السلام عليكم اخواني , أكيد كلكم تحبون تهتمون بنظافة سياييركم و ما تحبون تدفعون على شي ما يسوى , أتمنى ان أصحاب التجارب مع محلات التلميع و النتظيف خاصة اللي جرب في محل نظفوله منطقة المكينه و بعد ما نظفوها ما علق التراب مره ثانية الا بعد فتره طويلة مب بعد كم يوم ,يعني مب شغل دبليو فورتي ,أنا أحس ان انشاء الله حد بيذكر تجربته الايجابية مع هالأماكن و اذا حد بعد بيذكر أماكن تعالج الصبغ يعني شموخ بسيطه و غيره بعد جزاه الله خير , الرجاء ذكر الامارة و اسم المحل و الايجابيات مثال :
1. الامارة
2. اسم المحل
3.المنطقة
4. الانطباع الجيد يعني أكثر شي عجبك من شغلهم مثال ( التلميع الخارجي) أو(التنظيف الداخلي) أو (تنظيف منطقة المكينة) أو (معالجة الصبغة )
ولكم مني جزيل الشكر و الاحترام
اول شي انته من وين؟؟
انشاء الله بوديك اقرب مكان لك .
1 Auto spa
في بوظبي – الخالديه مول
الصراحه شغلهم زين و اسعارهم حلوه
و انا بعد سويت عند بروتك
الصراحه غالي ع شي فاضي و كلام فاضي
وغسيلهم مب شي ابد
اركان لتلميع وزينة السيارات بصراحة انا نظفت اليتات مال السيارة عندهم رجعت وكالة وسويت بولش وتشميع ولا اروع في راس الخيمة في منطقة ادن ورقمهم 0559669636
شوف اخوي عن تجربه شركة protech اللي فبوظبي فام النار خلف وكاله البي ام صراحه عندهم حمايه الصبغ من افضل شي ويعطونك مثل الشنطه في صابون خاص واغراض عشان تحافظ لك عاللمعه.
ونصيحه اذا تغسل سيارتك فمحلات عاديه او حتى ادنوك ترا المناشف اللي يستعملونها بدل ما تنظف الموتر تخلي عليه دواير وتروح لمعته
احسن تغسلها فالبيت او مكان زين
بالتوفيق
اذا عن محل تنظيف وتلميع من برع وداخل
احسن محل تعاملت معاه في بوظبي المركز الذهبي
مكانهم في مصفح عدال الميزان الوطني ثاني دوار يوتيرن واول لفه يمين
ما شاء الله البوليش مالهم فنان وينظفولك السياره من داخل ويلمعونها جنها توها ظاهره من الوكاله
وشغلهم سريع مايخلون السياره يومين ثلاث عندهم توديها العصر يقولك تعال باجر المغرب استلمها
الناس طيبين واسعارهم زينه بعد والمحل معروف ووايدين يودون سياييرهم عندهم