أخواني ايهما احسن تيوتا كامري ولا نيسان التيما

انا عندي التيما استعملها للدوام والخطوط والمشاوير

ومابكون متحيز ابدا لان شركه نيسان لا شركه ابوي ولا حد من اهلي ههههه
لكن بكلمك عن تجربة شخصيه للسيارتين وبخبرك النتايج

انا خذت التيما بعد ماجربت السيارتين ( الله يخلي محلات الاجار )

واتكلم عن موديل 2009 للسيارتين وكلهن كانن بحاله الوكاله ماشيات قريب الـ 8 الاف كيلو

من ناحيه المواصفات .. الالتيما افضل

الثبات .. التيما

القوة .. التيما

صرفية البترول .. التيما وخصوصا على الخطوط تفرق عن الكامري وايد لانها 6 غيارات ..وفالمدينه الكامري احسن بفرق بسيط

الشكل الخارجي .. يعتمد على ذوقك

الداخلية .. الالتيما .. لان حسب ذوقي الكامري من داخل فيها اخضر مادري ازرق الوان غير متناسقه عكس الالتيما الي الوانها من داخل متناسقه اسود × برتقالي

المقعد الخلفي .. الكامري اوسع

الستيرينق .. الالتيما اخف من الكامري

بعطيك بعض الاشياء الي يمكن تواجهها فالالتيما اول ما تسوقها

يبالك فتره تتعود على القير لانه cvt
بتتعود عليه اول اسبوع عقب بترتاح وبتحس ان السيارات الثانيه فيهن شي غلط

عندك البريك .. قوي اكثر من اللزوم .. يعني ابسط ضغطه عادي تلصق ويهك فالطبلون ههههه
وهذا بعد اول اسبوع بس عقب بتتعود وبتقايس عليه ويتحس انه مثالي لانه يستجيب بسرعه

المقعد الخلفي ضيق شوي بالنسبه للالتيما

واذا حد ركب ورا ووزنه ثقيل شوي بتحس السياره نازلة من ورا وبتحك فاي مطبه مرتفعه شوي

الكامري مافيها هذي المشكله .. لكن الي يركب ورا مايلاقي نفس راحه الالتيما

طبعا نقطه ايجابيه وسلبيه بنفس الوقت

عندك بعد شي حلو فقير الالتيما

انك اذا تمشي على سرعه عاليه فالخط لفتره طويله 180 وفوق

القير بروحه يحافظ على نفسه .. اذا ارتفعت حرارته من نفسه ما يعطيك مجال انك تسرع اكثر ويتم معلق وثابت لفتره بسيطه لين ما يبرد .. وبعدين يفتح مره ثانيه

هالشي ما يصير الا اذا كنت تمشي 180 وفوق على مسافه طويله مثلا عديت الـ 60 الف كيلو

وانا اشوفها نقطه ايجابيه لانه يحافظ على القير والسيارة بنفس الوقت
واعتبرها من اهم ميزات هالقير

بالنسبه لقطع الغيار

الكامري ما سالت عنها ولا جربت ..

الالتيما الماجور سيرفس فوكاله بهوان – البريمي من 480 لـ 530 درهم تقريبا
السيرفس العادي 200 لـ 230
السفايف ورا وجدام 320 درهم .. والتركيب انا اركبهم خارج الوكالة لان اسعار الوكالة غاليه على الفاضي

سير المكينه سعره 300 مع التركيب

هذي الاشياء الي اعرفها لاني الحمدلله من خذت الالتيما لليوم .. ايل فلتر سفايف بس

وبدلت السير لانها مشت 80 الف .. وانا اروح فيها خطوط

فالنهايه اقولك التيما والامور طيبه

ملاحظة : الالتيما من 2008 وطالع .. تفرق فرق شاسع عن الموديل الي قبل .. كانك تقارن مكسيما الشكل الجديم والشكل اليديد
لان في ناس بيحطون تجربتهم عن الموديل الجديم او بيخبرونك عنها

واي استفسار عن السيارتين انا حاضر

كااامري

وموفق ان شاء الله

تاكد من الشكل متى بيتغير لان بعض الوكالات مسويه عروض

يمكن يبون يصرفون الموجود واعتقد الكامري بتتغير

السلام عليكم ورحمة الله و بركاته
بلبدايه اتمنالك الموفقيه ان شاء الله في ما يختاره الله لك
من رأي الشخصي
تويوتا كامري و التويوتا بشكل عام يمتاز بلقوه و المتانه و الكوالتي المميز
*محرك 4 سلندر 2500 سي سي
* ناقل حركه اوتوماتيكي من 5 سرعات
* مواصفاتها الداخليه مطوره من الالكترونيات و السمعيه
* صرفية بترولها جدا معقولها و مميزه
* سعرها معروف و محافظ بعد البيع

اما النيسان الالتيما فهي سياره منافسه للكامري
ولكن للاسف النيسان بشكل عام يمتاز بلكولتي المتوسط و سعره غير محافظ
يعني لو انك لفيتلك لفه على المعارض تسأل عن اسعار النيسان و اسعار التيوتا المستعمل
تجد الفارق الكبير
لكن المواصفات الموجوده في التيما تميزها عن الكامري
للاسف ما عندي فكر كافيه عن النيسان التيما في مواصفاتها
و لكن ان شاء الله الشباب الباقين ينفعونك
تمنياتي لك بلموفقيه ان شاء الله

من ناحية المواصفات التيمااا

بس من ناحية القطع الغيار والمكده اكثر وسعر مابعد البيع الكامري

9 thoughts on “أخواني ايهما احسن تيوتا كامري ولا نيسان التيما”