يوم الاربعاء الماضي حسيت بحراره واحتقان وقررت اروح عياده خاصة بخورفكان ، وفحص علي الدكتور وعطاني ابره ومضاد حيوي ومضاد للاحتقان ودوا الكحه ..واستمريت على الدوا لكن الحراره ماخفت ويوم الجمعه الماضيه ذهبت للمستشفى من الطواري وعملوا لي اشعه على الصدر وبعدها قالوا لي روح غرفة رقم 4 العزل يعني واشتغلت الكمامات عند الممرضات والدكتوره جنه حد راش عليهم كيماوي
المهم خذوا عينه ثانيه مني من الخشم واترييت ساعه لين ما طلعت النتيجه وكانت المفاجأه : انته مصاب بأنفلونزا الخنازير … وبروود اعصاب جتني الدكتوره وقالت :
يا ….. بعطيك هذا الدوا استخدمه لمدة خمسة ايام كل يوم حبتين .
وقالت بعد ماتطلع من البيت وفي غرفه روحك (عزل في البيت ) .
وانا الحين في البيت من 3 ايام والمدام وياي مسكينه ما قصرت صراحه وملبسنها كمام ههه تجنب للعدوى
واحس الحين بتحسن اشوي والحمد لله
واتمنى انكم تدعوا لي بالشفاء
اخوكم البوم
الله يشفيك وتقوم بالسلامه بيكون افضل لوتاخذ عسل وحبه سوداء اوثوم تحظه في روب فهو اقوى على الجراثيموالفيروسات كذلك قريت في اح المنتديات تاخذ ملعقه صغيره ممسوحه من بيكربونات الصودا في كاس ماء لا تكثر منها. والله يشفيك.
لا انفلونزا خنازير ولا حمام
الله يشفيك إن شاء الله ويبعد عنكم هالسوالف
وانت مصدق !! فيه دكتور هالأيام حد يصدق رمسته ؟؟!!!
في كلبا ترسوا المستشفيات من المرضى بس لإصابتهم بالزكام وتغير الجو ،،، وصار المستشفى في حالة طوارئ حتى صارو ما يستقبلوا المرضى العاديين
بس فضحوا الناس وشهروبهم والجرايد تكتب ،، ولا مرض ولا بطيخ..
الله يشفيك انشالله وما تشوف شر .. انشالله
أسأل الله العظيم رب العرش العظيم أن يشفيك
السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
الله يشافيك ان شاء الله ويعافيك وماتشوف شر ان شاء الله