السلام عليكم و رحمه الله وبركاته
طبعا الجميع لاحظ في الاونه الاخيره ان المرسيديس جي 55 زاد في الخليج و انه الطلب زاد عليه جديد كان او مستعمل ,,
والغريبه !!! ان الناس قاعده تشتريه و تجازف في فلوسه حتى لو كان ماشي وايد !!
معضم اعلانات الجي 55 المستعمل موديل 2007 و 2008 و 2009 ,, واغلبيه هالسيارات تكون ماشيه فوق ال 90 الف كم ,, والي يدهشني أكثر انه عليه طلب والبائع ما يسكت تلفونه من الاتصالات.
الي محيرني انه هذي السياره غير عمليه بمعنى:- انك يوم تشتريها اول شي لازم تبدل الجانبينات و سبيسرات وو طبعا شرط انك تركب ارايل كلداري ,, يعني بتكون مخسر لك اقل شي مال 30 الف درهم
اما عن استخدامه و خراباته ترا اذا كان عالضمان انته والخير ارباعه , بس ياويلك اذا طلع من الضمان .. واحد من الشباب عنده 2007 و ماعليه ضمان و اخترب عنده السوبر ,, على ماعتقد كلفه التصليح برع الوكاله 20 الف درهم .
غريبه هالسياره سعره دايما فالعلالي وتحافظ عليه اكثر من التويوتا و الكزس.
(( في شي في الجي 55 بصراحه كلنا نتفق عليه الا وهو شكله ومضهره الخارجي وهيبته الجذابه))
والسؤال الي حاب اسأله جميع الشباب ,, اذا عندك 500 الف كاش اي سياره بتشتري,, وشو السبب ؟؟؟
استيشن 8 والباقي بساعد الوالد ببناء البيت فيه ^^
شوف التفكير التكتيكي
لو عندي 500 الف
بزيد فوقهن كمن الف من البنك ما يقصر على طووول ثاني يوم عند معرض الاميره و اظهر ذاك اللمبرقيني مرشلاقو جلاد اسووود
اوب اوب اوب اوب و على ذااك السستم من تدخل المبزره حتى الاصمخ غصبا عنه بيسمع صووت السستم
آآآآآآآآآآآه
عيشتني في حلم من زمان انا في خاطري فيه
صدقق ولله ,, هذا احسن حل للمواطن الاماراتي ,,
اغلبيه الشباب بعد التخرج يكونون محتارين بين العرس أو سياره كشخه ,,ويبون يعيشون اللحظه بوقتها و مافيهم على التجميع و صدعه الراس ,,
(( ياليت لو الطالب يعطونه مكافئه بعد التخرج مبلغ لا يقل عن 500 الف درهم )) نصها عرس جيد ونصها سياره
اما عن باقي المصاريف فأنشالله بتغطيها الوضيفه
انا عن نفسي باخذلي فراري 430 هيبه واسمه يكفي 2009 وسعره بحدود 380 وبيبقن 120 الف باخذبهن g500 موديل 2003 هههههه معدل 2010 وبيستوي عندي g55 ياللي بخاطري وفراري وانته والخير رباعه شو رايك