السلام عليكم ورحمة الله وبركاته
بعد ما رجعت أمس من الصلاة حسيت بأني همدانة وضغطي نازل
وبعدها بشوي زكمت خياشيمي واحس بحرارة تطلع من تنفسي 
واللي زادني تشكيك بأن مسجد النساء اول ما دخلته كنت اسمع أصوات المرضى بالكحة وغيره
فتوجس قلبي خيفة من أن تنتقل العدوى بيننا خاصة ان وراي وجنب اللي جنبي كانت علامات المرض ظاهرة عليهم بس ماكنت اعرف هل هو الفايروس ولا غيره
فتوكلت على الله حق توكل فأنا في بيته تعالى
بس اليوم الصبح ما قدرت اروح الدوام وبدأت اتوسوس بس قاومت وسرت
والحين احاول ما احتك فيهم علشان لو كان لا سمح الله ما ينتقل لهم
ما اعرف يا جماعة هو المفروض انتظر حتى تظهر علامات المرض وتقوى علشان اسوي تحاليل ولا اروح أشيك على نفسي اليوم ولا انتظر اعراض معينة …….. ما اعرف 
انا موسوسة وايد
الله يحفظكم
ما تشوف شر ان شاء الله
الله يستر ..
ان شاء الله ما تكون في العزل الصحي ..
من البارحه وانا اتابع الموضوع وما فيه اي تطمين ..
الله يشفيج ..
ها بشري عزيزتي
ان شاء الله اليوم أحسن
طمنينا عليج يختي .. والله قلوبنا وياج
ماتشوفين شر اختي وطهور ان شاء الله
أنا من اسبوع كان فيني حمى وزجام وبلاعيم وسرت المستشفى وقالولي انه مافيني انفلونزا الخنازير بس برد وعطوني مضاد حيوي ودوا للكحه راحت الحمى وخفت الكحه بس الزجام بعده مستمر