السلام عليكم و رحمه الله وبركاته
طبعا الجميع لاحظ في الاونه الاخيره ان المرسيديس جي 55 زاد في الخليج و انه الطلب زاد عليه جديد كان او مستعمل ,,
والغريبه !!! ان الناس قاعده تشتريه و تجازف في فلوسه حتى لو كان ماشي وايد !!
معضم اعلانات الجي 55 المستعمل موديل 2007 و 2008 و 2009 ,, واغلبيه هالسيارات تكون ماشيه فوق ال 90 الف كم ,, والي يدهشني أكثر انه عليه طلب والبائع ما يسكت تلفونه من الاتصالات.
الي محيرني انه هذي السياره غير عمليه بمعنى:- انك يوم تشتريها اول شي لازم تبدل الجانبينات و سبيسرات وو طبعا شرط انك تركب ارايل كلداري ,, يعني بتكون مخسر لك اقل شي مال 30 الف درهم
اما عن استخدامه و خراباته ترا اذا كان عالضمان انته والخير ارباعه , بس ياويلك اذا طلع من الضمان .. واحد من الشباب عنده 2007 و ماعليه ضمان و اخترب عنده السوبر ,, على ماعتقد كلفه التصليح برع الوكاله 20 الف درهم .
غريبه هالسياره سعره دايما فالعلالي وتحافظ عليه اكثر من التويوتا و الكزس.
(( في شي في الجي 55 بصراحه كلنا نتفق عليه الا وهو شكله ومضهره الخارجي وهيبته الجذابه))
والسؤال الي حاب اسأله جميع الشباب ,, اذا عندك 500 الف كاش اي سياره بتشتري,, وشو السبب ؟؟؟
بشتري راسين تريلا مع صناديقهم وأشغلهم أبرك لي.
ولو حصراً سيارة بشتري جالاردو.
حتى 500 مابتيبلك جي 55 ومنو قالك سياره غير عمليه ؟ الانقليز يتم عندهم 10 سنين ووحتى بدون مايغيرون جامبيلات
وصدقني لاتقولي لاياباني ولا الماني مايخترب كل خراب في السياره من راعيه وانته شوف الموتر اللي يطيح تحت
ايد واحد من الشباب تلقاه 24 ساعه في الصناعيه مثل الاستيشن الياباني والفتك الياباني واييك واحد يقبض لك سياره المانيه
ويلعب فيها لعب ويقرقعها ويقول تخترب والمانيه ماتنفع هههههه
بخصوص لوعندي 500
فورويل :-
بورش كايين توربو بس ماباخذه الا 2012 عشان مشكله الايل اذا بتتغير ولالا
جي55
صالون:-
باناميرا فور اس
المرسدس الشكل اليديد بينزل في الصيف السي ال اس شكله وحش في الصوره خاصه من قدام
السلام عليكم ورحمة الله وبركاته
أنا عن نفسي أفضل a8 l اليديد أو ال s8 2011
موتر ولا أروع
الجي 55 حلو وهيبه لكن أنا مش مقتنع فيه أبدااااااا
الله ييسرلك الأمور ولا تنسى أهم شي الأستخاره
موفق بإذن الله … لك مني أجمل تحية .
ماشي شغل أعقد دون 500 على هالكبت.. ولو انا مكانك وعندي 500 ألف بشترلي قطعه أرض استفيد من وراها وعيالي من عقبي يستفيدون أبرك عن صندقه حديد.. وكل يوم في أعدل وأخسر عليه..
الجي ٥٥ عليه الطلب في كل مكان
و حتى في امريكا عليه طلب حده يومين واقف و ينباع (عن تجربه)
السيارات الي مثل الجي٥٥ و الاس٦٠٠ او ٦٣ و البنتلي و الرولز رايز الخ هذي سيارات شخصيه و رسميه جدا عشان جي عليه الطلب و مهما كان سعره ينباع لانه الشراي (اكيد تاجر او ماسك منصب والخ) و شي ناس الله يهديهم مايعرفون يمدون ريولهم على قد لحافهم الا يتديت و يتزين
و للعلم الجي٥٥ ماينزل الا ٣٠٠ سياره في السنه في امريكا
و نرد لسوالك ٥٠٠ الف باخذ الجي و انا مغمض بس انا افظل اسوق كادلاك الدورادو ١٩٧١ مخزن
للرسميات او للتمشيه
بالنهايه الناس اذواق