السلام عليكم ورحمة الله وبركاته

كيف الحال جميعا

سؤالي لجميع الاعضاء

ما هي المدينة الاحلى في دولة الامارات ولماذا ؟؟

49 thoughts on “أحلى مدينة في الامارات من وجهة نظرك ؟؟؟”

  2. فـديت العين وهلهـا..

    والله العين ثم العين والعين والعين والعين ..

    أنا مواليد العين.. بس سـكون بوظبي.. وادرس في دبــــــــي..
    يعني .. مقضي سنين بينهـــــــن..
    بس العين والله غيــــــــــــر.. لو ما طولت عليهـا.. حنيت لهـا.. وين لو طولت !! مع احترامـي.. لـ العاصمة ودبي وبقيت ارجاء البلاد !

    وأحب أشاركمـ بـ بعض الابيات من قصيده كتبها أحد أعضائنا المميزيـن ” يخونـي اسم كاتبها” يا غير اني محتفظ بها كاملة .. فل يعذرنـي .. بـ أقتباس كم بيت من أبياتهـا..

    فبوظبي لي روس قوم(ن) مناعير
    وبالعين لي ربع(ن) نشاما وشله

    واللي يحب الدار مايعكس السير
    واليا انذكر زايد لزوم(ن) يجله

    اقل شي نقدمه دون تأخير
    يالله ترحم زايد(ن) في محله

    ومادامني بالعين فآنا على خير
    احبها وانا عليها آتوَله

    لها على قلبي مأثر وتأثير
    مثل البشر كل(ن) توجه لمله

    واكنّ في قلبي لها كل تقدير
    وبالاحترام نعيش تحت المظله

    يانور يانوار يحلا نواوير
    يالعين انتي العين يا بعد من له

    جيتك ابي اقطف ورود الدواوير
    كبدي بحبك كلها مستحلّه

    مالي علاقه بالعطر والمناكير
    ولا جيت ادوّر حب هـ (السندرله)

    لو انهم دقوا عظامي مسامير
    قلبي فدا لهل الامارات كله

    ” آخر بيت عن مايزعلون .. شباب بوظبي وهل الجامعه في دبي…لووول”

  4. دبي وكل شي فيها غير ومميز دائما وخاصة شوارعها الجميلة والراقية في كل شي ، دبي داري ومرباي وخاصة مناطقها البرية ، المرموم ولهباب والعوير ،،، وشكرا جزيلا صاحب الموضوع المميز.

  5. العين ، دار الحسن والزين ..

    يوم اروح بوظبي أو دبي واتم هناك بالأيام لااااازم امرض
    وارد العين أطيب بدون دوى ,,

    حبها يجري بدمي

Comments are closed.