تم إلقــاء القبض على السيد المحترم أحمد عبد القادر وأثنين من معاونيه من الجنسية الخليجية بتهمة النصب والإحتيال والإستيلاء على أمـوال الغير والتحقيق وياهم بعده شغال وتم إستدعاء حتى الوسطاء اللي يغرون الناس ويقصون عليهم ويوصلون الناس إللي عمتهم الفلوس للمحفظه هاي لانهم مستويين وسطاء وهم روحهم لايملكون عقود أو أي شي يثبت مشروعية هالمحفظه وعلى فكرة الموضوع مرتبط بالمحظه الثانية إللي شرد صاحبها (الحوسني) بس بعد أبشركم أن أنزخ وهو في إيطاليا والريال طلع يتعامل بعد ويا أحمد عبدالقادر والله يعين الناس إللي مافكروا إلا بالفلوس ولا حاتوا الحلال من الحرام كل همهم جمع البيزات ويوم نصحناهم قالولنا خلوكم بفقركم ــــــــــــ الله كــــــــريم
والقانون لايحمي المغفلين
حصري من الشحي2
لا وبزيدك من الشعر بيت مثل ما ايقولون …الريال مب بس طايح ايخرط علينا ..البارحه يالسه اشوف المنتديات لقيت الريال خارط على اهل عمان بعد وحليلهم بعد هم داخلين وياه بمبالغ كبير…بس الواحد ايقول لا حول ولا قوة الا بالله…هذا الخاين ما قدر البلاد الي ضمته وعطته الجنسيه والجواز والله ما يستاهله
شرطة ابوظبي تكشف تفاصيل الاستيلاء على 400 مليون من 2500 ضحيه
التفاصيل في صحف اليوم,,الخبر في جريدة الخليج
لم اوفق في نقل الخبر ,,للضغط الحاصل على سيرفر الموقع
طبعا لا مب اماراتي اهل البلاد الاصليين ما يسونها نحن عيال زايد وتعلمنا منه حب الوطن والخوف على مصلحه بلادنا ولو الواحد بيموت من اليوع ما بيخون بلاده عشان فلوس مالنا غير بلادنا وين بنروح عنها بس الاخ سوري الاصل مع احترامنا للاخوه السوريين بس هذا طالع غلط عنهم لان السوريين ناس فيهم خير ما ننكر الى درسونا ووايد منهم خدموا البلاد وبينا وبينهم مصالح مشتركه يعنى غلطه فرد ما تدين شعب بس الاستاذ احمق للاسف يملك الجنسيه الاماراتيه الى ما يستاهل ريشه من ريش الصقر الى في جوازه وطالع له الجواز سنه 2001 يعنى رتب للنصبه المحترمه خلال ال7 سنوات الماضيه
مشكور ولد الفلاسي بس على ما اعتقد ان الناس خلاص درت بان مثل هالنوعية من المحافظ نصب بنصب فماله داعي تزيد من جروح الناس. الي فيها كافيها.
فهم مب في حاله يستوعبون اي نوع من اللوم الحين. الحين وقت مساندتهم مب وقت اللوم.
الله يعينهم بس.
يا ليت انهم لا يخلووه أصلي ولا تقليد…………….. ما يستاهل شي منهم…