تم إلقــاء القبض على السيد المحترم أحمد عبد القادر وأثنين من معاونيه من الجنسية الخليجية بتهمة النصب والإحتيال والإستيلاء على أمـوال الغير والتحقيق وياهم بعده شغال وتم إستدعاء حتى الوسطاء اللي يغرون الناس ويقصون عليهم ويوصلون الناس إللي عمتهم الفلوس للمحفظه هاي لانهم مستويين وسطاء وهم روحهم لايملكون عقود أو أي شي يثبت مشروعية هالمحفظه وعلى فكرة الموضوع مرتبط بالمحظه الثانية إللي شرد صاحبها (الحوسني) بس بعد أبشركم أن أنزخ وهو في إيطاليا والريال طلع يتعامل بعد ويا أحمد عبدالقادر والله يعين الناس إللي مافكروا إلا بالفلوس ولا حاتوا الحلال من الحرام كل همهم جمع البيزات ويوم نصحناهم قالولنا خلوكم بفقركم ــــــــــــ الله كــــــــريم
والقانون لايحمي المغفلين
حصري من الشحي2
كلامكم صحيح هالمحافظ مجازفه
يمكن فيه ناس استفادوا بس طول الوقت يخافون لأنه مالهن امان ولا ضمان
وهاي عبره حقنا اللي ما دخلنا وحق غيرنا اللي دخل
الحين هذا اللى قص على سكان دولة الامارات مواطن أماراتي
شو الفايده الحين تلومهم..عقب ما فات الفوت ما ينفع الصوت
بس ان شاء الله يكون درس قوي لن ينسوه ..لان بصراحه يعني بصراحه يعني بصراحه يعني بس بيني و بينكم ما دشيتو المحفظه و انتو تدرون ان ضمان راس المال حرام؟؟
عيني في عينكم تدرون و الا ما تدرون؟؟
للاسف يدرون بس تناسو يوم شافو الارباح و يوم فلان و علتان على قولتك يجرجون مخهم بالافكار السعيده و باجر بتستوي غني و عندك بنتلي و كل البنات بيطالعونك ..و الا بنبني بيت العمر و الخ الخ الخ
قالو برايه اليوم نربح و باجر بنكفر و كان الله غفور رحيم
و لكن صار ما صار الحين و ما ينفع الندم
و هذا الدرس نتعلمه نحن قبلكم << اللي ما شاركنا في محافظ …لان الشيطان كان يلعب بمخي شوي بس الحمدلله ما رام لي
و صدقوني كلامي هذا ما اشمت به في حد …بالعكس انا وايد متأثره من هالسالفه اللي صارت و عافده في مواضيع المحفظه و متابعه اول و بأول و ماشي على لساني غير الله يعينكم
لكن درس لنا و لكم ..و لازم نتعظ من اخطاء غيرنا
هيه والله صدقة والله اني وااايد حزين على هذيله الناس نسبه كبيره من الموطنين دخلو والبنات اكثر من الشباب لا حول ولا قوة الا بالله نحن في قمة التطور والناس بعدها عقولها صغيره
تم الاتصال وان شالله خير