموحه من الجميع
اسمحيلي اختي :
تعودت ارز ويهي في المواضيييييع الي ترفع الضغط……..ههههههه
ان الريال يحب وحده ويبا ياخذهه والمسكينه الحرمه اقصد الزوجه هي الي لازم تكون الضحيه
في راي الشخصي اقوله هذا الميدان ياحميدان ،،،،،،،،،
وممكن الي قلتي صح ….صعب هالايام تلاقين واحد يحب وحده ويخلص لها بس اقووووووله ما بوقف بطريج سعادتك وراحتك ولاني احبك وابيك تكون مستانس ؟؟؟ ويييييييييي عاد هذا حامض على بوزه
اقوله ها الحجي (((( يمكن الطرااااق ولا افره بطابوقه)))) اول ردة فعل لي …هههههههه
ويبني سعادته على حسابي اقووووله استريح انت بدرب وانا بدرب ……. قويه هاذي صح
ونفس ما قلتي بالبدايه لا تعورين قلبج عشان ريال ابصم بالعشر عليها لان محد يسوى
الا الي محترم عمره وماشي صح !!!!مب ورا ملذاته
هذا غيض من فيض ….. بس على الريايل ياويلي الحين من الردود بس بعد ماقدر اقول الا الي في خاطري …. يعني اقول شي مب مقتنعه فيه اقووول خلي يسوي يسوي ويسوي واخر شي اموت من القهر الواحد كم بيعيش انا حارقه عمري عشانه وعياله وبيته والحبيب يفكر يتزوج…….لا والف لا
(((((وعلى مين تلعبها على مين يابن الناس))))
مــــــــــــــــــــــــــــــــــــــــــــــش عــــــــلي أنـــــــــــــــــــــــــا ،،،،،،،،،،،،،،،،،،،،،،،
بوقلبين خوان
أنا أقول يتزوج الثانية ويتوكل على الله… وماشي سبب معين أنه يحب الثانية هذا الحب إي من عند الله.
أعتقد ان الريال قلبه مثل الفندق خخخخخ ولا بعد ( مجااناا )
و مثل البحر اي حد ايي يقدر يسبح فيه بسهوله ..
بصـــراحة في اعتقادي ( ان مافي ريال واحد فالدنيا يوفي لحب واحد بس )
و يا حبيبتي لا تعورين قلبج عشان ريال !!
لأنج بتتعبين وايد بصراحة ..
لأن هالايام صعب جدااا جداااا تلاقين انسان يحب وحده بس !!
…
و اذا يبا يتزوجها .. خله يتزوجها ( ما بتخترب الدنيا )
الحمدلله .. اللي علينا سويناه ان الزوج يكون راضي عنا ..
و نحن نبا الاجر من الله ..
و هذا طبع الرياييل ( الوفا معدوم من قاموس قلبهم و حياتهم )
و اذا مثلا قال الزوج لزوجته انا ابا اتزوج
( قولي له انا ما بوقف جدام طريج سعادتك او طريج تشوف فيه راحتك لأني أحبك و دايما ابا اشوفك مستانس و مرتاااح )
خخخخخخخخ ( ولا خاطري اصمممه طراااق و لا افررره بطاابوقه اكسر راااسه )) خخخخخخ
بس الحبيب ما بيفتكر انه يالس يبني سعادته على تعااسة و تحطم زووجته ..
همهم سعادتهم هم بس ..
و هذا مجرد راي شخصي .. ( لا تاكلوني ) خخخخخ