تم إلقــاء القبض على السيد المحترم أحمد عبد القادر وأثنين من معاونيه من الجنسية الخليجية بتهمة النصب والإحتيال والإستيلاء على أمـوال الغير والتحقيق وياهم بعده شغال وتم إستدعاء حتى الوسطاء اللي يغرون الناس ويقصون عليهم ويوصلون الناس إللي عمتهم الفلوس للمحفظه هاي لانهم مستويين وسطاء وهم روحهم لايملكون عقود أو أي شي يثبت مشروعية هالمحفظه وعلى فكرة الموضوع مرتبط بالمحظه الثانية إللي شرد صاحبها (الحوسني) بس بعد أبشركم أن أنزخ وهو في إيطاليا والريال طلع يتعامل بعد ويا أحمد عبدالقادر والله يعين الناس إللي مافكروا إلا بالفلوس ولا حاتوا الحلال من الحرام كل همهم جمع البيزات ويوم نصحناهم قالولنا خلوكم بفقركم ــــــــــــ الله كــــــــريم
والقانون لايحمي المغفلين
حصري من الشحي2
مشكور يالغالي على الرد … طال عمرك … هل تشوف في الكلام الي انا قلته شي يمس سير القضيه ؟؟؟؟
انته تقول فيه تسرب للمعلومات … انزين منو الي بيستفيد من هذي المعلومات الي انا اعلنت عنها ..؟؟؟؟
خلك واقعي يا طويل العمر المعلومات هذي معلومات عامه وفي نفس الوقت حقيقيه … علشان بس الناس والاخوه المشتركين يعرفون الوضع العام … ولا يتبعون كلام الناس ولا الوسطاء ..
الي انكتب هنا .. هو الصحيح ميه بالميه بدون المساس بسير القضيه ولا اي شي .. لان اي شخص يروح المركز بيقولون له نفس المعلومات …
فانا فضلت اني اكتبها لكم هنا علشان ما اتعبكم وفي نفس الوقت علشان نقلل من الناس الي ما زالو مصرين على اصطياد الفقراء من العامه ..
انا ما اقول غير الله لا يسامحهم ان شاء الله
عيايز وارامل ما يملكون الا كرت الشئون وغرتهم السالفه ودخلو فيها مساكين .. هذيل الي يجمعون فلس على فلس شهريا .. وفي الاخر يروح كل شي ..
الشباب وغيرهم الي راهنين بيوتهم والي متسلفين وغيره … شو بيسووون في هذا البلوى الي طاحت على راسهم
اخوي الكريم … اتمنى اكون وصلتك لنقطه ترتكز عليها وتعرف موقعك من الاعراب اقل شي
واعرف طال عمرك ان كل الي انكتب هو كلام حقيقي ميه بالميه بالاضافه الى انه لا يمس بسير القضيه
والسموحه على الاطاله
أخي الفاضل أنا أشكرك من أعماق قلبي ويكون بعلمك أني واحد من الناس اللي لهم مبالغ في المحفظة المذكورة
أنا اللي شدني كلامك أن المصدر من التحقيق نفسة وأنا لا اريد أمشكلك ولا اتصيد أخطاءك بس يا أخي أي انسان يقرأ موضوعك يقول هذا إما من الأشخاص اللي حققوا في الموضوع أو على علاقة بالأشخاص اللي باشروا في التحقيق وكل الأمور تأدي إلى أن المعلومات تتسرب وهذا الأمر ما في عاقل يقبلة
المهم اللي أحب أقولة اننا المفروض ننتظر البيان الرسمي من الجهات المختصة ونحن والحمد لله في دولة قانون والسموحة منك بارك الله فيك
اخوي الغالي .. طال عمرك انا ما انتظر شكر من احد من الاخوه ولا انتظر شي من حد … وليس لي غرض في الموضوع …
وكاتب ارجوا التنبه من هذي النقطه … يعني شو تبى تقول طال عمرك ؟؟؟ ….
والله شاهد اني اقولكم الامور الحقيقيه … علشان وللعلم بس انه فيه ناس للحين بعدها تشتغل وتلم بيزات من الناس علشان المحفظه … وهذا للعلم …
وفيه الكثير الي يدخلون ويكتبون في المنتدى لغرض في نفس يعقوب ..يا اما يكونون وسطاء ويخففون المشكله ويطمنون المستثمرين … يا انهم يبون يطمنون نفسهم …
وشوف الغالي المنتدى مسجل ايميلي ويقدر يتشكي علي اذا فيه مجال للتشكيك في الموضوع ….
انا كتبت الموضوع لاني في هذا المنتدى من سنه وصحيح اني ما اكتب وايد في المنتدى … ولكن
لتعلم ويعلم الجميع ان الي في المنتدى اخواني وربعي … وما ادور شي من حد ولا شي طال عمرك
وانته اذا مب مصدق الي مكتوب يالغالي .. هذا شي شخصي طال عمرك … والايام بتثبت لك يالغالي
بس انا اقول للناس احذرو من الوسطاء الي ما زالو يبحثون عن الاموال … واحذرو من الناس الي ما زالت تصطاد في الماء العكر
الي عنده شيك وتاريخه منتهي يتوكل على الله ويسير البنك ويختم عليه مرتجع ويشتكي في السلطات القانونيه
والي عنده شيك مب وقته الحين ما يقدر يسوي اي شي الا الانتظار لحين ظهور شي جديد في القضيه
والي ما عنده شيك ولا عنده وصل امانه ولا عنده شي … الله يعينه ويصبره ان شاء الله
والسموحه منكم اخواني الاعزاء
مادري ليش انا وايد مستانس (مب متشمت لكن مستانس)
استغرب من واحد يقول مصدري التحقيق ومن ابسط الأبجديات في عمل الجهات الأمنية السرية والحفاظ على سرية التحقيق
ارجوا التنبه لهذه النقطة