السلام عليكم ورحمة الله و بركاته
أنا صح عضو يديد في هذا المنتدى بس بصراحة إلي أشوفه أنه في بعض التجارة حلوه بس
بـــــــــــــــــــــــــــــــــــــــــــــــــ ــــــــــــــــــس
أولا
هناك بعض المشتركين أتحس فيهم حسد وفي بعض مب قصدهم التخريب بس يخربون على التجار
يعني مثلاً واحد منزل بضاعة (……………………….) و بسعر كذا (………….)
و فجأة يحصل واحد يقوله هذه البضاعة في المكان الفلاني بسعر (………)
ياخي خلي عندك أسلوب في الرد خلي الناس تترزق (( يحسدون الفقير على موتة الجمعة ليش )))
أسأل بأسلوب حلو مثلاً ((( أخوي شو الفرق بين البضاعة إلي عندك وإلي في المكان الفلاني))
وشوف رده إذا قالك ماشي فرق خلاص حزتها علق مثل ماتريد
ثــــــــــــــــــــانياً
نحن ماعندنا محلات و لا رخص تجارية مثل باقي المحلات هم يتعاقدون معه المحلات إلي في الخارج عشان جذي بضاعاتهم أتكون أرخص لأنهم بشترونها بعقود تجارية, والفرق وايد بسيط
والله واحد مخسر ع البضاعة والشحن و التوصيل أخر شي فايدته إلا هي 100 أو 150 درهم بعدكم تحسدونه و تخربون عليه
يعني إذا عندك أستفسار أستفسر ولا تخرب
موضوع البضاعة التقليدية
نسبة 60% من المواضيع المعروضة تقليدية يعني حرام بعد تغلقون المواضيع إلي فيها بضاعات تقليدية
يوم إنه الشخص العارض البضاعة قال إنها تقليدية و يبيعها بسعر التقليد وإلي راح يشتري عارف هذا الشي تقليدي يعني (( مافيها غش ولا نصب ))
إلا إذا كان واحد يعرض شي تقليدي و بسعر الأصل هذه الساعة من حقكم تسحبونه هو بكبره مب الموضوع بس
و أسمحولنا على هذا التدخل
الحــــــــر A
اخوي بدايه ما دام انته عطيته ضمان وقلت الي مش راضي عن الجهاز يرجعه وبنرجعله فلوسه !
خلاص الريال الحين ما عجبه الجهاز ومن كلامه واضح يبغي يرجعه وياخذ فلوسه
ما اعتقد انك بتخسر شي لو خذت الجهاز وعطيته فلوسه بالعكس انته بتربح ثقه العميل
ومثل ما قال راك اس ال اهم شي خدمه ما بعد البيع لان الي مش مرتاح معاك ماراح يشتري من عندك مره ثانيه
يا بومكتوم انا متأكد ان بدايه راح يرجعلك فلوسك كامله مع قيمه التوصيل وفوقهم هديه عشان ما تزعل
ومادامك قلت انا اتحدى خلك قد التحدي
تحياتي للجميع
تعرف
قريت ردك وانا قلبي يحترق من الافتراءات والاسلوب المختلف تماما عن الي يتكلم في التلفون
والله اني حزنت في نفسي حزن من كلامك حسبي الله ونعم الوكيل
مادري كيف يهون عليك اكل مال الناس وبعد تفتري عليهم بالكذب علنا وجدام الناس والله انك لمحاسب على كل كلمه تلفضت فيها بغير صدق
الله يستر علينا جان لفلوس تخلي الواحد يفتر ويجذب بكل ها التفنن والتصنع في الرد والاسلوب
الله يشهدهم عليك الي يوم الدين بكل كلمه قلتها وبتقولها
حسبي الله ونعم الوكيل
طلعتني غلطان وتكذب على لساني ؟
اولا انا ماقلت لك في محل غيرك عارض اقل منك بهذى الطريقه
انا الي حصل بيني وبينك شفت عرضك في المنتدي وحبيت استفسر منك بدون ان اشتري
وقلت لك برد عليك خبر يوم السبت لاني بكون ياي من دبي
وشوف بيان كذبك لانك داهمتني انت والمندوب مالك يوم الجمعه ويايني في بي ام اكس فايف وتلاقي وياي عند جسر المقطع ومحتشرين
انا بالاصل ماطلبت منك الجهاز وقلت لك اصبر اتشاور مع اخوي عشان انت تصبرني الي السبت تفاجئت بوصول مندوبك ويتصل علي الف اتصال حتى صلاه الجمع والقصر ماخلاني الا ويتصل فيني في الصلاه وانا صابر واتصلت عليك وقلت لك ليش المندوب عصبي وليش ها الاسلوب .
