السلام عليكم ورحمة الله و بركاته
أنا صح عضو يديد في هذا المنتدى بس بصراحة إلي أشوفه أنه في بعض التجارة حلوه بس
بـــــــــــــــــــــــــــــــــــــــــــــــــ ــــــــــــــــــس
أولا
هناك بعض المشتركين أتحس فيهم حسد وفي بعض مب قصدهم التخريب بس يخربون على التجار
يعني مثلاً واحد منزل بضاعة (……………………….) و بسعر كذا (………….)
و فجأة يحصل واحد يقوله هذه البضاعة في المكان الفلاني بسعر (………)
ياخي خلي عندك أسلوب في الرد خلي الناس تترزق (( يحسدون الفقير على موتة الجمعة ليش )))
أسأل بأسلوب حلو مثلاً ((( أخوي شو الفرق بين البضاعة إلي عندك وإلي في المكان الفلاني))
وشوف رده إذا قالك ماشي فرق خلاص حزتها علق مثل ماتريد
ثــــــــــــــــــــانياً
نحن ماعندنا محلات و لا رخص تجارية مثل باقي المحلات هم يتعاقدون معه المحلات إلي في الخارج عشان جذي بضاعاتهم أتكون أرخص لأنهم بشترونها بعقود تجارية, والفرق وايد بسيط
والله واحد مخسر ع البضاعة والشحن و التوصيل أخر شي فايدته إلا هي 100 أو 150 درهم بعدكم تحسدونه و تخربون عليه
يعني إذا عندك أستفسار أستفسر ولا تخرب
موضوع البضاعة التقليدية
نسبة 60% من المواضيع المعروضة تقليدية يعني حرام بعد تغلقون المواضيع إلي فيها بضاعات تقليدية
يوم إنه الشخص العارض البضاعة قال إنها تقليدية و يبيعها بسعر التقليد وإلي راح يشتري عارف هذا الشي تقليدي يعني (( مافيها غش ولا نصب ))
إلا إذا كان واحد يعرض شي تقليدي و بسعر الأصل هذه الساعة من حقكم تسحبونه هو بكبره مب الموضوع بس
و أسمحولنا على هذا التدخل
الحــــــــر A
لا تعليـــــــــــــق <<< منسدح من الضحك
ها الكلام موجه لمنو؟
اذا تعرف شي عن الموضوع
خبرنا اهني علشان نعرف
سبب المشاكل بين الاعضاء
سوء الظن وعدم الاحترام والتقدير
والنتيجة خلافات ع اتفه الاسباب
يضحكونك بعض الناس عندهم عضويتين وحده مشاركاتها فوق 1000 و الثانيه ما تتعدى 100 يستخدمها للتخريب و يدخل عليـك الموضوع و يسوي نفسـه المحكمة التجارية
الله يعيينـا ويعين التجـار على الحاسدين و الحاقدين و ان شاء الله يرد كيدهم في نحرهم
اخوي لاتستعيل وتحكم عليه لان انا من زمان كنت شارنه من محل ومن واحد دايماً اتعامل معاه ب 190 وكذا محل كانوا يبيعونه بنفس السعر
بعد كم شهر نزلت الاسعار ل 120