يا جماعة الخير معظمنا كان يتشكى من الوسيط اللي عنده وأنا كنت واحد منهم
http://www.satfrequencies.com/invest/showthread.php?t=15974
بس الحينه لا … اللي وسيطه الامارات الدولي للوساطة لازم يفرح ويهلل …
اليوم بالغلط قلت خلني اتصل فيهم يمكن يردون علي … ومن أول مكالمة ردت علي وحدة وقالت “الامارات الدولي للوساطة مرحبا” … ما صدقت شان أصكر التليفون بويها وقلت أكيد أنا غلطان في الرقم ؟؟!!
ورديت إتصلت مرة ثانية .. ردت علي وحدة وقالت “الامارات الدولي للوساطة .. مرحبا” وبعد مرة صكرت التليفون بويها وقلت أنا بحلم ولا بعلم.. شو ما شي زحمة عندهم ؟!!!
وإتريت شوية وقلت إذا ردوا علي بشتري إعمار وبسألهم شو السالفة!!! ردت علي وحدة وقالت “الامارات الدولي للوساطة .. مرحبا” وإشتريت إعمار وقلتها إختي شو هالتطور شو السالفة إتردون على المكالمات بسرعة؟!!
قالت : فتحنا (CALL CENTER) فكل المكالمات من دبي وبوظبي تتحول لهذا المركز … قلتها السموحة تراني صكرت التليفون بويهكم مرتين لاني ما كنت متوقع سرعة الرد وإتحريت الرقم غلط…
الأرقامهم 6128857-02 / 6128856-02 / 3055728-04 / 3055718 -04 / 3055761-04
إذا تموا على هاي الحالة ما بحتاي التداول الالكتروني …
انزين انا من خارج الدوله
هل اقدر اكلمم بالتلفون للبيع والشراء؟؟
وللاخوان الي كلموهم: شنو يثبت انك راعي الحساب ؟؟ هل طلبوا منك رقم المستثمر او شو ؟
نعم …مثل دبي الاسلامي…. يرد على المكالمات من أول مرة بعد المائة.
هلااا …. حد يخبرني كيف اغير الوسيط وشو المطلوب؟؟
😛
في وادين يردون على التلفون من اول مره واللي يدور يحصل
في وسيط يتصل عليك بعد بس مشكلتكم ما تدفعون
soft