أذا الزمن عااد قبل زفافك باسبوع شو بتسوي ؟؟ نصايح وارشادات لأخوكم المعـــرس

29 thoughts on “أذا الزمن عااد قبل زفافك باسبوع شو بتسوي ؟؟ نصايح وارشادات لأخوكم المعـــرس”

1. 
   
   
   
   “حبيت أشكر المشرف أو المشرفه على تثبيت الموضوع لتعم الفايده”

   
   
   
   

   
   شفت .. ؟؟

   انت بعدك ما عرست وضيعت

   اللي ثبت الموضوع كبير المستثمرين

   كبير = مذكر

   المستثمرين = جمع مستثمر وكلهم ذكور

   شو دخل المشرفات في الموضوع ؟؟

   هذي اعراض انفلونزا الزواج بدت تظهر عليك

   وصدقني .. يوم بتعرس حالتك بتتدهور اكثر وبتشوف البرتقالي اخضر و الاخضر برتقالي

   طيعني يالبوسعيدي وانفذ بجلدك قبل لا يطيح الفاس على الراس

   

2. البوسعيدي .. ما شاء الله عليك

   عرسك في نفس اليوم اللي بيرفعون فيه سعر البترول

   يعني من اولها خساير

   نصيحه اخويه ولو انها يت متأخره شوي

   تصرف .. اشرد .. بند تلفونك .. ولا ادخل اي دكان واقبض الهندي ودوس في بطنه وسلم نفسك للشرطه خلهم يسجنونك

   وبعدين قولهم اصبرو عليه لين اعقل شوي >> اجل العرس 20 سنه

   صدقني .. مافي احلى من الحريه

   انا ما بتزوج لين اكمل 40 سنه >> لا تستغرب عمري 18 ربيعاً

   طيعني وما بتندم يالبوسعيدي

3. دام العروس بتقرأ ،، عندي لها ولك كلمتين وان شالله تفهمون القصد

   1. أول سنتين من الزواج غالباً ما تكون أصعب فترة تمر على أي زوجين ،، من جميع النواحي ،، ولو كلا الطرفين عرف يبني أساسيات صحيحه ،، بإذن الله تضمنون السعاده والتفاهم باقي العمر.

   2. أول الأيام ،، الحرمة غالباً ما تكون محتاجة لرومانسية أكثر وكلام حلو .. والخ ،، رجاءً من أخي الزوج لا تبخل عليها وتمل من هالموضوع !! خلك عاقل وماشيها ،، تراها فتره وتعدي.

   3. في حال حصل أي قصور من الحرمة – لا سمح الله – في أي شي يتعلق بحقوق الزوج ،، رجاء من أخي الزوج إنّه ما يسكت ويكتم في قلبه ويم البوز عليها !! لازم يصارحها بالأسلوب اللبق ،، احتمال كبير هيه ماتكون منتبهه !!

   4. والكلام مب موجه للزوج – فقط – الزوجه لها نصيب منه ،، وأكثر من جذه لو كانت المساحه تسمح.

   مبروكين ،، عساها فرحة العمر ان شالله

4. ههههه

   يا فقط
   الزواج من ثانيه لك انت “فقط”

   اختي

   Escape Life

   ممكن تحطين نصايحج وان اوصلها للعروس
   الاحتفال اصلا وكل هاليوله عشانهـــــــــا

   وشكر وفي انتظار المزيد من الآآراااء

Comments are closed.