السلام عليكم و رحمه الله وبركاته

طبعا الجميع لاحظ في الاونه الاخيره ان المرسيديس جي 55 زاد في الخليج و انه الطلب زاد عليه جديد كان او مستعمل ,,

والغريبه !!! ان الناس قاعده تشتريه و تجازف في فلوسه حتى لو كان ماشي وايد !!

معضم اعلانات الجي 55 المستعمل موديل 2007 و 2008 و 2009 ,, واغلبيه هالسيارات تكون ماشيه فوق ال 90 الف كم ,, والي يدهشني أكثر انه عليه طلب والبائع ما يسكت تلفونه من الاتصالات.

الي محيرني انه هذي السياره غير عمليه بمعنى:- انك يوم تشتريها اول شي لازم تبدل الجانبينات و سبيسرات وو طبعا شرط انك تركب ارايل كلداري ,, يعني بتكون مخسر لك اقل شي مال 30 الف درهم

اما عن استخدامه و خراباته ترا اذا كان عالضمان انته والخير ارباعه , بس ياويلك اذا طلع من الضمان .. واحد من الشباب عنده 2007 و ماعليه ضمان و اخترب عنده السوبر ,, على ماعتقد كلفه التصليح برع الوكاله 20 الف درهم .

غريبه هالسياره سعره دايما فالعلالي وتحافظ عليه اكثر من التويوتا و الكزس.

(( في شي في الجي 55 بصراحه كلنا نتفق عليه الا وهو شكله ومضهره الخارجي وهيبته الجذابه))

والسؤال الي حاب اسأله جميع الشباب ,, اذا عندك 500 الف كاش اي سياره بتشتري,, وشو السبب ؟؟؟

59 thoughts on “أذا عندك 500 الف درهم كاش ((شو نوع السياره الي بتشتريها وليش؟)) !!! موضوع للنقاش

  1. ههههههه

    يعطيكم العافية يا شباب

    اذا حصرت الموضوع بسيارة بس وعندي هالمبلغ وساد كافة احتياجاتي الثانيه وبسسسس تبا سيارة

    بقولك روح اشتر cl 65 موديل 2009 موجود في وكالة الإمارات للسيارات 0 كيلومتر .. بهالقيمة .. وانا شفت الكوتيشن بعيووووني كان موجه حق ريال .. بس ما اعتقد ماعندهم بعد كم من حبة منه …

    خخخخخخخ من 900,000 ينزل لين 500,000 !!!

    الصراحة بطلت عيوني يوم شفت العرض

    بالتوفيج

  2. بشتري لي قطعة ارض وبيعيش اعيالي فيها ابرك لي …

    بالتوفيق ان شاء الله

    ارض ب 500 فالامارات يمكن ,, بس بتعيش عيالك فيها كيف ,, بدون بناء يعني !!!

Comments are closed.