تم إلقــاء القبض على السيد المحترم أحمد عبد القادر وأثنين من معاونيه من الجنسية الخليجية بتهمة النصب والإحتيال والإستيلاء على أمـوال الغير والتحقيق وياهم بعده شغال وتم إستدعاء حتى الوسطاء اللي يغرون الناس ويقصون عليهم ويوصلون الناس إللي عمتهم الفلوس للمحفظه هاي لانهم مستويين وسطاء وهم روحهم لايملكون عقود أو أي شي يثبت مشروعية هالمحفظه وعلى فكرة الموضوع مرتبط بالمحظه الثانية إللي شرد صاحبها (الحوسني) بس بعد أبشركم أن أنزخ وهو في إيطاليا والريال طلع يتعامل بعد ويا أحمد عبدالقادر والله يعين الناس إللي مافكروا إلا بالفلوس ولا حاتوا الحلال من الحرام كل همهم جمع البيزات ويوم نصحناهم قالولنا خلوكم بفقركم ــــــــــــ الله كــــــــريم

والقانون لايحمي المغفلين

حصري من الشحي2

360 thoughts on “‘أحمد عبدالقادر في قبظة الشرطة’”




  1. توكل على الله يا مشرفنا الغالي

    وافا عليك طال عمرك بس انا قلت افتح موضوع ثاني علشان ما يصير لبس في الموضوع

    توكل على الله طال عمرك وادمج … وانته على الراس والعين طال عمرك…



    هلا الغالي

    اشكرك واشكر تفهمك للوضع وكلامك في محله

    وسوف نتركه قليلا لكي يراه الاعضاء وما يصير لبس

    ومن ثم سنقوم بالدمج

    بارك الله فيك .. الله يكثر من امثالك الطيبين

  2. اختي الكريمه ام مايد … انا ما بكتب شي الا متأكد منه طال عمرج … وعلى فكره اي شي ينكتب في هذا المنتدى .. ممكن مسائله صاحبه في اي وقت من السلطات في الدوله

    توكلي على الله اختي الكريمه .. وصدقيني انا لا بغشج ولا لي غرض طال عمرج

    تمنياتي للجميع اخواني الكرام بالتوفيق

    افا عليك اخوي انا ماقصدت جي بس حبيت اتأكد لأنه نحنا من الشماال صعب نرووح ليين بوظبي بدوون مانتأكد بس خلااص اتأكدت ومشكوور ماقصرت اخوي كفييت ووفييت

  4. منو قال انه اختة في السجن انا الحين مكلمتنها وقريت لها المكتوب هني

    قالت انه كله تحقيق بس يحققون وياهم وعلى كلامها انه مافي شي عادي نفس كل مرة

    والشي الثاني اللي قال انه الوسطا يغرون الناس الوسطا ما اغروا الناس الناس ارواحهم اغتروا ب30% ودشوا

    ناس سحبت ودائعها في البنوك وحطتهن عند احمد فها الشي يضر بمصلحتهم

    وفي ناس فنشوا او استقالو من دواماتهم اعتقد نفس الوسطا

    للعلم انا حاطه اول شي 100الف وبعدين زدت 400الف بس الصراحة رديت راس مالي

    ولو صار ما صار بترد فلوس الناس على كلامها وبعد الشرطة بتجبرة يرد الفلوس

    والحوسني وضعه مختلف

    كان ينزل ارباح حق الناس من 5%لين 10% وهو في الاصل يستثمر الفلوس عند احمد يعطي الناس 5الاف او سبعة والباجي ياخذة له

    الشرطة تسمع به من زمان وسائل الاعلام يدروبة من زمااان ليش ما زخوه
    ليش خلوا الناس تثق فيه ويدخلون فلوسهم عندة والحين زخوه افرض الحين هو عاند وقال مابرد شي خلهم يولون انا ماقلت لهم يحطون فلوسهم عندي منو بيرد فلوس الناس من المسؤول في هالحاله

    أختيه أول شي محد قال أخته في السجن نحن قلنا في المركز وياهم وثاني شي لازم بدافعين لهم تراج مظهره 400000 درهم من وراهم وأحب أهنيج على الفلوس (الـحــــــــــلال) الله يهديج ويهدي أخوانه المسلمين وما أعتقد أنج بتعرفين في الدين أكثر عن الدعاة والدينين مع أحترامي لج والسموحة وأتمنى محد يزعل من كلامي بس والله من قهري وحزني على أخوانا وخواتنا إللي عمتهم الفلوس…

  5. الحوسني موضوعة مختلف

    واحمد موضوعة شي ثاني

    الامور طيبة ان شاء الله

    واللي ينزل خبر حصري يحط المصدر

    ولا يزيد الاشاعات والخوف بين المستثمرين

    ناس وايد حاطة فلوسها عندة وحد باع بيتة عشان هذا الموضوع

    الريال في الشرطة والفلوس في البنك ومايروم يحول منها شي

    ان شاء الله ترد
    الفلوس للناس

Comments are closed.