تم إلقــاء القبض على السيد المحترم أحمد عبد القادر وأثنين من معاونيه من الجنسية الخليجية بتهمة النصب والإحتيال والإستيلاء على أمـوال الغير والتحقيق وياهم بعده شغال وتم إستدعاء حتى الوسطاء اللي يغرون الناس ويقصون عليهم ويوصلون الناس إللي عمتهم الفلوس للمحفظه هاي لانهم مستويين وسطاء وهم روحهم لايملكون عقود أو أي شي يثبت مشروعية هالمحفظه وعلى فكرة الموضوع مرتبط بالمحظه الثانية إللي شرد صاحبها (الحوسني) بس بعد أبشركم أن أنزخ وهو في إيطاليا والريال طلع يتعامل بعد ويا أحمد عبدالقادر والله يعين الناس إللي مافكروا إلا بالفلوس ولا حاتوا الحلال من الحرام كل همهم جمع البيزات ويوم نصحناهم قالولنا خلوكم بفقركم ــــــــــــ الله كــــــــريم
والقانون لايحمي المغفلين
حصري من الشحي2
بالنسبه لاسئله الاخوات في المنتدى والي توصلني على الخاص…
العنود
ام سهيل
من المشاركات في المحفظه ومن وسيطات المحفظه ايضا …
لا حول و لا قوه الا بالله
الله يرجع لكم اموالكم
تشكر على المعلومات و اللي يرجع لكل ذي حق حقه
لتشعب وكثره الضحايا ..
وحسب استنتاجي بردود الأعضاء ومحادثتي لبعض الضحايا من زملاء العمل أدركت التالي :
أولا المخاطره :
مثلا شخص يدخل بالمحفظه عن طريق وسيط بمبلغ 100 الف درهم بتاريخ 15/10/2007
راح يستلم الرباح وحساب المخاطره كالتالي :
بتاريخ 15/10/2007 == دخول المحفظة == نسبة المخاطره 100%
بتاريخ 15/11/2007 == نسبة المخاطره 70% بعد استلام ارباح 30%
بتاريخ 15/12/2007 == نسبة المخاطره 40% بعد استلام ارباح 60%
بتاريخ 15/01/2008 == نسبة المخاطره 10% بعد استلام ارباح 90%
بتاريخ 15/02/2008 == نسبة المخاطره 0 % بعد استلام ارباح 120%
فنلاحظ بالشهر الرابع الشخص استرجع كامل المبلغ بالاضافة الى 20 % ارباح
طبعا سبب شرحي طريقة الربح المزعوم والمخاطر
1/ اكثر الناس ضررا من المساهمين المشتركين اصحاب الشيكات المؤجله
لشهر 10/2008 لان المدعو ( ا ع ق ) عمل لغاية تاريخ 22/4/2008 يوم القبض عليه
فاصبح تاريخ الشيكات المؤجله مثلا 22/10/2008
2/ طبعا الرصيد غير كافي 100% فالطريقة العادلة والمنصفه لرد اصحاب الحقوق
صرف الشيكات المؤجله الجديدة لعدم استفادتها بالربح المزعوم
ويتم توزيع ( التركه ) على كافة المساهمين حسب تاريخ استحقاق الشيك
فالجديد قبل القديم طبعا هذه نظرتي الشخصية ولكم الحكم
وشكرا …
الخبر من وكالة انباء الامارات
WAM
الله يعينكم
اختي الكريمه ام مايد … انا الي اقدر اقوله بكتبه في المنتدى … بس فيه امور ما اقدر اتطرق اليها ..
الي يهمنا اليوم كيف نرجع بيزات المستثمرين او جزء منها !…
بالنسبه للاشاعات اختي الكريمه تراها وايد … وكلها تلفيق والناس تبى تطمن بعضها البعض ..
والا الصراحه الموضوع ما يطمن … والريال مسجون حتى هذه اللحظه
ولا تسمعين الي يقول ان الريال طلع من السجن ومن هالكلام الي ما يودي ولا ايييب تراه كله كلام في الهواء …
والناس شبعت من كثر ما تاكل هواء ..
تحياتي لج اختي الكريمه واتمنى الله يفك كربتج ان شاء الله باسرع وقت