طيب انا يوم شفتك ولد لبلاد وشفتك مهتم خجلت على نفسي اني اردك واروح اخذ من الهندي الي عطاني الجهاز اصلا اب 850 درهم وانت يايبنه اب 1200 درهم
وبدون تركيب وركبت الجهاز عن طريق فني متخصص وهو مركب لفلل وايده
طيب قلتلي وحكمت على هذا الفني والي متخصص ودارس انه واحد اهبل ومايعرف وفي كلامك في موضوع عرض البيع للجهاز اصلا قلت واحد صيني الي يسوي ها البرمج طلع واحد بنقالي من قوم شغل اي شي ورقمه موجود عندي والي يبا يتأكد مستعد ارسله رساله خاصه
بعد ماتعبت من محاولاتي وياكم وبعد ماستلمت الفلوس يوم الجمعه واكرر يوم الجمعه الي اتقول انا ما اتصل فيك الا يوم الجمعه وما اتصل فيك الا يوم تكون في الدوام حسب زعمك يعني لو بيعه بترد على المكالمات والمندوب مالك يرد على المكالمات بس يوم حد يطالبكم بشي اتحطون الاعذار وتتعذرون
انت مب بس جبرتني اشتري جهازك انت احرجتني وحطيتني في موقف واتصل مندوبك على اساس انه ياي من العين وطلع واحد يشتغل هنيه في ابوظبي يعني لا متعني ولا شي وحتى لو متعني انا احترمت ها الدور الي انتوا قلتوا عليه انكم يايين من درب
اخترب الجهاز وانا كل اسبوع عندي طلعه برع الامارة بحسب عملي وماتتصلون وماتبون اتون الا الخميس ولا الجمعه ولاتنكر انك مابعت لي الجهاز وارسلت المندوب يوم الجمعه ولو بتنكر اريدك تحلف بالله انك ما ارسلته بالجمعه اذا انت تحب تألف من عندك كلام انا ارد عليك
يوم العصبيه والاتصال الي حصل منك شفتني ماخذ اقتباس من ردك ان الي مايشتغل عنده الجهاز يرده وياخذ فلوسه وانا اعترضت وقلت لك تعال وخذ جهازك ورد فلوسي انا مابفره بحر
اتصلت علي وقت صلاه العصر على الاذان وتميت اتصارخ بنفسك ونرفزتني من اسلوبك وانا الي قمت اهديك
فكيف اتقول انا الي زاعجت وعصبت وقمت اصارخ اتق الله في كلامك تراه الكلام جدام الناس الي تفتري وتكذب فيه محاسب عليه بكره ومابسامحك والله بيكشفك جدام الملأ
في الاخير وبعد اسابيع وانا اراكض وراكم في اتصالاتي بين كل يومين ولو كل يوم انا عندي خدمه متعطله وانت مسؤول عنها وتريد تتملص من مسؤوليتك بالتعذر بالعمل والحجج الواهيه الي ابد مب من تعامل التجار
الان وبعد هذا الرد وضح لي لو سمحت حقوقي وينها ؟
والجهاز مايشتغل كما اسلفت من المسؤول؟
انا ابا الكل يشوف اسلوبك في الرد اسلوب استفزازي وحتى لاحظت عليك الرساله الخاصه الي ارسلتها لي بعد ما كتبت الموضوع تراويني فيها اللينك يعني القصد انك تريد تستفزني
لا يا اخى ارتاح
وانا اقولك من الحين خلك مستريح انا مب الناس بتاخذ حقي ولكن الناس بتعرفك بالي اتسويه فينا وفي غيري وراح تنكشف الاعيبك وافترائك علي وعلى الناس بالباطل
وصدقني طيحتك مابتكون سهله اذا تفكر نفسك بتتهنى بمال الناس بدون حق
وفي الاخير كلامك الي تقول فيه ان الفني يقول عندي مشكله فنيه ها الفني الي تقول عليه ماشفته ولا بيتنا ولا حتى انت ارسلته حسب ما اتفقنا
