أحسن مكان لتركيب المخفي هو…

9 thoughts on “أحسن مكان لتركيب المخفي هو…”

1. المخفي حده 80 درهم

   الشركات يرفعون الاسعار عساس انه الزبون يعتقد انه الغالي هو الافضل

   وطبعا خلق الله مايصدقون على الله يسمعون انه شي مخفي غالي قامو تراكضو عليه ومناك مايسوى على هالاسعار اللي نسمع بها

   انه الله لايحب المبذرين

   فوق هذا سمحولي اقولكم انه تفكيركم منغلق

   ادري يمكن الحين 200 عضو بطيح فيني

   بس بصراحه يعني

   اروح اركب مخفي بـ 3000 وبـ 6000 على شو

   والله ياجماعه انه كلام فاضي والمخفي رخيص

   خلو واحد منكم يسوي زيارة للشركه المصنعه وشوف سعرهم هناك كم
   وبكم ينباع على المحلات
   والمحلات على كم تركبه

   والخ

   عارف كل شي وماني يايب من راسي

   اللي عندي قلته وبالتوفيق للجيمع

   خل اشل قشي وشرد قبل لندق هههه

2. شوف يا خوي ، انا جربت تقريبا وايد شركات ع مواتر بيتنا..

   اول شي في كوول جربته مرتين .. الصراحه المخفي ما عليه كلام بس لازم تيلس ع راسهم وما يكوون عندهم

   زحمه والا بيسوولك اي كلام مال سرعه سرعه..

   انا بدلته مرتين ع الضمان والسبه شغلهم اللي اي كلام الصراحه..

   وجربت شركه لوومار جانك اتعرفها ، الصراحه اتضااهي في كول في الجوده … الصراحه شي خيالي

   وع شهاده ربعي كلهم انه لومار شغله اظبط من في كول بألف مره ، انا اتكلم من ناحيه الشغل لانه في كول

   دوم مظغوطين فعسب جيه شغل اي كلام ، اما من ناحيه الجوده والمخفي الصراحه لومار يناافس في كول وايد.. انته سر وشوف انواع المخفي في لومار ، بتيود راسك من حلاتهن .. كل واحد احلى عن الثاني..

   وجربت سولر جاارد بعد الصراحه ابعد عن ها الشركه اول شي المخفي الصراحه سئ ومافيه اي جوده
   مع انها شركه عالميه بس ما ادري الصراحه شو السالفه..

   انا جربت ها الثلاث شركات اللي تعتبر من الشركات العالميه ومن ناحيتي اشوف لومار الاأفضل

   ولا اتغرك الاسامي الرنانه ، جرب الشغل اول وعقب احكم..

   وسامحنا ع الهذربه الزايده..

3. انا ما انصح حد يركب عند solar Gard شغلهم تعبان و انا مركب عندهم و ياليت لو ما ركبت

   شو اللي مب زين فيهم بالضبط؟

   وايدين يمدوحونه وعليه ضمان اكثر من في كول

   ممكن The Risk يفيدنا والاخوان اللي جربوا او سمعوا عنه

4. رحت اليوم في كول وشفت الانواع كلها…

   أخيرا قررت إني اركب 50% بدون لمعة….

   إذا حد من الاخوان عنده تعليق او ركب ممكن يعطينا ايجابيات وسلبيات ال 50%؟؟؟؟

   وجزاكم الله خير

   بانتظار ردودكم القيمة….شكرا

5. والله يا خويه في محلات في شارع السلام فنانه

   بس اهم شي يكون بدون لمعه لنه وايد سخيف باللمعه

   الشيبه ركب عند محل في شارع السلام صراحه مضبوط ضمان ورؤية واضحه في الليل وسعره 250 بس صح وتقريبا أكثر المخفي اللي عيله ضمان يكون واضح يعنيميحتاي تخسر واتسير في كووووووول

   v- cool

   لن سعرهم مبلغ فه وايد بس عن نسبة العزل الحراري يمكن عندهم اكثر لنهم تطوروا وايد ووايد شركات تتعامل معاهم

   بس انا عن نفسي ماركب عند v-cool

   لني وايد اسافر وفيه بلدان يشلون عنك المخفي ف حرام اركب ب 4000 ويشلونه

   وعن الفي كووول ربعي مركب يخف الحرارة بس مش هاك الزو

   وعن السعر كل مازاد السعر زادت الرغبة في الاقتناء ( طبعاً نحن العرب ) وبخاصة هل الخليج

   مشكور يا اخوي وجزاك الله خير

   ممكن اعرف اسم المحل اللي ركب فيه شيبتك؟

   وهل عندهم فرع في العين وللا لا؟

Comments are closed.