السلام عليكم ورحمة الله وبركاته
بعد ما رجعت أمس من الصلاة حسيت بأني همدانة وضغطي نازل
وبعدها بشوي زكمت خياشيمي واحس بحرارة تطلع من تنفسي 
واللي زادني تشكيك بأن مسجد النساء اول ما دخلته كنت اسمع أصوات المرضى بالكحة وغيره
فتوجس قلبي خيفة من أن تنتقل العدوى بيننا خاصة ان وراي وجنب اللي جنبي كانت علامات المرض ظاهرة عليهم بس ماكنت اعرف هل هو الفايروس ولا غيره
فتوكلت على الله حق توكل فأنا في بيته تعالى
بس اليوم الصبح ما قدرت اروح الدوام وبدأت اتوسوس بس قاومت وسرت
والحين احاول ما احتك فيهم علشان لو كان لا سمح الله ما ينتقل لهم
ما اعرف يا جماعة هو المفروض انتظر حتى تظهر علامات المرض وتقوى علشان اسوي تحاليل ولا اروح أشيك على نفسي اليوم ولا انتظر اعراض معينة …….. ما اعرف 
انا موسوسة وايد
الله يحفظكم
بسج وسواس . الموضوع كله حمى عادية
اجر و عافية
انا نفس حالتج بس شوي اخف من رديت البارحة من القيام تميت اعاطس وعيوني ادمع وصداع
بطرش الشرطة بيتكم
ماتشوفين شر
عايج بالخيلة
لا تزيغين و لا شئ الامور طيبه
انتي اتوسوسين .. ماعليج شر … والحين الحمى العاديه منتشره في كل مكان الله يعافيج ويعافي مرضنا
بس اتسغرب من بعض الناس انته مريض شوه الي يوديك المسيد..
صل في البيت اتوقع افضل عن انك اتعادي 10 غيرك حتى لو انفلونزه عاديه