–[ أرجـــو الــمــشــاركـــة : استفسار بخصوص الجمارك بتصدير السيارات للخارج ]–

8 thoughts on “–[ أرجـــو الــمــشــاركـــة : استفسار بخصوص الجمارك بتصدير السيارات للخارج ]–”

1. ماقصرت اخوي بو فرح عالتجاوب الطيب

   نقطة اخيره

   يعني سواء كان عندي مقاصه ولا ماعندي راح ادفع نسبة الـ5%

   واذا عندي المقاصه اللهم اني ماراح ادفع رسوم الجمارك الرمزيه !!

   واذا ماعندي مقاصه راح ادفع النسبة الـ5% + رسوم الجمارك

   هل تفسيري صحيح

2. الكلام هذا كله ينطبق على السيارات اللي تباع من دول الخليج فقط

   المقاصة / ورقة مخالصة من ادارة الجمارك تفيد بإن السيارة مدفوع جمركها وسيحول مبلغ الجمرك الي الدولة الاخرى اللي ستنقل لها السيارة . وتستفيد انك ماتدفع رسوم جمركية .

   نقطه رقم 3 صحيح الرسوم تطبق على سيارات مضى على وجودها اكثر من سنتين .

   المثال / اشتريت سيارة ب100 الف درهم معناها رسومها 5000درهم ولكن عند الحدود قد يتم مراعاة ذلك احيانا فتحسب قيمة السيارة ب80 او 70 فتدفع اقل 4000-3500
   والرسوم يقل احتسابها كلما صغر حجم المحرك مثلا تشتري بي ام 8 سلندر جمركها 4000 بس لو كان 12 سلندر جمركها يوصل 9000 حتى لو اشتريت 12 سلندر بسعر اقل …….

   اي استفسار تفضل رقمي موجود في موضوع الاستفسارات وحياك الله

3. لقيت موضوع بالصفحه الثانيه ولقيت فيه رد عن موضوع المقاصه وابا ردودكم عليه

   ..

   اقتباس من الاخ صاحب الرد فليعذرنا

   مرحبا اخويه اذا السياره موديل 2010 او انها دخلت دول مجلس التعاون اقل عن سنه شو ماكان موديلها
   بس اذا عندك معلومه انها كانت مستورده من برع وماكملت سنه في دول المجلس يصير انك ماتدفع جمارك
   سو لها مقاصه واذا الرجال عنده بيان السياره يقدر يسوي المقاصه بسهوله اما اذا ماعنده هذي يبغيلها شغله ياخذ رقم الشاصي ويروح الجمارك ويعطيهم رقم الشاصي وبيطلعون له صوره من البيان ويسويله طبق الاصل وعقب يسوي اجرائات المقاصه

   يعني يوصل عند الحدود مابيدفع رسوم جمارك لانه جمارك الخليج موحده في الامور الاداريه يعني اخر نقطه لدخول السياره هيه اللي تاخذ الجمارك وهذي اتكون امور بين الجمارك الدولتين اللي طالعه السياره منها والدوله اللي داخله السياره لها ومابتدفع شي اللهم رسوم المعاملات ومن هذا القبيل

4. 1-

   عزيزي بو فرح اشكر تواصلك وردك الطيب

   2-المقاصه للسيارات التي لم يمضى على دخولها البلاد اكثر من سنتين يعني 2009 – 2010 – 2011 فقط لها ورقة مقاصة .
   ويضاف للقائمة السيارة الواردة مثل الامريكية او اليابانية التي لم تتم سنتان في الامارات بالامكان اصدار ورقة مقاصه ,

   حلو فهمنا موضوع المقاصه يكون لمنو زين ياجماعة الخير نبغي تعريف مفصل مثلا ماهو المقاصه بالضبط وشو اللي استفيده من هالمقاصه ؟؟

   3-موضوع الجمارك لما لا ينطبق عليها رقم(2) في الاعلى .

   هل تقصد ان الجمارك للسيارات حاليا من 2008 وتحت – يعني افهم من كلامك اللي عنده مقاصه ماينحسب علي اجراءات الجمارك والامور الباقيه لا ماعتقد او مافهمت ردك !!

   5-4- النسبة 5% من قيمة السيارة المستخدمة وتحسب على اساس انها مستخدمة

   حلو زين كيف طريقة الحسبة نبا مثال على سعر معين خلونا نفترض 95 درهم

   وبالامكان الطلب من الموظف مراعاة السعر خصوصا عند وجود حكات او ملاحظات من خلالها يستطيع الموظف تبرير ان السيارة تستحق سعر أقل .

   تمام بس هالكلام بيكون ف جمارك السعودية طبعا – سمعنا انهم يبالغون برفع السعر بمقدار 10 زيادة عن سعر الموتر بالامارات هل هالكلام صحيح يا اخوان ؟؟

   6- انا ذكرت اللي اعرفه فلو تغير شي اعذرني —- ولاتنسانا من صالح الدعاء لاخوك المسلم

   ماقصرت عزيزي عالمشاركة الطيبة – الله يوفقك ويثبت خطاك ويعز مقدارك ان شاءالله

   ياجماعة الخير ردي بالاقتباس للكل مب لبو فرح وبس – اللي عنده مداخله على هالاقتباس يتفضل واللي عنده رد على اجوبة الموضوع يتفضل

   نبا تفاعلكم ليعم الموضوع على الكل المساهمه في نشر الفائدة ولاهنتو

5. 1- عند تسجيل السيارة في المرور تطلب تسفير السيارة فيعطيك لوحة تصدير .

   2-المقاصه للسيارات التي لم يمضى على دخولها البلاد اكثر من سنتين يعني 2009 – 2010 – 2011 فقط لها ورقة مقاصة .
   ويضاف للقائمة السيارة الواردة مثل الامريكية او اليابانية التي لم تتم سنتان في الامارات بالامكان اصدار ورقة مقاصه ,

   3-موضوع الجمارك لما لا ينطبق عليها رقم(2) في الاعلى .

   5-4- النسبة 5% من قيمة السيارة المستخدمة وتحسب على اساس انها مستخدمة وبالامكان الطلب من الموظف مراعاة السعر خصوصا عند وجود حكات او ملاحظات من خلالها يستطيع الموظف تبرير ان السيارة تستحق سعر أقل .

   6- انا ذكرت اللي اعرفه فلو تغير شي اعذرني —- ولاتنسانا من صالح الدعاء لاخوك المسلم

Comments are closed.