أجود أنواع العسل الحضرمي “سدر دوعني” والكميه محدوده!~

38 thoughts on “أجود أنواع العسل الحضرمي “سدر دوعني” والكميه محدوده!~”

1. ماشاء الله ..

   من زماااان ادور عسل اصلي ..

   خاطري احس بفوايده .. لاني كلما آخذ عسل ما احس ان فيه فايده و احس انه مغشوش ..

   فمبين ما شاء الله ان العسل اللي عندك اصلي ..

2. مـرحبا أخوي alain_2007

   ممكن لو سمحت ماتبخس بضاعتنا .. وياليت بعد لو تراجع قوانين القسم

   واذا انك تقدر اتييب نفس هالعسل وتبيعه ب 250 أنا باخذ من عندك .. وأنا مابغش حد

   أعرف انه بضاعتي تستاهل هالسعر وأكثر يالغالي

3. حتى اسعار العسل ارتفعت مع السلع الاخرى !!

   ياخوي ما تشوف سعرك مرتفع شوي ؟؟

   سعر الكليو في محلات بيع العسل في ابوظبي للعسل الدوعني الاصلي من 250 الى 300 للكيلو ..

   اتمنى منك مراعاة الاخوة والاخوات في المنتدى وجزاك الله خير وعسى ربي يوفقك ان شاء الله ويعطيك على كد نيتك …

4. السلام عليكم ورحمه الله وبركاته

   اخوي شريت عسل من مكان في الشارجه وقالي الريال اصلي ولكن للاسف بعد فتح الغرشه استوا مثل الشكر وبين انه مش اصلي ومغشوش

   هل الي عندك من فرازه العسل الى الغرشه مباشر اقصد انه اصلي 100%100 بدون اضافات وبدون شي ابغي شي صافي واصلي مب مغشوش

   وعليكم السلام ورحمة الله وبركاته

   للأسف مثل ماقلت يالغالي في ناس ما عندهم ذمه ويغشون خلق الله ومايتحرون الرزق الحلال

   العسل اللي عندنا يالغالي مبااااااااشرة من الفرااازه .. نعرف صاحب المرعى شخصياً والعسل مظمون 10000% أصلي.

   وانا كتبت لكم فوق .. اللي ياخذ من عندنا وما عجبه العسل ايردلنا اياه ونردله فلوسه والنفس طيبه ^_^
   بس الحمدلله ما قد حد خذا من عندنا إلا و رجع ياخذ مره ثانيه

   واللي يبا عيّنات تراها متوفره

   الحين في 5 اشخاص كلموني وان شاءالله بيوصلهم العسل باجر .. نبا نشوووف آرائهم وردودهم عن العسل
   

5. السلام عليكم ورحمه الله وبركاته

   اخوي شريت عسل من مكان في الشارجه وقالي الريال اصلي ولكن للاسف بعد فتح الغرشه استوا مثل الشكر وبين انه مش اصلي ومغشوش

   هل الي عندك من فرازه العسل الى الغرشه مباشر اقصد انه اصلي 100%100 بدون اضافات وبدون شي ابغي شي صافي واصلي مب مغشوش

Comments are closed.