انت خليتني في يوم من الايام اروح بني ياس على حسب كلامك ان المحل الي في بني ياس متفق وياكم وانتوا عملاء معاه وان هو احسن واحد يضبط الموضوع وفاهم الامر
لما رحت له واتصلت فيك شو قلت لي؟
قلت لي ركب الريال معاك وقوله بيتنا هني قريب وقلت لي اياها بأسلوب اني اقص على الريال واركبه واشردبه ابوظبي
بالله عليك هذا اسلوب ؟
لو الريال اشتكي علي اني خطفته مابتكون مسؤوليه جنائيه علي؟
واتقولي قوله بيتنا هنيه في بني ياس شوي قدام واشردبه ابوظبي بالله عليك هذا اسلوب تاجر ولا منطق تتعامل ويا الناس؟
انا رسال شطولي شعرضي يخليني اكذب على الريال واشردبه
والريال الفني بنفسه يقولي انا ماتعامل مع ها الاجهزه ولا اتعامل مع ها الناس
والظاهر انه يعرفكم ويعرف الي تسونه فيه والظاهر مشاكلكم وايد
شوف يا ولد الناس لي حق بخذه ولك حق بتاخذه
اما ها الاسلوب الشوارعي والخطف والمشاكل يا حبيبي نحنا في غنى عنها
انا كنت ساكت وماكنت اريد اتكلم ولكن انت اجبرتني على التكلم عن كل شي سويته وصار منك
وصدقني قبل ماترد بكل كلمه اريدك تشوف نفسك من داخلك وتراجع كلامك الي كتبته فوق ان كنت صادق في كلامك كله الي كتبته فوق وتفكر مع نفسك ان كنت على حق ولا لا
وصدقني لو لك نظره حق في نفسك الجواب بيكون عندك
وانا مابعلمك وكلهن الا كم فلس انا مب في حاجتهم ولكنهم حقي وان كنت تظن انك تاخذ مال الناس بالباطل عيل بقولك افلحت وان شاء الله العلم عند الله وعند الله مايضيع حق
بتلاقيها في صحتك في بيتك في شي تعزه الله فوق والظالم مابيفلت من ربه ابد
وفي الاخير اقولك حسبي الله ونعم الوكيل
والله يحاسبني على كلامي هذا كله لو كان فيه نقطه واحد او كلمه واحد كذب او افتراء عليك مع اني بعد ماتكلمت بكل الي عندي وبظل ساكت عن الاسلوب والامور الي دارت بيني وبينك ونحن مب للتشهير هنيه ولكن هذا رد على افترائاتك وادعائاتك الواهيه
الغالي
يمكن لانك ماوضحت له من البداية انه يوم الجمعة تبغي تطلع مع الاهل
علشان جي رمس هاي الرمسة عموما انت نعرف عنك صاحب قلب كبير
والدليل انه عندك عروض تفجير يعني مب اي احد يقدر يهتم بعروضه ويدخل في التجارة بشكل عام
انت ماخليت شي الا بعته خخخخخ تلفونات وعطور واجهزة وغيره
انا ما احسدك ولكن حبيت اشكرك وربي يزيدك من نعمه وخزائنه
والسموحة منك
وابومكتوب مابيطلع من الموضوع الا وهو راض
واي خدمة انا حاظر الله يطول بعمرك
اخوي بداية
شكرا عالتوضيح
ونحن هني علشان نحل المشكلة
واخوي ابومكتوم مثل ماقلت لك وانا تكلمت عن كل التجار
انه حقك بتاخذه
نحن كلنا اخوية
اللي يصيبك من الم وزعل
يصيبنا
لو فرحت نفرح معك ولو حزنت لاسمح الله
نحزن معك
وهاي الدنيا فيها تجارب
استاذي الفاضي ابومكتوب
لو نحن نلتمس الاعذار
ونحسن الظن بزملائنا واللي حوالينا سواء كانوا تجار او اعضاء
صدقني بنعيش بسلام
وبيكون بينا الفة ومحبة
ونقدر نتفاهم ونقدر نحل كل المشاكل
واليوم مابنخليك الا اذا رضيت ومن خلال الموضوع