السلام عليكم ورحمة الله و بركاته
أنا صح عضو يديد في هذا المنتدى بس بصراحة إلي أشوفه أنه في بعض التجارة حلوه بس
بـــــــــــــــــــــــــــــــــــــــــــــــــ ــــــــــــــــــس

أولا
هناك بعض المشتركين أتحس فيهم حسد وفي بعض مب قصدهم التخريب بس يخربون على التجار

يعني مثلاً واحد منزل بضاعة (……………………….) و بسعر كذا (………….)

و فجأة يحصل واحد يقوله هذه البضاعة في المكان الفلاني بسعر (………)

ياخي خلي عندك أسلوب في الرد خلي الناس تترزق (( يحسدون الفقير على موتة الجمعة ليش )))

أسأل بأسلوب حلو مثلاً ((( أخوي شو الفرق بين البضاعة إلي عندك وإلي في المكان الفلاني))

وشوف رده إذا قالك ماشي فرق خلاص حزتها علق مثل ماتريد
ثــــــــــــــــــــانياً
نحن ماعندنا محلات و لا رخص تجارية مثل باقي المحلات هم يتعاقدون معه المحلات إلي في الخارج عشان جذي بضاعاتهم أتكون أرخص لأنهم بشترونها بعقود تجارية, والفرق وايد بسيط

والله واحد مخسر ع البضاعة والشحن و التوصيل أخر شي فايدته إلا هي 100 أو 150 درهم بعدكم تحسدونه و تخربون عليه

يعني إذا عندك أستفسار أستفسر ولا تخرب
موضوع البضاعة التقليدية

نسبة 60% من المواضيع المعروضة تقليدية يعني حرام بعد تغلقون المواضيع إلي فيها بضاعات تقليدية

يوم إنه الشخص العارض البضاعة قال إنها تقليدية و يبيعها بسعر التقليد وإلي راح يشتري عارف هذا الشي تقليدي يعني (( مافيها غش ولا نصب ))

إلا إذا كان واحد يعرض شي تقليدي و بسعر الأصل هذه الساعة من حقكم تسحبونه هو بكبره مب الموضوع بس
و أسمحولنا على هذا التدخل

الحــــــــر A

39 thoughts on “أرجوا من الكل التواجد ماعليكم أمر (( ماصارت تجارة صارت خرابه ))”

  2. اخوي الكريم في ناس وايد ما عندها شغل غير التخريب…بخصوص البضايع التقليد يمكن القصد مب غش او نصب كما ذكرت لكن ممكن يكون شي ثاني الشخص يتحاسب عليه…صحيح في اشخاص يعرضون احيانا اغلى عن السوق بس كل شخص وضميره …والله يوفق ويهدي الجميع

  3. بس في ناس تبالغ في الاسعار يعني المحلات إللي
    1- تدفع رسوم عقد ايجار كل سنة
    2- تدفع رسوم لتجديد الرخصه في البلدية كل سنة
    3- تدفع رسوم لتجديد في الاقتصادية كل سنة
    4- تدفع رواتب للعمال شهريا
    5-تدفع فواتير الكهربا شهريا
    مع كل هذا ارخص من إللي ينباع في المنتدى أخوي انا ما أحسدكم بس ناس تبالغ واااايد الله يهديهم

    وفي ناس مثل Rak-sl اسعاره روعه والله يوفقه في كل خطوه يخطيها

    ومن كم يوم أنا اشتريت لاقط الشبكات الفا بــ 190 درهم من غير رسوم التوصيل وحصلته في السوق بـــ 120 درهم وبكاسر المحل يمكن أشتريه 100 او 110 يعني انا المستفيد ومن بعد ما اشتريت هذي القطعه وشفت الفرق غالي ما أفكر اشتري من المنتدى مرة ثانية مع أني قبل كنت ابا افيد اخوي المواطن ولا أفيد الاسيوي بس الحين غيرت رأي أشتري من عند الاسيوي احسن لي سعر ارخص

    ومن اليوم وساير بس بتصفح المنتدى وأي شي يعجبني بدوره برع بسعر ارخص

  4. للأسف انه هذا اللي حاصل بالمنتدى .. لا ايحذرونك لا تعرضون نفس بضاعتنا وفجأة تشوفهم نزلوا نفس بضاعتك ويقولون لك هذا السوق

    يزاج الله خير اختي عالطرح ..

    وخلوها على الله

Comments are closed.