تم إلقــاء القبض على السيد المحترم أحمد عبد القادر وأثنين من معاونيه من الجنسية الخليجية بتهمة النصب والإحتيال والإستيلاء على أمـوال الغير والتحقيق وياهم بعده شغال وتم إستدعاء حتى الوسطاء اللي يغرون الناس ويقصون عليهم ويوصلون الناس إللي عمتهم الفلوس للمحفظه هاي لانهم مستويين وسطاء وهم روحهم لايملكون عقود أو أي شي يثبت مشروعية هالمحفظه وعلى فكرة الموضوع مرتبط بالمحظه الثانية إللي شرد صاحبها (الحوسني) بس بعد أبشركم أن أنزخ وهو في إيطاليا والريال طلع يتعامل بعد ويا أحمد عبدالقادر والله يعين الناس إللي مافكروا إلا بالفلوس ولا حاتوا الحلال من الحرام كل همهم جمع البيزات ويوم نصحناهم قالولنا خلوكم بفقركم ــــــــــــ الله كــــــــريم
والقانون لايحمي المغفلين
حصري من الشحي2
ياجماعة أدعوا لأخواننا الذين شاركوا في المحفظة
الله يفرجها عليهم وترد فلوسهم وتطمئن قلوبهم .
بس يتأدبون ومايعيدونها وياخذون الموضوع درس
لهم ولغيرهم مب سيرون يدورن محفظة غيرها.
اللهم افرجها على اخواننا المتضررين .
قولوا آمييييييييييين .
الله يعين
الموضوع شكله معقد
الله يعين شكلها المبالغ بالمليارات
نحن ما نتوب
نددور الربح باي طريقه
اول الشي الاسهم وفوق النص مب فاهم شو الاسهم وقالو الناس دخلت خلونا ندخل
والحين المحافظ
االه يعين
اخواني ربيعي داش الاسبوع الي طاف عطوه شيك بقيمه المبلغ الي دخل فيه
بس الشيك في توقيع واحد هب توقيعين اقدر اتصرف في هذا الشيك ولا لا
الله يعين اللي محطي فلووووووووسه إن شاء الله
انا لله وانا اليه راجعون
لا حول ولا قوة الا بالله