السلام عليكم ورحمة الله و بركاته
أنا صح عضو يديد في هذا المنتدى بس بصراحة إلي أشوفه أنه في بعض التجارة حلوه بس
بـــــــــــــــــــــــــــــــــــــــــــــــــ ــــــــــــــــــس
أولا
هناك بعض المشتركين أتحس فيهم حسد وفي بعض مب قصدهم التخريب بس يخربون على التجار
يعني مثلاً واحد منزل بضاعة (……………………….) و بسعر كذا (………….)
و فجأة يحصل واحد يقوله هذه البضاعة في المكان الفلاني بسعر (………)
ياخي خلي عندك أسلوب في الرد خلي الناس تترزق (( يحسدون الفقير على موتة الجمعة ليش )))
أسأل بأسلوب حلو مثلاً ((( أخوي شو الفرق بين البضاعة إلي عندك وإلي في المكان الفلاني))
وشوف رده إذا قالك ماشي فرق خلاص حزتها علق مثل ماتريد
ثــــــــــــــــــــانياً
نحن ماعندنا محلات و لا رخص تجارية مثل باقي المحلات هم يتعاقدون معه المحلات إلي في الخارج عشان جذي بضاعاتهم أتكون أرخص لأنهم بشترونها بعقود تجارية, والفرق وايد بسيط
والله واحد مخسر ع البضاعة والشحن و التوصيل أخر شي فايدته إلا هي 100 أو 150 درهم بعدكم تحسدونه و تخربون عليه
يعني إذا عندك أستفسار أستفسر ولا تخرب
موضوع البضاعة التقليدية
نسبة 60% من المواضيع المعروضة تقليدية يعني حرام بعد تغلقون المواضيع إلي فيها بضاعات تقليدية
يوم إنه الشخص العارض البضاعة قال إنها تقليدية و يبيعها بسعر التقليد وإلي راح يشتري عارف هذا الشي تقليدي يعني (( مافيها غش ولا نصب ))
إلا إذا كان واحد يعرض شي تقليدي و بسعر الأصل هذه الساعة من حقكم تسحبونه هو بكبره مب الموضوع بس
و أسمحولنا على هذا التدخل
الحــــــــر A
الحمد لله انا صار لي فترة اشتري من النت وما جد مرة حسيت اني انغشيت لأن اغلب الي اشتريه قهوة وآجار وعطور من تاجرات معينات والي يوصلني ما شاء الله ما عليه كلام والوالده دايما تمدح القهوة الي اشتريها من النت …وبالنسبة للتجارة في النت فأنا سمعت انه في فتوى اتحرم لأن من شروط البيع ان يعاين المشتري البضاعة …ولكن ردوا وقالوا مادام المشتري راضي فا يجوز …فا من باب اولى بالتجار مراعاة الله في الزبون وعدم الغش وان يبين تفاصيل البضاعة في الصور ويرد على استفسار الزبون في بعض التجار الله يهديهم ما لهم طولة بال على الاسئلة ..يعني يرد تبى تشتري والا …تهديد عجييييييييييب…انا حصلت لي سالفة مع تاجرة من يومين حسيت انه هذي التاجرة بس تبى اتبيع بأي شكل من الاشكال ..قلنا كساد تجاري عاد مب لهذي الدرجة …الله المستعان
الله يكون في العون ويبعد عنا الحسد واللي يبغي ارخص السوق مليان – الله يوفقه بس مايبخس البضائع
اما من يكتب عن بضاعتة شيء مافيها فهو غش – ياكفي الشر واكله كأنه السحت
أمس صار موقف عجيب
نصب بطريقه ثانية شوفو
الموضوع : طلبت أغراض
من المنتدى من كمن يوم
والسعر شامل مع التوصيل
350 درهم ,جاني اتصال
أمس الساعه 10 الضحى
تقريباً رديت طلع الأخ مصري
قال انه موصل الطلبيه مالي
طلعت بالسيارة والتقيت معاه
خذت الطلبية مالي واتأكدت منها
عطيته 500 رجع لي 150 درهم
100 ورقه والخمسين خرده أنا
الله شاهد اني ماحسبت كم رجعلي
ركبت سيارتي وسرت بعد 15 دقيقه
تقريباً اتصلي رديت عليه قال انه باقي لي
10 دراهم قلتله صدقة عليك اعتبرها حلالك
قال لي اسمعني شوي 10 دراهم عليك
تعال نفس مكان التسليم أنا في انتظارك
قلتله انشاء الله ,طلعت البيزات من سدت
السيارة وحسبتها طلعت 150 درهم صحيحة
شو السالفة ؟ خلني أشوف يمكن بعد له
وصلت عنده ونزلي قال باقي عليه 10 دراهم
قلتله ما شو ؟ المبلغ صحيح 150 رجعت لي
مب 160 درهم قال صح قلتله عيل 10 ماشو بالضبط ؟
قال صاحب البضاعه خبرني أخذ عليك 10 دراهم لأن عندك وزن زيادة!!!!
والله ضحكت قلتله ما برد كلمتي قلتلك صدقه وعطيته اياها العشر .
ألحين ما ادري كلامه صح أو نصاب لكن براسل صاحب البضاعه
وبسأله هالكلام صحيح انه وصا على العشر بسبب زيادة الوزن .
الله المستعان والسمووووووووووووووووووووووووووووحة ..
مع العلم ان البضاعه ما يعدي وزنها بالكثير 25 كيلو
أنشالله راح اخلي أمي اتسوي لج عود و أنشالله ريلج يقولج أذا مابخرتي الغرفة مراح ادخل
فعلا اختي انا بعد صارتلي اكثر من مره….
يعني تخيلي انا مره شو صارليه…
مره خذت عود معطر من تاجره ومن كثر ما تمدحه صدقت انه احلى ريحه فهالكون…يوم وصلني طبعا الصدمه انه ما يسوا شي….عاد وين المصيبه الاكبر؟؟رديت طلبت من تاجره ثانيه عود معطر وكان اسمه غير ويوم وصلني والله انصدممممممممت انه نفسه بس مغيره الاسم…ولين الحين الثنينه موجودات عندي مثل ما هن ولا صكيتهن لان ريلي قال لو دخنتي منه مره ثانيه ما بدخل الحجره ههههههههههه
يعني والله حرام هالمبالغه فالوصف والسعر وبعد تكرار البضاعه ونحن يا غافلين لكم الله
اسمحيلي عالاطاله