السلام عليكم و رحمه الله وبركاته
طبعا الجميع لاحظ في الاونه الاخيره ان المرسيديس جي 55 زاد في الخليج و انه الطلب زاد عليه جديد كان او مستعمل ,,
والغريبه !!! ان الناس قاعده تشتريه و تجازف في فلوسه حتى لو كان ماشي وايد !!
معضم اعلانات الجي 55 المستعمل موديل 2007 و 2008 و 2009 ,, واغلبيه هالسيارات تكون ماشيه فوق ال 90 الف كم ,, والي يدهشني أكثر انه عليه طلب والبائع ما يسكت تلفونه من الاتصالات.
الي محيرني انه هذي السياره غير عمليه بمعنى:- انك يوم تشتريها اول شي لازم تبدل الجانبينات و سبيسرات وو طبعا شرط انك تركب ارايل كلداري ,, يعني بتكون مخسر لك اقل شي مال 30 الف درهم
اما عن استخدامه و خراباته ترا اذا كان عالضمان انته والخير ارباعه , بس ياويلك اذا طلع من الضمان .. واحد من الشباب عنده 2007 و ماعليه ضمان و اخترب عنده السوبر ,, على ماعتقد كلفه التصليح برع الوكاله 20 الف درهم .
غريبه هالسياره سعره دايما فالعلالي وتحافظ عليه اكثر من التويوتا و الكزس.
(( في شي في الجي 55 بصراحه كلنا نتفق عليه الا وهو شكله ومضهره الخارجي وهيبته الجذابه))
والسؤال الي حاب اسأله جميع الشباب ,, اذا عندك 500 الف كاش اي سياره بتشتري,, وشو السبب ؟؟؟
500 الف بخذلي استيشن لكزس 2010 مستعمله بحدود 280 الــ 220 الباقيات للعرس جيه عرست وخذت سياره مكده بلا خربابات بدون دين…
اما اخذ سياره مصندقه g55 صدق هب صاحي بس كل ها مظاهر…
بفصلي سياكل لنه البترووول بعده شكله بيرتفع بداال ما اعق هنيه واهناك وايلس على الحديده
خخخخخخخخخخخخخ
تفهمني والله
ماعرف ليش جي سعره خيالي و القهر في مزاد الكلاسيك يشرونه بسرعه
بس الالينور الاصلي سعره من٢٠٠ الف الى ٥٠٠ الف دولار مب درهم
500,000 درهم
1- بناء مسجد + حفر بئر ب 150.000
باقي 350,000
2- باخذ سياره 2010 مستعمله نسيان او استيشن في حدود 150,000 هذا اذا كنت محتاي اشتري سياره
و الباقيات 200,000
بفتح لي حساب استثماري في مصرف بوظبي الاسلامي او دبي الوطني او كلاهما و بحط في كل حساب 100,000 درهم
مع عدم اصدار بطاقه فيزا (عشان ما اسحبهن) هع
و بحط ارقام الحسابات في الســــحــــاره و بقفل عـــليهن
انا عن نفسي باخذ موستنج 1969 شيلبي الينور الأصلي وهاي السيارة هيبة و قوة و كشخة لا و السعر يتم لا يزيد على كل عشر سنوات اذا امحافظ عليها (^_^)