بسم الله الرحمن الرحيم
رفع أسعار البنزين بالدوله 15 فلسا للتر أعتبارا من الأربعاء المقبل..
المصدر : تلفزيون الشارقه
13 thoughts on “>>أرتفاع أسعار البنزين من يوم الأربعاء<<”
Comments are closed.
بسم الله الرحمن الرحيم
رفع أسعار البنزين بالدوله 15 فلسا للتر أعتبارا من الأربعاء المقبل..
المصدر : تلفزيون الشارقه
Comments are closed.
يعني 67.5 فلس تقريبا للجالون ^^
خخخخخخخخ شغل سيلانيات والله … من متى نحن نستخدم اللتر في سوالف البترول !!
لازم المسؤولين يكتبوون الفرقيه بالجالون عسب الناس إلي ما تعرف تحس بالفرق …….
من جهه ثانيه : مستحييييييييل سعر البترول ينقص عندنا في الامارات …… بين فتره و فتره يرتفع ……
و السبب وااااااااااااظح
يعني الي يصب سبيشال ب 100 قبل …………….. بيصب 110 عقب الزياده ……………….. يعني 10%
مب شويه والله
و طبعااا اسعااار السلع حدث ولا حرج …. اخاااف عقب خمس سنين نستوي اغلى دوله في العالم ………
خخخخ
بس نقطة ان الدولة تخسر مليارات يمكن ها الشي صح
بس خلنا انقارن بالدول المجاورة مثل البحرين وقطر والكويت هذي الدول فيها اجانب بنسب كبيرة
يمكن مب مثلنا لكن بدرجة قريبة منا
وما استوى عندهم مثل ما استوى عندنا
في النهاية رفع قيمة البترول بيكون له اثر على المواطنين والمقيمين يمكن مش الكل بيحكم انه في من الفئتين ناس مقتردة والحمد لله
لكن المواطن المسكين الي دخله محدود والي ينتشرون في الامارات الشمالية اكثر من الامارات الثانية
واكثرهم يشتغلون في العاصمة او دبي شو بيكون حالهم
وفي اسر تعيل عدد كبير من الافراد ودخله يالله يالله يكفيه قبل كيف بيدبر اموره الحين
انا عن نفسي يمكن ما بياثر علي وايد زيادة قيمة البترول بيحكم اني لا معرس ولا اداوم في مكان بيعيد …
بس انحس في معاناة غيرنا
هذا مجرد راي شخصي عزيزي لا اكثر …
انا اشوف انه الحكومة كانت المفروض تهيئ لامر رفع اسعار البترول خصوصا انه بيمس جميع سكان الامارات من مواطنين و اجانب.
انا مب ضد الزيادة لانه فعلا شركات البترول تخسر سنويا مليارت الدراهم بسبب تثبيت سعر البترول فالدولة ، طبعا انا ما اتكلم عن كل الشركات لانه في شركة او شركتين تعوض هذي الخسارة عن طريق خدمات و شركات اخرى.
طبعا فرق السعر تتحمله الحكومة و اتوقع انه 4 او 5 مليار سنويا و لازم نحط فبالنا شي واحد انه 85 من سكان الامارات من الاجانب بما معناه انه الحكومة تدفع 4.25 مليار درهم فرق سعر البترول لمصلحة الاجانب الموجودين فالبلاد.
انا اشوف انه هاي البيزات يتم صرفها في اشياء ثانية تفيد الوطن و المواطن افضل بكثير.
مثلا يتم بناء مشروع مترو الامارات و تطويره بحيث يشمل المناطق الداخلية لمدن الدولة.
ثانيا يجب تنظيم عمل محطات البترول ، يعني ما في داعي 4 او 5 محطات من شركات مختلفة في كيلومتر واحد
ثالثا تجربة التعبئة الذاتية الفاشلة فالامارات
اكيد بتكون فاشلة منو بيصب فمحطة بنفسه فهالحر و بعد دقيقة في محطة و هندي يصب لك البترول و انت يالس فسيارتك ؟؟؟؟
اتوقع انها بتكون ناجحة اذا كان في خصم فالسعر بما انه المحطة بتوفر تكاليف العمالة و معظم سكان الامارات خصوصا الاجانب من المهندة و ربعهم بيوقفون طابور اذا كانت الخدمة ارخص.
و مشكورين
الله المستعان ,,,,, الاسعار كل يوم بشكل
لو كان الخبر في دولة ثانية او اوربية كنا بنشوف مظاهرات واحتجاجات في دولهم ضد التجار الجشعين والشركات الطماعة …
بس احنا الاماراتيين مشكلتنا انا طيبين ونرضى بكل شي ونقبله. قالوا ديمقراطية قالوا …
وين الشيوخ عن هالشي ,,,,اذا زاد سعر البترول يعني زيادة اسعار اغلب السلع الي فالسوق في القريب العاجل
الله المستعان