السلام عليكم ورحمة الله وبركاته
بعد ما رجعت أمس من الصلاة حسيت بأني همدانة وضغطي نازل
وبعدها بشوي زكمت خياشيمي واحس بحرارة تطلع من تنفسي 
واللي زادني تشكيك بأن مسجد النساء اول ما دخلته كنت اسمع أصوات المرضى بالكحة وغيره
فتوجس قلبي خيفة من أن تنتقل العدوى بيننا خاصة ان وراي وجنب اللي جنبي كانت علامات المرض ظاهرة عليهم بس ماكنت اعرف هل هو الفايروس ولا غيره
فتوكلت على الله حق توكل فأنا في بيته تعالى
بس اليوم الصبح ما قدرت اروح الدوام وبدأت اتوسوس بس قاومت وسرت
والحين احاول ما احتك فيهم علشان لو كان لا سمح الله ما ينتقل لهم
ما اعرف يا جماعة هو المفروض انتظر حتى تظهر علامات المرض وتقوى علشان اسوي تحاليل ولا اروح أشيك على نفسي اليوم ولا انتظر اعراض معينة …….. ما اعرف 
انا موسوسة وايد
الله يحفظكم
أجر وعافيه ياختي . ماتشوفين شر ان شاء الله .
مثل ماتفضلن الخوات روحي راجعي الطبيب عشان الوسواس يخوز عنج بس
وطمنينا .وان شاء الله مافي الا كل خير
ما تشوفين شر استأذني وروحي الطبيب افضل عشان ترتاحين من التفكير
وما عليج شر ان شاء الله يمكن ماخذه برد ،
وطمنينا عليج
اتصلي على ها الرقم هو الخط الساخن لهم وخبريهم بشو تحسين وهم بيفيدونج اكثر من غيرهم لو شاكه فيج او لا
وان شاء الله ما فيج الا كل خير الغلا
800358
http://swineflu.moh.gov.ae:811/relatedsites.aspx
لا باس عليج أختي وأجر وعافية.. بس أتوقع الاعراض الاساسية للمرض هو ارتفاع في درجة الحراره يعني أنتي فيج حراره!! بس هذا ما يمنع تسوين فحص عشان ترتاحين نفسياً وتبعدين الوسواس…
ألف سلامة عليج وربي يحفظج إن شاء الله…
ما عليج باس
اول شي الحين ما قاموا يسوون تحاليل
يعني من تشخيص المرض بيعطونج العلاج وهم ادرى الغاليه
انصحج بزيارة طبيب فورا ,,
لان نسية الشفاء اذا تعالجتي من اول يوم بأذن الله 100%
واذا تعالجتي من ثاني يوم 75% نسبة شفاءه
واذا تعالجتي ثالث يوم نسبة الشفاء 50 %
يعني علاجه واحد بس الوقت اللي يفرق
هذه حسب التصاريح الرسميه لوزارة الصحه