أرجوا من الكل التواجد ماعليكم أمر (( ماصارت تجارة صارت خرابه ))

39 thoughts on “أرجوا من الكل التواجد ماعليكم أمر (( ماصارت تجارة صارت خرابه ))”

1. اخواني…هالموضوع انطرح لعرض بعض المشالك بشكل عام…مب للتشهير و تقليل احترام البعض ….فالنهاية هاذي تجاره….بالنسبه للسعر ما نقدر نناقش ولا احد يناقش فيه لانه هذا شي راجع للتاجر وهو وكيفه يزيد فسعره ماجبر حد انه يشتري عنه….اما للنوعية فهني ما نطلب غير المصداقيه فقط…اما باقي الاشياء ممكن تتكلمون فيها عالخاص لان بجذي ممكن ينظلمون تجار اكفّاء بسبب شهادة زبون واحد مثلا او زبون فهم بطريقه غلط يلاقي رد ما يرظيه من التاجر…..

2. ياخي انا من ضمن ال 27 شخص الي تقول بعت لهم الجهاز

   ابا اعرف انت قلت الي يقطع الجهاز عنده يفره بحر وياخذ فلوسه
   هذا كلام دعايه ولا كلام جد؟ ولا تلعب على عقول الناس ؟

   ثانيا انا الجهاز عندي يقطع الين لاعت جيدي منه ومليون مره قلت لك شله وخذه وصلحه بدلت بجهاز مره وحده وبعدين ياني المندوب مالكم يقولي روح بدل راس الدشات الي عندك كلها مع انها يديده وانا ما اشتري الا الشي الاصلي ولا بعد من كم شهر مركبنهم اصلا وشغالين على الدشات العاديه تمام شمعنا يوم ركبنا جهازك يقطع؟

   ياخي يوم بتتكلم لاتتفلسف على الناس وترد بهذى الطريقه ولو عندك مصداقيه وجديه تعال وخذ جهازك مثل ماتفضلت ووعدت جدام الناس
   وانا طفرت من كثر ما اتصل فيك وماترد بعد ماعطيتوني مليون عذر واعذار وعصبيتكم الي مالها لزمه في التعامل
   انا استغرب واحد يتضايق من تاجر التاجر ينازع العميل!! بالله عليك شو ها الاسلوب ولا بعد متصل وقت الصلاه والله الي يشوف يقول مايحتاي مسوي جريمه

   ياخي فكنا من الوضع الي سويته وخلك قد كلمتك والموضوع مابسكت عنه لان انا لي الحق وانت شرط وهذا الشرط انطبق عليك ولابد انك ترجع الحق مثل ماتفقت مع الناس

   وانا اتريا تتصل لاني مليت من كثر ما اتصل وانت يا ماترد يا تغلق تلفونك يا تقطع الخط في ويهي

   وياجماعه شوفوا جان هذا اسلوب

   ما اقول غير حسبي الله ونعم الوكيل

   هلا بو مكتوم

   اذا كان دخلي فاليوم من المنتديات فوق ال 800 درهم يوميا والحمد لله

   ليش بقص عليك عشان كم درهم ؟

   مثل مانحن صبرنا عليك اصبر علينا والجهاز برده لك وفوقه حلاوه لعيونك وعشان ماتزعل

   فالبدايه قلتلك دوامي اسبوع ب اسبوع والتيلفون احطه فالبيت ما وديه الدوام لانه دو ودو مافيه تغطيه فالمكان الي انا اداوم فيه

   الريال الي رمسك عطاك ملخص بسيط عن الاعطال الي يمكن تكون خربانه عندك؟

   واخر شي قالك اني فالدوام وسكر من عندك … ماتروم تصبر لين اطلع من الدوام ؟

   بعدين اي اسلوب تكلمنا معك؟ اذا انت متصل وتقول انتوا قاصين عليه وقلت انك حصلته بأرخص

