يا جماعة الخير معظمنا كان يتشكى من الوسيط اللي عنده وأنا كنت واحد منهم
http://www.satfrequencies.com/invest/showthread.php?t=15974
بس الحينه لا … اللي وسيطه الامارات الدولي للوساطة لازم يفرح ويهلل …
اليوم بالغلط قلت خلني اتصل فيهم يمكن يردون علي … ومن أول مكالمة ردت علي وحدة وقالت “الامارات الدولي للوساطة مرحبا” … ما صدقت شان أصكر التليفون بويها وقلت أكيد أنا غلطان في الرقم ؟؟!!
ورديت إتصلت مرة ثانية .. ردت علي وحدة وقالت “الامارات الدولي للوساطة .. مرحبا” وبعد مرة صكرت التليفون بويها وقلت أنا بحلم ولا بعلم.. شو ما شي زحمة عندهم ؟!!!
وإتريت شوية وقلت إذا ردوا علي بشتري إعمار وبسألهم شو السالفة!!! ردت علي وحدة وقالت “الامارات الدولي للوساطة .. مرحبا” وإشتريت إعمار وقلتها إختي شو هالتطور شو السالفة إتردون على المكالمات بسرعة؟!!
قالت : فتحنا (CALL CENTER) فكل المكالمات من دبي وبوظبي تتحول لهذا المركز … قلتها السموحة تراني صكرت التليفون بويهكم مرتين لاني ما كنت متوقع سرعة الرد وإتحريت الرقم غلط…
الأرقامهم 6128857-02 / 6128856-02 / 3055728-04 / 3055718 -04 / 3055761-04
إذا تموا على هاي الحالة ما بحتاي التداول الالكتروني …
هلا والله
اتصدقون حتى انا اليوم حصلت معاي هالسالفه
والصراحه يوم ردت الموظفه استبهت
وقلت لها كم املاك اليوم
وتميت اسال مب عارف شو اسوي
لان من اول مره ردوا!!!
المهم بعت املاك 7 والله يعوضنا خير
الصراحه بشاره حلوة
الله يبشرك بالخير
i called one of these number (above) and they took my orders directly and she said ”done, you bought Emmar” & later i have changed some orders prices without transfering to other people … so everything in this center
السبب لقرب التداول عن بعد و البقاء للافضل و ستكون منافسه قويه بين الوسطاء و طبعا هذا الشي من مصلحة المستثمرين.
نتمنى التوفيق للجميع ➡
بعد ما كانوا يصكون التلفون بوجوهنا، قمنا احنا نصكا بوجوهم. 💡
سنتر كول بس انته متاكد انه يحولونك على طول للبروكر
اخوي انا اتصل على طول يردون على بس البروكر لين مايشل التلفون ينقعني سنه