   ياخي من حقي ابيع بالسعر الي انا ابغيه حتى لو كان 8000درهم محد جبرك تشتري من عندي

   واعتقد خبرتك شو نوع الجهاز الي انت حصلته ؟ وقلت انك لو حصلته بالسعر الي قلتلي عليه باخذ من عندك 40جهاز .. <—– حركات نص كم

   وقاعد تصارخ علينا !! ماخبرت اني شغال عند حد عشان يكلمني بهالاسلوب

   اونه بدلوا لي الجهاز يوم الجمعه الناس تطلع تتكشت برع وانت حارق التيلفونات

   عشان تحصل احترام احترم الناس اول

   مافيه تاجر بيتهزئ وبيتم ساكت لازم يرد عليك بقدر كلامك

   بخصوص وقت الصلاه الي تتعذر فيه ياخي مب شرط شو عرفك ان المندوب مايكون مسيحي كافر مايصلي

   وليش ماقلت الريالياي من بعيد يمكن قصر
   والشي الثاني انك قلتله 15 دقيقه وبكون عندك

   يوم تعرف انك بتصلي ليش تقوله 15 دقيقه ؟

   منقع الريال فالشارع ساعه وشوي

   كاتب مابا تسكت عنه الي يقول سرقناه ….

   لاتحاول تسوي ذبذبه فالمنتدى وتسوي انك مغشوش انت عارف اني مداوم والريال ماقصر حاول يعطيك كمن معلومه واخر تقول هالرمسه ههههه

   زين ماعليه

   ذكرني برقمك وبطرشلك حبيبك ناصر عشان يستلم الجهاز من عندك

   المهم السموحه

3. موضوع البضاعة التقليدية
   
   نسبة 60% من المواضيع المعروضة تقليدية يعني حرام بعد تغلقون المواضيع إلي فيها بضاعات تقليدية
   
   يوم إنه الشخص العارض البضاعة قال إنها تقليدية و يبيعها بسعر التقليد وإلي راح يشتري عارف هذا الشي تقليدي يعني (( مافيها غش ولا نصب ))
   
   إلا إذا كان واحد يعرض شي تقليدي و بسعر الأصل هذه الساعة من حقكم تسحبونه هو بكبره مب الموضوع بس

   و أسمحولنا على هذا التدخل

   الحــــــــر A

   ((((أنا أأيدج ))))

4. الله يعينك اخوي بو مكتوم .. والله إني حاس فيك لأني مريت بنفس موقفك ويا واحد من الشباب في المنتدى ومسوي عمره تاجر وهو من هناك حتى اسلوب في التعامل ما عنده ..

   أنا ما أعمم رمستي على الكل في الزين وفي الشين .. وفي منهم يوم تي تشتري عنه يرمسك بكل احترام ويوم تتصلبه يرد عليك من أول رنه (ساعات مايرن بعد) ويرد يتصلبك كل شوي لين ما تودعله الفلوس ومن يوصله مسج الإيداع خلاااااااااااص ينجلب ويتم باليومين مايرد عليك ويقطع التلفون فويهك ويستوي أهم إنسان في الدنيا من زود الشغل وما يفضالك .. تقول يالس تشحت عنه ولا بيعطيك البضاعه عطيه من الله إنه دافعيلك البيزات وزود.

   أنا أقول اللي يبغي يستوي تاجر يعدل من اسلوبه أفضله (هالكلام حق اليداد) عشان الناس دوم تذكره بالخير و يعامل الزبون معامله جيده مب من يحصل الفلوس لبسه وقطع التلفون فويهه .. كم يسوى الناس تذكرك بالخير سواء اشتروا من عندك ولا ما اشتروا ..

   عندكم اخوكم RAK_SL يوسف تعلموا منه .. اقسم بالله إنه من أنجح التجار في المنتدى وأنا عمري ما تعاملت وياه بس شوفوا كيف اسلوبه شوفوا الناس اللي تمدحه ريال والنعم ولا محد بيمدحه الله يوفقه يارب.

   وآخر شي مافي داعي الواحد يوم يعرض بضاعته يقول كلام مب قده اللي يكتبلك ضمان نردلك فلوسك إذا وإذا وضمان مادري شوه وضمان مادري شوه .. ويوم تطلع البضاعه فيها شي يقولك لا أنا ماقلت ويتهرب منك .. لين ماتنسى السالفه

   السلام عليكم

   اشكر كل كل اخ وكل اخت في هذا المنتدى وخارج المنتدى ..

   بصراحه انا ما بنيت هذا الشي لوحدي لله الحمد الله يشهد ان وايد ناس وقفوو وياي وساعدوني ولهم الفظل الكبير وحبيت اوجه تحية لكل شخص في المنتدى او من خارج المنتدى وابلغه ان يوسف النعيمي حاظر باللي يقدر عليه وما راح يقصر مع اي شخص يقصده ..

   ما اقدر اتكلم عن سلبيات وايجابيات كل تاجر او مشتري ..

   بس انا اقول شي واحد ..

   اخواني انا سويت نظام يديد واتكلم عن نفسي

   البضاعه تتسلم عن طريق المندوب وبعد ما يستلم البضاعه ويشيك عليها ويشوف انها هي نفسها البضاعه اللي طلبها بعدها خلاص يستلم المبلغ ..

   الحمدالله رب العالمين كل الاعضاء في المنتدى زباين عندي ويعرفون طريقتي في التوصيل والتواصل خاصه بعد البيع

   اخواني : التاجر الناجح مب اللي يبيع اكبر كميه عنده وبس ..

   التاجر الناجح اللي يكسب اكبر عدد من الاخوان وخدمة ما بعد البيع هذي اهم من الشراء نفسه .

   انا نوية لله الحمد افتح شو روووم باذن الله قريبا يمكن هذي خبريه يديده بس نوية افتح صاله عرض كبيره وواسعه مب عشان ابيع فيها وبس لا عشان الاخوان يلاقون الخدمه ما بعد البيع تكون في انتظارهم ومرحبه فيهم .. انا مب خسارن شي ولا حاط شي في جيبي ستاف الصيانه موجوده وياخذون رواتب فلازم يشتغلون معناها ان الكستمر لازم يلاقي مراده .. ويكون راضي

   طبعا انا ما اقول ان الخطأ ما يحصل لا حتى عندي الخطأ يحصل احيانا كلنا نخطي لكن ما نصلح الخطا بخطا اكبر عنه ..

   الله يشهد وما بتكلم وايد بس كفايه اقول انا وايد دفعه من جيبي الخاص عشان الكستمر ما يزعل وفي ناس وايده تعرف هذا الشي .. لان راح يرجع مره ثانيه وثالثه ورابعه

   عموما حبيت اسلم عليكم واقولكم اخوكم يوسف يا من لبنان ويايبلكم صوغات ثلج ههههههه

   بصراحه درجة الحرارة في فريا فوق الثلج توصل 5 تحت الصفر فليل

   وباذن الله قريبا بنزل موضوع عن رحلتي عن لبنان ..

   شهادتكم فيني هذا تزيدني ثقه في نفسي والله

   اشكر كل شخص ذكر يوسف بالخير

   

5. والله ماوجدت في هذا المنتدى الا الود والاحترام والخلق الكريم ,,, وبصراحة وبدون مؤاخذة ولايزعلون الاخوان
   بالنسبة للاسعار في الغالب

   مبااااااااااااااالغ فيها جداًًًًًًًًًًًًًًًًًًًًأأأأأ

   ربما الاسعار لدينا في السعودية تختلف , ولكن في الحقيقة كلمت بعض الاخوان وكانوا قمة في التعامل عن اغراض بالجملة ,, والله ياجماعة سعر المفرق هنا ارخص

   المسألة ماودنا نزعل احد او نجرح احد لكن دام اخونا بأ بهالموضوع ودي لو يكون التجار ياخذو فايدة معقولة بدون جشع او طمع زايد والله يرزقنا ويرزقهم

   موفقين واعذروني

Comments are closed.